中大跨性別學生可選體育特別班

elbar

【明報專訊】中文大學要求所有全日制本科生大學一年級必修體育，體育堂都安排男、女學生分班，但對於跨性別學生嚟講，揀班令佢哋頭痛又尷尬。中大學生組成嘅「性/別關注組」最近成功爭取，新學年起學生只要獲醫生證明患有性別認同障礙，即係唔認同自己屬於天生嗰種性別，無論係咪已經完成性別重置手術，都可以改為修讀無分男女嘅體育特別班。

中大發言人同Emily講，體育特別班原本係畀患視障、四肢殘疾等有唔同需要嘅學生修讀，所以唔會一讀呢班，大家就知個學生係跨性別人士。「性/別關注組」補充，揀讀呢班係自願性質，成績表會列出「體育特別班（Special Physical Education）」，但唔會註明修讀原因。

augkBB

同身體殘障傷健人士一齊上堂，考試咪好著數。
奧運係咪要加多一個特別組，或者跨性別人士歸殘奧？

goodenough

或者，祝英台又會問，點解唔可以揀跟男同學一起上體育堂！