做卷唔留心睇題目，請問大家有咩方法？

PurinBB

我小朋友小一生，測驗/考試唔留心睇題目，心急做晒去，做完又唔覆卷，如問番佢點做，佢又識答你，已經在家同佢講過好多次，都沒有改善，補習的老師都說她唔留心睇題目，要叫佢間題目，讀出來，但發覺佢都係間完就算，點算好，請問大家有冇方法可以教我？學校老師又話她上堂心散成日"了"人講野，學習方面還未開竅，真的好苦惱。

BSCYL

IloveJJ 發表於 15-5-11 08:52
請教:怎樣令男孩子“小心"呢？

我提議的方法, 不知是否管用.
找一些坊間   照片  -  玩找不同
用兩張紙 打印相近似的 數目字, 英文, 中文 給小朋友試玩.
玩 "獨數" 訓練邏輯推理, 耐心

一般不小心的小朋友都很快完成試卷, 而且不喜歡翻查.
鼓勵 或者 用激將法, 令小朋友做完後, 不要交卷, 留待最後一個或老師要求停筆時才停止.
其間 用 "找不同' 的遊戲方式, 找出不同的答案, 自己對比一下.  

如果鬥心強, 遇挫折會轉強, 不妨拿他的 極不小心例子, "笑一笑"  

或者開玩笑式, 真不值, 多錯這幾題, 變成輸給 XXX

BSCYL

阿仔小學時曾犯的 8-8=8, 笑到今時今日, 還記得

BSCYL

很多時, 小學成績高低就取決於 "小心" 兩個字

skkeung

原帖由 CALVEN 於 15-05-06 發表
無辦法,

我仔已小三都會咁.

無辦法，小四仍一樣!

kc1016

原帖由 CALVEN 於 15-05-06 發表
無辦法,

我仔已小三都會咁.

我仔小五仲係甘

karen55407

我仔由幼稚園做功課開始，我就已經要佢一定要先睇題目，仲要佢讀出聲音。小學開始，讀完題目要間重點，陪佢一齊做練習，貴精不貴多，因為多做會乏味，遇到唔明就教佢，如果佢找到重點便讚吓佢。

PurinBB

謝謝大家的意見，我都要好好一齊學習，希望佢可以慢慢習慣看清題目作答，好似大家咁講只是剛小一，可能我小朋友需要更多時間適應，現在只祈望級格都已叫好啦。

rabbitmonkey

小一係正常嘅, 俾d時間佢啦!我個仔到小二先知做緊乜, 之後就穩步上揚, 買d練習陪佢做, 教佢睇題目, 睇key words! 加油呀! 最緊要唔好嚇親佢呀!

orenji

呢個講座有教點幫小朋友應付默書、測驗、做功課, 可能幫到你

http://goo.gl/VWPc3h

tintinlam

babywoman 發表於 15-5-6 16:39
仔嗎?
可能要等下
我仔小二,今日派數學測驗卷, 得86分,其中扣左8分係因唔記得寫單位

我大仔中四都係成日唔記得UNIT

PurinBB

試過佢間完或圈題目重點，之後都係間完就算，唔去理解條題目問咩，佢好心急做晒去，同佢講過你第一名做晒都冇意思架，做完都唔啱既，就黎考試，唔知點算，小一成績唔好，小二係咪好難追上。

grandmalolo

我從開學第二個月，所有功課郜不看答案對與錯，開頭成日攻正，慢慢學會看清楚有無做得不小心的地方，現在差不多好多功課取甲或A.  個人認為不論做功課或做練習，也要自我評該。

S-Kwok

bibikids119 發表於 15-5-7 10:21
我阿仔都係唔睇題目,人地叫佢填上顏色,佢就圈出嚟.....

同我仔一樣, 上一題題目要CIRCLE求, 佢CIRCLE有, 佰下一題題目要求CROSS, 佢又CIRCLE, 咪比題目陰到囉

mummyWai

When you give him the exercise, just ask him to circle the requirement. Once he does it, you give me the encouragement like the stamp. When he used to do it, it should be better.

PurinBB

自己都想放鬆，但聽完老師講壓力又自然來，老師話佢做卷求其，時常好快做完又唔覆卷，態度唔認真
我感覺係佢做完當已完成左，唔會理啱定錯，唔緊張自己分數，同佢講過好多次都係咁，仲係貪玩既心態去返學，唔知有咩方法，係咪真係要等佢自己識諗，開竅。

bibikids119

我阿仔都係唔睇題目,人地叫佢填上顏色,佢就圈出嚟.....