大學生搏盡 借$50萬炒孖展 碌卡借財仔 社工：貪念或變賭癮

elbar

網上有傳不少大學生欲做「股神」，趁現時股市暢旺，向財務公司借錢，兼透支信用卡共五十萬元「炒孖展」，希望以小博大賺百萬元。有投資界人士指，年輕人「搏到盡」投資高風險產品易損手；社工亦提醒，貪念或演變成賭癮。

有網民在討論區發帖指，在財務公司任職的朋友透露，近來多了大學生借錢「炒股」，更引述有大學生以信用卡透支逾十萬元，再向數間財仔借逾三十萬元，以合共近五十萬元買孖展，帖文指，「我當番五倍，就賺二百五十萬，減番七萬幾利息，手續費和借貸，賺一百九十三萬。」

但有網民質疑其可信性，「學生哥無收入證明，鬼借畀你」。但亦有網民指，「如果佢有四張卡……加上兼職月入五千元……借到十幾廿萬唔出奇。」有網民支持「人生要博下」，慨嘆月入兩萬元，難以儲到二百五十萬元。

大學生為炒股 兼職揸的士

現實中，陳先生（化名）讀大學時開始炒外匯，其後透支信用卡款項轉炒孖展，畢業後已欠債逾十萬元，需由家人協助還債。加入職場後，他更借財仔炒股票、孖展及窩輪，「從無諗過點樣還錢，只係諗點由五十萬變一百萬，贏更多錢」，他沉淪賭博十五年，直至欠債一百萬元才醒覺，向社工求助及戒賭。

香港投資者學會主席譚紹興指，今年股市暢旺，報讀股票分析員及證券經紀課程的大學生較往年多近百分之五十，「通常學識咗就炒下股」，他笑言早前與的士司機閒聊時，對方聲稱是大學生，「兼職揸的士」，只為賺錢炒股。他亦留意到今年不少大學生借錢炒股，希望以最小成本博取最高回報，「部分年輕投資者專針對高風險投資產品，例如窩輪、仙股，因為本金小，今日買明日就放。」

亂借錢入市 恐禍及家人

提供戒賭輔導服務的明愛展晴中心督導主任鄧耀祖亦指，每月接獲兩至三宗股民求助，他們往往由大學時期已入市，部分人因嘗過「甜頭」，自以為眼光獨到，最終因貪念變成病態賭徒，「開始贏幾萬蚊好開心，之後覺得唔夠，輸了就借錢再去炒股，最後一身債。」

他提醒年輕人勿養成「搵快錢」心態，投資前做風險評估，更不要借錢入市，否則或禍及家人，要他們代為還錢。

炒孖展風險高 入市前三思

股市向好，令不少新手都想入場賺一筆。鄧耀祖指，「有牛市必然有熊市」，提醒年輕人不要抱僥倖心態，賺了錢也未必是贏家。

譚紹興指，孖展是由證券行借出股票市值的50％，「例如買入10萬元，證券行借出5萬元」，市況好時可賺一倍，但如遇大市下滑，買家隨時蝕兩倍。

智才投資學會行政總裁羅振邦說，年輕人選擇較進取的投資產品時，首要條件是資金不能完全靠外借。例如以孖展買重點成分股，「50％由證券行墊底，自己出50％，就算蝕都唔會蝕到損晒手」。



譚紹興


  

Stillgood2

好懷念張國榮唱"風繼續吹"

Stillgood2

ANChan59 發表於 15-7-4 16:43
回覆 Stillgood2 的帖子

OK, wait and see.

平常心! 多睇一日。剛一星期。老實講，亞爺要贏。指數大升。
那是最大的錯誤。好彩無咁做。
面對自由市場，不能沒有陣痛。

我係大淡友，亦是大好友。
係我記錄，滙豐，一直唱淡。好似發神經咁。
$68.00。我就係大好友了。6厘年息。昨晚美國ADR都反彈。

akys

見過幾次大時代，今次跌嗰20－30%好小事啫。講到又打仗又敵對勢力，都係錢嘅誘惑而已。買Margin嘅一個破產就搞掂，幾年後又一條好漢。如果唔係總理多口， 跟住要補佢隻鑊，都唔駛搞成咁。不過我估好多中小型股老闆會有對賭條約，可能一舖清袋，不過都係財富轉移啫，冇相干。其實只是回到爆升前狀態，跌突先算啦。
昨日200蚊左右買咗388， 今日收割。 期待下次機會。

ANChan59

加入 MSCI 要再坐一會！

ANChan59

原帖由 maggiemomC 於 15-07-09 發表
經過呢幾日, 仲有無咁多人敢咁做?

