究竟什麼數據得知BANDING 裡面既A,B,C ???

alan280204

教育局將升中學生分 BAND 1/2/3 去隨機派位時既先後次序 , 從而多人選擇既學校當然係BAND 1 (可以用英文授課)然後 跟住排位BAND 2 ,3
好奇怪一樣呢度好多人問D學校好唔好或者咩BAND既時候, 好多人好快就答如1A, 2B , 3C,  一個BAND裡面再分A,B,C ??? 究竟呢D數據從可而來, 無啦啦由3個BANDING變左９個BANDING ???? 理論上70%抽獎 以BAND 1為例, 只要係BAND 1 就不計成績溝亂抽獎. 一定唔會所有好成績都入曬同一間學校 , 咁何來會有A, B,C 去分 ???

好想知果D數據係個人意願或真有其事

alan280204

http://www.edu-kingdom.com/forum ... &extra=page%3D3

whywhywhywhy

小朋友明天升中，我好多謝ek好多會員用心分享佢地所知，令我呢啲一無所知嘅媽媽明白升中派位嘅玩法，同點分banding,其實呢度好多人都會有分析同數據先講學校banding abc,好小資深會員會只答你間學校係1a,但又唔講數據，任何事情都應自己去判斷真誤，唔係人地講一句就信，應該要自己再求證一下，不過alan280204，你提出呢個疑問都好，確實有些新會員係毫無理劇下就亂講banding，祝大家都派到理想中學

stanleysham

原帖由 Band5 於 15-07-09 發表
如果要確實數據，不如就唔好講任何banding了！所有確實數據，都在教署手上，但又拒絕公開，所有banding只成 ...

講得好好，你呢番說話係我一直想表達，但我又組織唔到好似你咁樣表達，多謝你做出示範。

twcho

Band5 發表於 15-7-11 08:39
重點應該係再細分ABC對選校有冇幫助！

Band5

原帖由 alan280204 於 15-07-10 發表
不過重點你地所講既BANDING 內再分ＡＢＣ 有幾多成係真先 , 反而BAND 1/2/3 於教育局會分類, 咁每間學校每 ...

“重點你地所講既BANDING 內再分ＡＢＣ 有幾多成係真先” ** 呢個根本唔係重點，重點應該係再細分ABC對選校有冇幫助！不過我可以同你講，皇仁係B1A就十成係真，喺一間名小學（你如果要學校名，我最少可以數到五六間）考全級前五名係B1A有99.99%係真！考全級五十唔係B1A有八成以上係真！如果學生冇特異功能又唔係B1A，報皇仁自行冇得面試有99.99%係真！你可以唔鍾意皇仁，唔報皇仁去讀一間大家唔認同係B1A嘅學校，都可以喺DSE考得叻過皇仁學生，但否認唔到皇仁係B1A！

“反而BAND 1/2/3 於教育局會分類, 咁每間學校每年抽獎後計算人數入咩學校大概得知自己學生咩名次大概係咩BAND , 呢D咪叫數據, 起碼有SUPPORT, 有根據。” ** 你又知唔知呢個大概得知又有幾多成係真先？如果你得知有大約60個係B1，咁估計1-20係B1A，21-40係B1B，41-60係B1C，你話係個人感受定係數據先？有冇support有冇根據先？

blee427

原帖由 701003 於 15-07-11 發表
講到明只作參考，接納與否，看官自決啦！相信各位EK的過來人都有感激過你的提示我雖與你的選校策略有 ...

我一直奉行007的宗皆， 找一間中上做前頭，總比硬入神校做包尾好 小朋友喜歡被讚賞，量力入適合小朋友的學校為王道

701003

原帖由 khmama 於 15-07-11 發表
DSE唔似HKCEE有6科14分%作為量度標準，如果用3322做標準，先唔討論學校有冇公佈，大家都知達到3322不算什麽 ...

講到明只作參考，接納與否，看官自決啦！相信各位EK的過來人都有感激過你的提示我雖與你的選校策略有異，但仍然覺得你的分析理據較客觀！十年前的前輩007也是一位無私交流的爸爸

701003

樓主只係剛剛小一派位完的家長，漫漫長路，到時升中會係另一番滋味了！

khmama

原帖由 Nath 於 15-07-10 發表
回覆 khmama 的帖子

其實我見都有用上年既DSE 成績同入大學比率更新過學校資料，何解唔將呢d較新既數據用 ...

DSE唔似HKCEE有6科14分%作為量度標準，如果用3322做標準，先唔討論學校有冇公佈，大家都知達到3322不算什麽。高中課程多元化，有學校辦IB同GCE以non-jupas入大學，依家入U唔係單憑成績，還會睇策略、面試、portfolio、personal statement、興趣、競爭人數、特異功能等等冇得比較嘅項目。入到8大又會有人要比較3大，入到3大又會比較幾多入醫科，但揀U同揀科係自由選擇，冇規定成績好一定要讀醫。唔少人跳船去外國，即使有海外升學%，都唔知讀名校定野雞，咁多不知名因素，學校公佈又各施各法，自問無本事做到可靠嘅數據，所以我一早已講明唔會做。

