睇功課溫書

sylvianyiuchun

其實大家會幫小朋友check功課啱唔啱嗎?定係做齊就俾佢交?
我女小一，我今日同佢睇功課，叫佢改佢就發脾氣，我唔睇佢又發癲又話我唔理佢，我話佢太無禮貌唔幫佢簽名佢就喊仲打人。佢咁嘅態度，其實係咪我縱壞咗? 應該俾佢自己承擔下後果? 我有時想堅決啲，有時又覺得好似無幫助佢咁，好矛盾

洋蔥頭媽咪

原帖由 sylvianyiuchun 於 15-05-30 發表
謝謝，還有漫漫長路

我相信你囡囡應該係個幾聰明嘅小朋友，慢慢黎啦！孩子要因才施教，家長適量地放手對孩子成長更有利，不過切記放手意思並非唔理孩子，要多鼓勵多溝通，響背後幫佢，如果囡囡日後功課改正多，佢就會更比心機做好d希望唔駛返黎再改，或者有一天佢可能會諗，有媽媽幫我睇下就好啦，唔駛我改正又要做多次..... 嘻嘻！到時你就會知道孩子終於成長了。 加油！

sylvianyiuchun

謝謝，還有漫漫長路

洋蔥頭媽咪

原帖由 sylvianyiuchun 於 15-05-28 發表
阿女平時亦係自己做功課同執書包，但小一開學初期諗住跟下，本來都相安無事，話佢知錯咗，佢會即刻改，又係 ...

係好開始，女女會覺得你專重佢，信任佢，就算派回家要改正，嘗試鼓勵佢錯唔緊要，總之有唔明要主動問，媽媽信任你會做得到，多d鼓勵說話，孩子得到認同，就會有動力再做好d。

sylvianyiuchun

阿女平時亦係自己做功課同執書包，但小一開學初期諗住跟下，本來都相安無事，話佢知錯咗，佢會即刻改，又係因為好在乎老師點睇佢。
但最近，每次提到要改，佢就猛話好煩，我已經儘量唔去直接講錯乜，只係講呢度有問題，俾佢自己諗下，但佢都係發癲。
呢個星期開始，我只納下佢做晒未，唔睇啱定錯，佢有些驚訝，乜啱晒唔使改咩？我話唔知啱唔啱，因為改功課係老師嘅工作，如果錯咗派返來改正，佢似乎唔抗拒，希望可以令佢印象深啲。
呢間學校默書係計考試分的，所以我們用獎勵計劃motivate佢溫書，當然只是貼紙或好小好小禮物，so far 佢都受。

yuengooluk

其實只睇阿媽是否能放低,容許孩子犯錯.我有朋友說接受不到,那我就即時無嘢講了.

stefi

我女小一已開始自己執書包，下學期開始唔檢查功課有冇錯; 自己溫習默書，橫掂默書都唔計落成績表; 自己溫測驗考試，我只係同佢睇重點，教下佢唔識既地方。暫時成績都ok

little_yolky

picture 發表於 15-5-24 21:05
我女K2 已唔睇，佢做錯，帶漏野，着错校服 我都唔理。佢係學校錯一次，畀老師話，畀同學指指點，刻骨铭心過 ...

係呀, 真係越細教越好。我就遲D, 小一開始, 因為阿女性格係好重視老師對佢既觀感, 咁真係事半功倍。開學前, 我已經同佢講, 阿媽好忙, 唔得閑check你, 你要自己放學做好功課溫書執書包, 唔識先等我放工教你。我唔得閑同你check功課架, 帶錯做漏你自己俾老師寫手冊咋。

當然講既時候要加多兩分戲, 令佢相信你真係會唔理佢。


小一頭兩個禮拜, 我會等佢瞓咗, 再靜雞雞同佢check書包有無帶漏。功課就一直無check對錯, 只係放工問佢, 做晒未, 佢話做晒, 咁就同佢簽手冊, 唔check。過咗兩個禮拜, 發現佢無乜甩漏, 就唔再同佢check了。不過, 我都係勸勸你小一時都係跟一跟功課好D, 我就係「太」早放手, 測考都無理佢, 依家D數學追死我。

S-Kwok

原帖由 picture 於 15-05-24 發表
我女K2 已唔睇，佢做錯，帶漏野，着错校服 我都唔理。佢係學校錯一次，畀老師話，畀同學指指點，刻骨铭心過 ...

認同，從day1返學開始，培養自己做功課、執書包，小息袋，邊日著校服/運動服自己記，上到小學，執書包呢啲已經唔係問題，帶漏嘢學校寫手册，我簽。

picture

原帖由 Yanamami 於 15-05-24 發表
做得好~係細時已習慣，上到小学就唔洗煩。

好感激朋友教我這樣做。佢個女好叻！

fc926

原帖由 tomato100hk 於 15-05-24 發表
小一下學期已經唔對功課！只會睇有無做齊！

我們小初期會check有冇做齊功課，正確與否就不理，我講明小一下學期唔check功課只簽手冊通告，通告亦只簽名及填一些決定性答案，如未寫名或日期我不簽，她們都算做得到，只係間中欠帶欠交一次半次，每次欠交我都會嚴重其視，所以她們尚算認真

Yanamami

picture 發表於 15-5-24 21:05
我女K2 已唔睇，佢做錯，帶漏野，着错校服 我都唔理。佢係學校錯一次，畀老師話，畀同學指指點，刻骨铭心過 ...

