尖子跳班（左丁山）

elbar

中學文憑試放榜，產生11位狀元，六男五女，全部要入讀醫科、藥劑、法律、環球商業呢啲學科，只有兩個例外，一個要讀心理學，另一位話喜歡政治加法律。去年有一位狀元選讀中大中文系，算係令人耳目一新，但香港學生、家長最識揀，搵食科目永遠最受歡迎。成為尖子而選讀其他科目，竟會被人批評「嘥分」㖭。

今年放榜，有近二萬五人考得大學入學最低資格，不過大學學位只得一萬五千一百多個，即係話九千幾人會失望，再加上non-Jupas（外國生、內地生、IB生），被拒諸8間政府資助院校之外者，點都有萬二三名DSE及格生，但話得說回來，有45%以上DSE及格生可以入大學，比起詹德隆至梁錦松年代嘅入學率已經高出好多倍。

中大醫學院收尖子，曾傳出會准許尖子跳班嘅消息，即刻受港大醫學院院長梁卓偉教授反對，港大畢業生佔大多數嘅醫學委員會又話要再研究，於是中大暫緩「跳班」之議。梁卓偉教授仲講到跳班會違反三三四之原意。此說十分牽強，昔年中大港大有學位試，未考過學位試，唔准畢業，所以天才如丘成桐，限於規矩，未能取得中大畢業證書，讀完兩年就去咗柏克萊讀博士，又係兩年就搞掂，誰人會講丘成桐違反「三三四」原意（佢讀培正三年初中、三年高中、中大四年制）？在美國，學制係四年，但優秀勤力學生隨時可以三年修滿學分就畢業，等於跳班。小YY去美國讀大學四年，就攞埋碩士學位，咪又等於跳班！既然如此，尖子生入讀醫學院，提早一年就讀晒畢業所需學分，大有可能，梁卓偉教授何必介懷？恐怕只係介懷中大醫學院搶尖子而已。回歸之後，因香港不再准許英聯邦醫科畢業生來港掛牌執業，香港有醫生難求之嘆，反而香港醫科生可出外掛牌，即係人地大方，香港有保護利益啫。久而久之，香港醫學界有塘水滾塘魚之危機，本地醫生缺乏國際角度及對外國最新醫療技術掌握不足，一個補救之法係鼓勵本地醫科生到外國大學醫學院交流（但要對方肯制至得，哈佛醫學院未必肯同港大中大醫學院交換學生），中大計劃為醫科尖子安排到劍橋大學醫學院修讀課程，再回到中大醫學院完成畢業要求，在香港掛牌行醫，可說甚具苦心，都係為學生好，為本地醫學水準不脫離世界水平而盡一分力啫。呢項計劃希望可以實行得到，心胸不廣之人，萬勿阻撓為幸！（寫完呢篇稿之後，得知男拔17歲中五生未考過DSE就獲科大理學院取錄，咪又係跳班，科大收生不拘一格，值得鼓掌。）


左丁山

nintendo

judy  因為我信我侄仔。  發表於 21 分鐘前

====

你侄仔都係聽人講，我唔信係真。
不過是但啦，反正和主題無關。

nintendo

judy  我信真珠都冇咁真。問題係：點解依家啲人咁功利嘅！  發表於 3 分鐘前

=======


你都係間接聽，點知真？你見過佢美國 med school 的 offer letter ?

nintendo

judy 發表於 15-7-22 13:59
剛大畢業，据說全美數一數二的大學收他讀MD佢唔要

美國入 MD ，唔洗等畢業都收，但係一個好覆雜漫長的過程， GPA 要近 4，又要 MCAT，做 shadowing，interview 幾次，如果真係有能力有水平入到數一數二的 MD program，佢個水平超班。
重點係，過程漫長，搞咁多嘢，人地收埋，先話返香港讀？
我信佢三成，吹水多。

judy

一、二年前間中睇日本片"交響情人夢"其中一幂: 一場音樂比賽，阿仔在台上彈琴，阿媽台下仲肉紧過佢，嗰種投入法呢，千秋睇後都大惑不解：呢位大嬸係到做咩呢？

千秋仲後生，唔知父母嘅苦心。佢如果上BK睇吓平時斯斯文文嘅靚太變得披頭散發，佢唔會俾嗰位大嬸吓親。左丁山如果没有子女讀中大，大概不會寫呢啲垃圾。

judy

有樣嘢叫 天知、地知、你知、我知。阿丙咋唔知以為冇人知。

judy

有樣嘢叫司馬昭之心 路人皆知

judy

我唔明你做吔咁stubborn, 首先唔知你系唔系医生，如果你是医生，应该知道医科一向五年際，三三四后，早一年上大学,中大用第一年做基础年，医科五年基本無變。

其他人都答咗啦(我之前都答咗)，不過好嘅嘢唔怕抄：

不如收小學尖子哎，只要5年医科就得啦。

20120808

friendlyguy 發表於 15-7-22 15:39
我提議收八歲有ＩＱ150以上，有興趣讀醫（父母有興趣？）入讀醫學院，慳返十多年。慳錢慳時問，唔使讀Ｄ無聊科。培養港產神童醫生，世界第一。

這個我極之贊成, 又是最最最最功利的目的, 強勁基礎, 誰可匹敵......[又有得笑] [又新穎]......總好過整天在黑黑白白的說理吧.

Yanamami

有d越講越離譜……

73662710

friendlyguy 發表於 15-7-22 15:39
我提議收八歲有ＩＱ150以上，有興趣讀醫（父母有興趣？）入讀醫學院，慳返十多年。慳錢慳時問，唔使讀Ｄ無 ...