SIYip

DSE成績係好難分析架。計學生分數？計星星數目？有d學生讀2X, 有d讀3x. 計入大學率又計邊幾間？hit科同弱科已經好大唔同。聽過朋友個女明明心頭好係理工某系，班主任力勸佢報hku某系，勸到佢女要擺亞媽上檯話媽咪都支持佢揀poly, 唔揀hku. 每間學校present成績嘅方法亦不盡相同，所以，要分析全港學校根本係不可能的任務，仲要學校每年成績都有上落，計平均定計某一年？家長自己search自己區都好大工程。我自己試過分析仔仔有可能報的中學，唔夠十間，揾咗一輪都放棄。而且，報學校呢d嚴格嚟講，同年度的都是競爭對手(無論學校之間or學生之間) ,加上網上世界，大家收資料都要自己分析。

Nath

回覆 khmama 的帖子

其實我見都有用上年既DSE 成績同入大學比率更新過學校資料，何解唔將呢d較新既數據用作參考。而繼續源用2010年既舊數據呢？

waiwaibabe

mcl203 發表於 15-7-10 11:34
要講理據...KC/QC/LS都肯定唔知收D學生真正Banding
就算自行果份排位表...排No.1都有可能係EDB 真正係入B3 ...

中學係會知道升上黎嘅學生有幾多個係band 1/2/3
不過唔會對外公布 (係唔可以對外公布)

fion6406

原帖由 3two1 於 15-07-10 發表
Alan 兄其實是很清楚這些分類法是如何得來的。
我相信他只是出於好意，提醒家長要知道這些排名或分類是如何 ...

3two1

Alan 兄其實是很清楚這些分類法是如何得來的。
我相信他只是出於好意，提醒家長要知道這些排名或分類是如何制定。
信度高嗎 (數據是否完整)? 效度可以嗎(多少年前制訂﹖學制已轉變)﹖

其實部份家長真係好似股民，真的對大行報告 (坊間排名、資深會員資料厙)深信不疑，亦容易被不知來源的市場消息(網上傳言、某某家長朋友的經歷)攪到無所適從。最好你話個Number 佢知。

簡單來說，大家都要多了解資訊的意義，對選校才有幫助。當然在政策市之下，大家都要投降啦﹗

palmchristy

在這裡找到的Banding A/B/C 資料, 是由當年末代會考成績劃分的. 由於一間學校在數年間的變化不會太大, 所以用當年的資料去估算一間學校的Banding, 是有一定參考作用的.

近年DSE各校用五花八門的規格公佈學校DSE表現以及升讀大學的數據, 令人眼花撩亂. 個人觀察, 當年估算banding高的學校, 其升大學的比率, 或人均取5的比率等, 都會遠較一般學校高.  用家可以自行分析.

hkpapa852

alan280204 發表於 15-7-10 15:40
如果我有能力搵到數據, 我一定講出黎
就係因為無數據而大部份都係估出黎, 咪問題所在, 我就真係無能力搵到 ...

點解一定要排位呢? 有資料有數據, 都唔一定要排位.

一間學校係咪所謂B1, 大家(至少同區家長)心數有數吧!

一間B3學校唔會因為多咗1千幾百個like就會變B1, 事實係就算有位B1學生既家長話幾like某B2學校(學校A), 幾唔like某B1學校(學校B), 但我相信最後佢都只會為佢個仔女選學校B而唔係學校A囉!

只有選一間程度合適既學校先有用

zoechan2005

fion6406 發表於 15-7-10 15:53
似乎你只係針對學校分A,B,C 而有質疑。
一間自行收 Band 1A學生的學校，她會收到
30%+70%x33.33% = 53.33% ...

我認同呢個計法，作為初步了解都ok,DSE成績,校風，老師……都會成為有幾多人揀嘅因素，但最終都係成績佔主要考慮

abbytang

咁你有排吾駛諗住嘅, 就無謂為啲數據去商和氣啦, 話吾定到時小朋友由小學一路直上讀完大學為止呢!
你未有小朋友到依個階段你吾會明白個種擔心嘅程度, 就算係一線小學, 評為 B1A 學生, 係"自行"你無法知學校收吾收你嘅時候, 派位證一日未到小朋友手, 做父母嘅点會吾擔心

fion6406

alan280204 發表於 15-7-10 15:40
如果我有能力搵到數據, 我一定講出黎
就係因為無數據而大部份都係估出黎, 咪問題所在, 我就真係無能力搵到 ...

似乎你只係針對學校分A,B,C 而有質疑。
一間自行收 Band 1A學生的學校，她會收到
30%+70%x33.33% = 53.33% band 1A 學生
70%x33.33% = 23.33% band 1B 學生
70%x33.33% = 23.33% band 1C 學生
超過一半Band 1A學生，所以我地估她是Band 1A中學


一間自行收 Band 1B學生的學校，她會收到
30%+70%x33.33% = 53.33% band 1B 學生
70%x33.33% = 23.33% band 1A 學生
70%x33.33% = 23.33% band 1C 學生

超過一半Band 1B學生，所以我地估她是Band 1B中學

一間自行收 Band 1C學生的學校，她會收到
30%+70%x33.33% = 53.33% band 1C 學生
70%x33.33% = 23.33% band 1A 學生
70%x33.33% = 23.33% band 1B 學生

超過一半Band 1C學生，所以我地估她是Band 1C中學



呢個數據自問都好精準下，得唔得呀？