做得好~係細時已習慣，上到小学就唔洗煩。

picture

我女K2 已唔睇，佢做錯，帶漏野，着错校服 我都唔理。佢係學校錯一次，畀老師話，畀同學指指點，刻骨铭心過我日日鵝佢。

非常有効。反正kindergarten 唔計分，冇排名，不用呈分試。冇所謂。

dlee_ca

感覺上媽媽做事太'貼身'會做成依賴。

我只說看看某某地方有沒有問題，他說有就自己改，冇就算了，當然有時候是陰佢。

現在小二開始掌握自己做平日的 routine works  ，有疑難才問，空出時間溫默書和測驗。

在小四評分前由他自己承擔後果。

sylvianyiuchun

感謝你意見，我會試試先讚佢，同埋慢慢放手，始於關係最重要

tomato100hk

原帖由 sylvianyiuchun 於 15-05-23 發表
其實大家會幫小朋友check功課啱唔啱嗎?定係做齊就俾佢交?
我女小一，我今日同佢睇功課，叫佢改佢就發脾氣， ...

小一下學期已經唔對功課！只會睇有無做齊！

洋蔥頭媽咪

原帖由 scyauchris 於 15-05-23 發表
我最近一次就打她，因為不是第一次，之前warn佢同解釋佢聽，今次太嬲把未用過全新shampoo倒左去，係有九百 ...

我明白你，因為我都有經驗，jm你已經做得好好，無論大人定小朋友，都會有情緒，而當情緒高漲時，無論講咩都唔會入耳，所以一定要待孩子冷靜下來，才能容易處理。你囡年紀仲細，從你描述似乎佢仍未能完全學懂控制，如何宣洩自己不滿，佢破壞家中物品，看得出此等行為似乎能激起你對佢注意，亦能激怒你，建議你嘗試教導佢有不滿可如何發洩，有冇教過佢其他發洩方法？喝冰水，洗臉，畫畫，寫出不滿，撕碎紙....等等？你要表明不接納佢破壞物品作為發洩行為，但如佢暫時再犯你亦不要太大反應，盡量淡化，只係忽視佢就可以，待佢慢慢見你冇反應就會減少再做，不過你亦要多與佢溝通，多關心佢與佢頃談，如問題仍持續可尋求專業人士意見。

洋蔥頭媽咪

原帖由 sylvianyiuchun 於 15-05-23 發表
其實大家會幫小朋友check功課啱唔啱嗎?定係做齊就俾佢交?
我女小一，我今日同佢睇功課，叫佢改佢就發脾氣， ...

樓主，小小分享，我兒小一起我只檢查功課是否做齊，從不對功課，當然佢錯得太多，家長必須申出援手，但不用擔心有錯，老師其實亦建議唔好對，其一，改功課係老師責任，其二，如果改至全對，老師根本唔知道孩子能力，有咩唔識，而改正亦可加深孩子記憶，考試亦可重溫錯處，避免重錯。初小我會著重培養小朋友自律/自理，鼓勵佢上課要留心，自己的事自己負責，功課自己做，唔明主動問，我朝住呢個方向，小三起已經全放手了。
如果你囡肯主動做功課，建議可讚賞佢嘅付出/努力，如果你偶然發現佢做錯，可以婉轉地與囡囡討論，如小朋友堅持，就讓她交回老師改，但要避免人身攻擊說話，例如叫你改又唔聽，錯了抵你等等....說話，若要孩子受教，家長要有技巧，首先要尊重佢，多讚賞/多溝通，要孩子服你，家長亦要訓練下自己eq先得，不能下下與子女硬碰，有時大人可嘗試代入小朋友角色，你就會容易d明白。試想想你用心做完功課，但媽媽就指責你錯(雖然真係錯左)，但你唔想改就鬧你，又話唔同你簽手冊啦！又話你冇禮貌，唔聽話，發脾氣等等，請問你服氣嗎？孩子情緒高漲，點會仲受教？所以從今天起，嘗試收起家長權威(我要你做就做之類), 多與孩子溝通，接納佢嘅要求與不足，待囡囡靜下來時擁抱下佢，同佢頃頃，溫柔地解釋比佢知媽媽可能緊張佢所以惡左對佢，承諾以後會盡量接納佢意見，唔會再鬧佢，問佢如果佢唔想改就由老師改好嗎？叫佢有問題可以同你商討，要佢亦承諾唔再亂發脾氣。記住小朋友其實極喜歡被讚及得到父母認同。試試下次你欲動氣時嘗試讓自己及孩子先行冷靜後，才去處理小朋友問題，可能你會有意想不到效果。

wister

現在不是是否對功課的問題，係要趁你孩子現在細過要教，否則遲啲大個左佢完全唔聽你講！

scyauchris

回覆 Yanamami 的帖子

你要遇見才明白，基本上有時好難去理解個小朋友，因為不是普通發脾氣，只可以由佢等佢冷靜下來。