值得一看， 2000 年鏗鏘集的高分低能

stockmike

估不到 1973 年已經提倡教育要教到學生有創意，有空間思考。 2000 年啲家長鬥緊學能測驗， 節目中又再提番教學報告指出要向創意及思考方面檢討。而家2015年，我哋班新仲俊家長重講緊創意，培養獨立思考能力。估計2030年啲家長會同我哋一樣。要期望氣氛改變，去外國吧。

https://www.youtube.com/watch?v=755VfxxvQjg

ANChan59

回覆 little_yolky 的帖子

下次買有關太空漫遊的書！

little_yolky

stockmike 發表於 16-4-7 16:44
淨係見你肯俾時間佢睇書餵飽佢靈魂，佢又衷心愛看，就知你功力非凡，迷上閱讀理解係佢一時迷失，得到經驗後 ...

依家就緊係揀書啦, D年青人係咁架, 阿媽講係唔聽, 係要自己撞過板至知, 抵佢既。上學期係咁狂做閱讀理解(佢哋老師好搞笑, 叫大家同學一人買一本, 然後可以交換做), 有次測驗前夜晚晚仲想做, 我叫佢瞓足精神好過, 點知果次測驗炒咗, 仲要係炒閱讀理解, 返到屋企係咁怨我阻止佢做搞到佢低分。之後更沉迷, 但結果又唔見餘下既測考好咗喎, 咁咪知無用囉。死死哋氣就唔做了, 睇返書了。



不過近排好大劑呀, C6唔知幾時又買咗套XX歷史書佢睇, 睇到佢兩姊妹鬼咁開心, 話要去北京睇故宮同長城 等我省咗C6一身, 叫佢以後買書小心D。

stockmike

原帖由 little_yolky 於 16-04-07 發表
完全認同你既意見, 不過............我大女真係好鐘意做習作, 尤其閱讀理解, 簡直到迷戀既地步, 因為佢誤以 ...

淨係見你肯俾時間佢睇書餵飽佢靈魂，佢又衷心愛看，就知你功力非凡，迷上閱讀理解係佢一時迷失，得到經驗後重回正軌。我相信你放一本書及一本閱讀理解係枱面，佢一定揀書。

little_yolky

stockmike 發表於 16-4-6 18:03
我好佩服個啲敢講亞仔亞女好鍾意番兩間校或好鍾意做習作的人，究竟佢哋分唔分得出子女話鍾意的原因？有冇了 ...

完全認同你既意見, 不過............我大女真係好鐘意做習作, 尤其閱讀理解, 簡直到迷戀既地步, 因為佢誤以為做得多可以高分。我勸過佢佢唔聽就由得佢做, 做咗半年發現無幫助, 就自己give up, 睇返書好過了。

judy

嗰時推直資及全日制的應啦出來被鞭屍

直資學校要收到學生才有能力辦下去，辦不好自自然然會執。現在啲人反對的是變態操練，直資學校一般較平衡，這才廣受歡迎。拿辦得好的，受歡迎的來鞭屍？你無嘢嘛？

半日制好過全日制？真係冇嘢講。

stockmike

我好佩服個啲敢講亞仔亞女好鍾意番兩間校或好鍾意做習作的人，究竟佢哋分唔分得出子女話鍾意的原因？有冇了解到一隻狗點解要散步，一個小童要出街玩的因由。全部都係生身理需要，人老咗要你行多步唔搭電梯你都唔會，因你已經無呢個生身理需要。滿足唔到生身理短期影響情緒行為，長期影響心理社交，養狗的人自然知唔俾狗散步的後果。

Mapleac

原帖由 yfchoy 於 15-07-10 發表
可惜改咗咁耐咁多次，問題仍未解決，感覺好像越來越嚴重。唉~

直頭係越改越差

little_yolky

Busybody! 發表於 16-4-5 17:45
這課程是那些所謂學歷高有熱誠的老師設計架，有d家長buy架。

「有D」家長真係好有問題的, 噚晚我睇港台31個唔知乜節目, 訪問咗D幼稚園準備升小家長, 一個家長話小朋友讀兩間幼稚園, 上午international school, 下午救恩, 佢仲話入學前暑假問過小朋友好多次, 怕小朋友辛苦, 但小朋友同佢想讀兩間, 因為好鐘意學習。

另一對家長幫小朋友學三文四語, 學埋法文, 話自己小朋友超班, 自小好鐘意學習, K2已經可以handle K3嘢。


我唔知香港教育發生緊乜嘢事, 但係我肯定係好多家長係幫凶。

little_yolky

picture 發表於 16-4-4 01:09
好難好難

由其讀traditional school.   你在家中夠佢mutual respect,  discipline,  solve your own probl ...

對極了！

中文：
1. 不斷做閱讀理解練習, 不過小朋友自己對, 錯咗唔知點解。
2. 作文唔該背咗個model answer佢, 背唔到罰無小息。
3. 作文寫信一定開頭要寫 "親愛的XXX", 結尾要 "XXX 敬上"。
4. 默書背咗課文入面篇白話文佢唔該。但後兩課篇古詩又唔駛背喎。


英文：
1. 要查個生字連advance dictionary都查唔到的。
2. 點解中文個個禮拜都有讀書報告, 英文無既??????????


視藝：
1. 全世界畫同一個題目, 夠鐘交, 畫唔切唔該小息或功課堂搞掂埋佢。
2. 視藝project, 整個唔知乜水出名畫家, 寫吓佢D生平、畫風、特色、感想.........但上堂時無討論過咁深既嘢喎, 咁即係唔該阿爸阿媽同佢google一下啦。


音樂：
1. 每個小朋友要學一種樂器, 學期尾要考試。三年級仲要加埋牧童笛。
2. 要考唱歌、拍子、筆試、樂器, 加埋平時分, 共5大範圍。
3. 唱歌只可以考書入面D歌仔, 就算閣下出去學聲樂都無用。


體育：
係最神秘既一科, 完全唔知點運作, 總之次次攞個C返嚟, 問老師都唔會講你知考乜。


總之, 小學係令小朋友厭惡學習既天才, 佢哋要用六年時間完成呢項艱鉅既任務, 不過, 佢哋次次都可以取得壓倒性成功。

囝囝mama

https://www.youtube.com/watch?v=755VfxxvQjg

MrBeast

成功需苦干，for most people , 要成績好，練習和溫習是必須的。傳統小學課程雖然都有引入活動原素，但的確較沈悶，唯有父母在家做多一點啟發孩子

picture

原帖由 stockmike 於 16-03-15 發表
我哋成日話一代不如一代，其實係一個循環， 下一代又會話下代代唔掂。到我孫個代應該重提緊創意，輕操練重 ...

好難好難

由其讀traditional school.   你在家中夠佢mutual respect,  discipline,  solve your own problem,  think before you seek help,  spend time planning and thinking but less scramming meaningless "work".,

但反到學校，就係一堆無聊worksheets,  重複地趕完一頁又一頁。  做得太有心機，慢得際比教師罰小息趕埋佢。

Writing就要你copy sentence.  真係無聊到震！

做得唔好就大大聲責罵全班 Shame on You!

D細路愈讀愈無信心。情緒愈來愈差。

真係怪不得D細路， 咁抑鬱。