知死吧！

MrBeast

ANChan59 發表於 15-7-9 09:06
回覆 Stillgood2 的帖子

肯定不是自動停牌機制及有消息宣佈！

睇平果話係阿爺唔比賣，沽左嘅仲要買返，股票其實都係supply n demand, 壯家多貨係手又唔比沽空好難同佢玩(夠唔夠＄我冇計過），不過A股遲d入唔入到msci 真是個問題，my 2 c

Stillgood2

ANChan59 發表於 15-7-9 09:06
回覆 Stillgood2 的帖子

肯定不是自動停牌機制及有消息宣佈！

似足我之前講ge李福兆

ANChan59

回覆 Stillgood2 的帖子

肯定不是自動停牌機制及有消息宣佈！
最大機會, 是大股東以為唔交易就唔跌 .....

Stillgood2

ANChan59 發表於 15-7-8 19:58
50% stocks stopped trading ..... What's your view?

打緊風，咪停下，休息下。究竟，個風係海燕，定係卡特里娜。
又或是，普通大風，而係因屋ge結構有問題，不一擊。
又兩者，皆是。
幾個月前，油價暴跌，俄羅斯盧布大跌，引發金融動盪，
俄羅斯經濟陷危機，引致政治社會沖擊。
事過境遷，今天，俄羅斯因此負增長。...但，又如何?

講番停牌。係自動停牌，或被引導性一停牌。
又各自公司的營運，業務，價值如何，好難用同一個標準去量。
除了國內股價大跌，停牌和政治救市(失敗)外。其實，個別國內企業供報銷售和盈利仍然唔錯。
股票市場原本宗旨也!

ANChan59

Stillgood2 發表於 15-7-5 22:42
今次國內股市劇烈振盪。可能給學生們一個case study.整個股市變動，前所無有，甚為弔詭。
大量流言資訊，屬 ...

50% stocks stopped trading ..... What's your view?

purplesheep

回覆 ANChan59 的帖子

全民皆股既時候，吾知係吾係:上帝要你滅亡，必先令你瘋狂?

MrBeast

Stillgood2 發表於 15-7-4 16:34
不如，大家耐心睇多一星期。國內股市是死海，還是蒸發了幾兆人仔，而引致經濟破壞。

日本安倍經濟學走到今 ...

日本爆唔爆不敢講，但不嬲我都話長期通縮，又同中國有牙齒印，長遠唔睇好，都唔明點解一些父母仲要子女學日文。手機已commodized la, iphone 都係大6做，高價電視都未必一定mij, 就算係都未必一定kum用d，魚生又有幅射（不過又無阻旅遊業），我都想知仲有乜賣點。

ANChan59

原帖由 Stillgood2 於 15-07-05 發表
今次國內股市劇烈振盪。可能給學生們一個case study.整個股市變動，前所無有，甚為弔詭。
大量流言資訊，屬 ...

券商用資本金入市護盤，真是匪疑所思！班小股東真無辜。

Stillgood2

purpleshep 發表於 15-7-5 17:53
係度真係學到野,吾知班大學生睇吾睇到?

今次國內股市劇烈振盪。可能給學生們一個case study.整個股市變動，前所無有，甚為弔詭。
大量流言資訊，屬真屬假!?!
結果如何?
好似打仗咁?
耐心d睇。
今次是考驗真實國力。
好似，銀行擠提。
最終，睇銀行實力。

purplesheep

係度真係學到野,吾知班大學生睇吾睇到?

ANChan59

回覆 Stillgood2 的帖子

OK, wait and see.

Stillgood2

ANChan59 發表於 15-7-4 1:52
剛才石鏡泉話兩三個星期，蒸發咗幾多兆人仔，人均損失二三十萬人仔喎？

不如，大家耐心睇多一星期。國內股市是死海，還是蒸發了幾兆人仔，而引致經濟破壞。

日本安倍經濟學走到今時今日，已經係奇蹟!
日圓越見越低。係人都知。
居然，係經濟泡沫化下，日本係個多月前，曾是買美債最多國家。係亂印銀紙之下，仲要買美債，幫美國篤數。
此 外，由於日圓低迷，進口原料，食品價錢飛漲。上星期，有人於火車上自焚。雖然是個別事件。但反映日本人生活壓力。
一個爆煲，要有足夠壓力才夠影響。
希臘經濟体規模細，大部份情況，已出現多年。就算惡化到底。影響有多大呢?

補充一句，sony居然話把手機生產搬往印度。連日本帶領科技的公司，也要省一兩蚊美金成本，放棄產品生產方向。

ANChan59

原帖由 Stillgood2 於 15-07-03 發表
A股未見有美國金融海嘯的危害性。反而，大家估下边個國家最快爆煲?

我估先: 日本?

剛才石鏡泉話兩三個星期，蒸發咗幾多兆人仔，人均損失二三十萬人仔喎？


無影響？中證監就不用日日出手及出口術啦，老友！


***********

點解是日本仔呢？不是希臘先咩？願聞其詳！