你認為8歲有能力讀? 这个scenario doesn't make any sense.

壞寶貝

原帖由 73662710 於 15-07-22 發表
我唔明你做吔咁stubborn, 首先唔知你系唔系医生，如果你是医生，应该知道医科一向五年際，三三四后，早一年 ...

如果醫科真的可少讀一年或幾年，病人亦有知情權，麻煩到時表列每位註冊醫生收畢課程時間年期，供病人選擇！

ANChan59

回覆 73662710 的帖子

明就明...

唔明點講都唔明 ...

friendlyguy

我提議收八歲有ＩＱ150以上，有興趣讀醫（父母有興趣？）入讀醫學院，慳返十多年。慳錢慳時問，唔使讀Ｄ無聊科。培養港產神童醫生，世界第一。

73662710

judy 發表於 15-7-22 13:59
同意。醫科是本港第一受歡迎之學科。去年就有一個DB仔放棄環球商科重讀， 決心入醫科(佢話將來想從事基因 ...

我唔明你做吔咁stubborn, 首先唔知你系唔系医生，如果你是医生，应该知道医科一向五年制，三三四后，早一年上大学,中大用第一年做基础年，医科五年基本無變。advance standing or exemption 根本全世界多数大学都有。医科一向收尖子，大学認为他們某科成绩逹到一定水准所以有exemption,根本無吔大不了。而因为有exemption,所以有些学生在year one 比较得閒，現在大學比他們直上醫一，但是其他通識教育大學通識書院通識他們還要讀，基本上談唔上讀少左嘢。
而有些人認為讀少咗一些基礎課程，將來讀醫會有困難，其實完全沒有關係。

無論是AL DSE, 考成点叻都好，入医学院后，大家都是從零开始。AL, DSE只是用来做screening, 选择一些聰明的学生，除咗做screening and 做入学barrier 之外， AL 5A 和AL 5C 在医学院的起点是一样的，意思系如果大家同样聰明，大家將来孰勝孰败还是未知数。当然现实是5A 通常比较聰明所以跑出机会比較大。我的意思並不是话，高IQ 就考試零分都可以讀医，我的意思是只要pass 某个程度就可以，而事实上讀医雖然也需要理解，但是需要理解的東西並不高深，主要还是死背, 高IQ並不是讀医的必须條件，也不是足够條件，勤力最重要。医科收生最低要求只是343333，理论上如果尖子唔选择医科，医学院就算被迫也要收343333这批人，经过医学院的嚴緊把关，他们如果可以畢业，也是安全和及格的医生，但是你可以说他們並不smart!
现在中大只是比同学多一个option, 並不是强迫性。六年还是五年，是各人的选择，各有優缺点，但是如果本地六年還是本地五年 再加 Oxbridge 1 年，我会毫不犹豫选择后者！


講咗甘多，希望大家明白。

judy

閣下跳級理論，在下不反對，但引用在醫科生上，在下實在不敢苟同，始終人命關天; 兩大醫學院若你追我趕，再遇上沈詩鈞之才，開出一年速成課程招攬，豈不天下大亂！醫科有別於其他學科，必需按部就班，循序漸進，才可培訓出高質量之醫學專才; 再者，外地回流之醫生質素參差，必須通過考核才可放行，確保本地醫療安全水平，至於保護主意，只是未達門檻者之托詞！

同意。醫科是本港第一受歡迎之學科。去年就有一個DB仔放棄環球商科重讀， 決心入醫科(佢話將來想從事基因研究，笑死我也)。侄仔幾年前升四年班，在迎新營上遇到中學舊同學，此同學當年選擇到美國升學，剛大畢業，据說全美數一數二的大學收他讀MD佢唔要。我今年遇到一位phd學生入讀中大醫學院，我問佢點解唔報港大，佢話港大要佢一年班讀起。即係話，醫科極受歡迎，基本不愁收生，不然，外地回流條水都够多了。我聽說事實上，中大收生超過政府規定數目。

種種事實，証明左丁山之思諸很奇怪，左丁山撑醫科生讀少一年幹甚麽？冇錢交多一年費？早一年出來掙錢天大的事？

作為市民，我希望有好的醫生，作為中大舊生，大概會希望中大脚踏實地，做出好成績讓校友添光吧。

"出招"大概只會受無信念貪着數之輩歡迎。

judy

我睇會係先做港大校董會主席，跟著合併全港大學，港大改名「中國香港大學港島分校」。中大叫「中國香港大學馬料水分校」。

咁比較起來，「中國香港大學港島分校」好聽過「中國香港大學馬料水分校」。馬料水三字讓人誤會是獸科大學。

nintendo

friendlyguy 發表於 15-7-22 12:39

///三年修滿學分就畢業，等於跳班/// 三年修滿學分=用三年修四年課程， 跳班係讀少一年課程。 完全兩回事。

對 !


三年修四年課程 = Still complete all classes and credits, but probably take more classes each year or take summer classes.


讀少一年課程 = Totally skipped first year classes. So zero credits for Year One classes.

friendlyguy

judy 發表於 15-7-22 09:29
最威水嘅係猪心换人心。猪心换人心後，阿瑟王都由外科學系主任,變咗院長、校長、局長, 仲殺入埋港大做校 ...

我睇會係先做港大校董會主席，跟著合併全港大學，港大改名「中國香港大學港島分校」。中大叫「中國香港大學馬料水分校」。