入讀協康s位

lkube

有人可分享一下學術上嗎？會不會很難追和相比一般幼稚園遲很多？

methy

原帖由 lkube 於 15-07-20 發表
有人可分享一下學術上嗎？會不會很難追和相比一般幼稚園遲很多？

要明白入讀S位既原因，係因為小朋友有中度至嚴重既缺損或障礙，而障礙個個不同，我仔既S位係按能力分班，學術係按能力而教授。
我仔係體障組，同班6個小朋友手腳都有中度至嚴重障礙，理解認讀無問題，言語都無太大問題，但因為小手肌差，現在K2尾都未寫到中文字，只能靠魔術貼去配對認字，死背中文字，教既係主流課程。但如果去到主流，一個字都寫唔出，根本完全跟唔到功課了。

另外我知自閉組，因為情緒行為問題都改善得好好，原本智力無問題既，自然能應付主流課程，主流功課，我仔S位係：如果小朋友得，就會谷學術，比主流教深小小，以助日後回主流小一讀書。

我唔太理會跟唔跟到學術呢點，最緊要能改善小朋友既障礙，佢發展能同其他小朋友差別不多，能獨立行走上樓梯，小手能自如運筆，佢自然學術上就會跟到。

我諗你對S位既期望要調節一下，正常小朋友都唔會個個都叻，無可能人人都考第一吧。