讀開英普幼稚園既小朋友，升小一會否在語言方面跟得好d?

littleantant

本人女兒現正準備升k1,而家讀在英普學校緊幼兒班（pn）,原本諗住下年轉讀學卷幼稚園，但呢學期發現女兒說多了很多英文生字及句子，不過佢日間都係由菲慵姐姐湊.，佢既英文係黎自學校定姐姐我唔係好肯定，所以我豫疑緊俾唔俾佢讀返而家間英普幼稚園。
當然，考慮原因包括學費及校園特色，我地唔算富有，但因為我地只有一位小朋友，要支付4千多元學費唔算太 吃力，只是考慮會否將呢4千元用作女兒學其他技能的費用，如跳舞，樂器，游泳等等。而我地報左嗰間有學卷既特色係校園夠大，有空間俾小朋友探索學習，而家讀緊嗰間幼稚園空間真係好細，同以前年代既幼稚園一樣咁細，班房加多幾個家長已經迫爆左課室。
所以想大家已有升上小學的家長，有無什麼意見可提供，謝謝？

marcuscyrus

原帖由 IloveJJ 於 15-05-04 發表
就係囉！我認為幼稚園既中文，係唔足以銜接小學，一定要加上閱讀。反而英文，真係唔深，不用因為擔心英文而 ...

其實，我當初比佢地讀英普班，只為提供家中比唔到佢地的語言環境，那時幼稚園的主流班同英普班課程是一樣的，的只希望佢地每天有機會接觸，起碼見到講普通話和英文的人士都搭到下咀。至於語文成績和語文能力，我覺得是2碼子事。語文成績聽寫讀講都包括，其中寫方面，除了語言本身仲要包括自身想像力，讀又要有豐富詞彙基礎，講到底，我覺得語文能力可能是天生的

MASAYA

wan_sosin 發表於 15-5-4 11:48
香港人對於英文說得好，會有種優越感，呢種優越感好易去到小朋友身上，有些小朋友明明識講廣東話，但仍只講 ...

同唔同人講唔同話先叻，市井話題傾得埋，講文學又得，學問高深得黎又唔離地先係高人

mianyang_99

wan_sosin 發表於 15-5-4 11:48
香港人對於英文說得好，會有種優越感，呢種優越感好易去到小朋友身上，有些小朋友明明識講廣東話，但仍只講 ...

WAHAHAHA........very agree

MrBeast

little_yolky 發表於 15-5-4 10:53
我親戚因為浸咸水, 英文好D, 所以小朋友基本母語係英文, 佢由細到大同小朋友講英文, 其他親人包括爸爸同佢 ...

讀書和做野一樣，不可淨得把口

wan_sosin

原帖由 little_yolky 於 15-05-04 發表
DNA一定冇寫底。不過, 如果單打獨鬥, 我會買隻獅子嬴, 如果野狗班馬, 咁就另計。

香港人對於英文說得好，會有種優越感，呢種優越感好易去到小朋友身上，有些小朋友明明識講廣東話，但仍只講英文，且會小看那些英文無佢咁流利的其他小朋友！小朋友輕視中文之後，要學好中文就比較難！
做父母是否教導到小朋友學好英文，又重視中文，真是父母的考驗！
另外要教好佢哋唔好英文叻小小，就唔去同講開中文嘅小朋友玩，呢個態度都好有問題！

little_yolky

MASAYA 發表於 15-5-4 11:00
即係咁，畀隻獅子妳當貓養，幾年後畀佢同隻野狗打都未必贏
唔係華人就一定華語好，邊種語言好，應該DNA冇寫 ...

DNA一定冇寫底。不過, 如果單打獨鬥, 我會買隻獅子嬴, 如果野狗班馬, 咁就另計。


語言呢樣嘢, 好多JM都好似樓主咁諗, "中國人中文無理由唔好啫", 就係咁, 恨錯難返。我身邊已經有兩個例子。所以, 揀幼稚園要諗埋讀咩小學, 揀小學要諗埋讀咩中學。中學以後條路點行, 就要小朋友自己諗了。

marcuscyrus

原帖由 IloveJJ 於 15-05-04 發表
沒有進補的意思，是包括沒有跟他認讀額外的字，又沒有看書嗎？

嘩咁又唔得，閱讀好重要，我指沒有另外出外學中英文

MASAYA

little_yolky 發表於 15-5-4 10:53
我親戚因為浸咸水, 英文好D, 所以小朋友基本母語係英文, 佢由細到大同小朋友講英文, 其他親人包括爸爸同佢 ...

即係咁，畀隻獅子妳當貓養，幾年後畀佢同隻野狗打都未必贏
唔係華人就一定華語好，邊種語言好，應該DNA冇寫低

little_yolky

kayi0556 發表於 15-5-1 15:36
回覆 mansum92 的帖子

中文真係難搞過英文， 小一常識要短答， 冇得揀， 要識睇題目之餘， 又要識理解，  ...

我親戚因為浸咸水, 英文好D, 所以小朋友基本母語係英文, 佢由細到大同小朋友講英文, 其他親人包括爸爸同佢講中文。幼稚園又係英普, 咁佢英文緊係好D。今年小一, 入咗油天, 見到媽咪, 話佢中文差到...........各位JM, 報幼稚園要考慮埋讀咩小學, 各位好自為之。

marcuscyrus

原帖由 marcuscyrus 於 15-05-03 發表
我仔讀英普，但沒有出現英強中弱問題

補充下，那時返學是英普，但在家全粵語，自小都沒有在外進寶，現在中英文成績我覺得ok

iamadc

原帖由 小曳人 於 15-05-02 發表
兩個都係讀主流班，無考慮過英普班
大仔係耳仔靈，記性好嘅人，自通phonics，所以我從未擔心過pth有問題，K ...

那麼大仔要在外上phonics 嗎？

Jane1983

小朋友的學習容量好大，可以英、普、廣東話都兼顧到。有無偏埋一邊，其實好睇父母取向。

marcuscyrus

原帖由 HaYi 於 15-05-03 發表
看之前樓上好多評論都是英普的幼稚園小朋友英文會強, 中文會弱.  但英普并不是純英, 不會少了中文的, 只是 ...

我仔讀英普，但沒有出現英強中弱問題

HaYi

看之前樓上好多評論都是英普的幼稚園小朋友英文會強, 中文會弱.  但英普并不是純英, 不會少了中文的, 只是用PTH 教而已.  我當初選幼稚園都不考慮全英, 因中文可能會學不了.

我大細仔都是英普的.  現大的在英小讀P3, 小的只K1, 大的的碓他英文比中文強好多.  但此是他本人對英文的喜好較強, 另當他細時我們沒刻意要他看相同比例的中文書 (他P1前基本只看英文書, chapter books, tool books). 可以說他K3時英文有普通P2以上程度,  中文是普通Kinder 的K3程度.  此同他是讀"學卷的英廣"定"私立的英普班"沒有關係.  現在小的我們會加強中文, 相信入小學時, 中文會比哥哥較好, 比一般的準小一生好一些. 而英文會和哥哥一樣強較多.   

私立的英普班我覺得相比學卷的學校會較深一些, 對小學的小一準備會好一些, 尤其在英語及PTH 方面, 如果是普教中的小學更然.  當然, 學卷的家長如在一早另谷, 都可以有相同的效果, 只是精力使費亦不少.     

momama

我大女同小曳人大仔係類似情況。順帶一提，朋友個仔目標入國際學校，所以K1開始係英普班，家中父母廣東話。一年後轉去英廣，因評估佢語言能力不太強，應先搞好兩樣。

小曳人

兩個都係讀主流班，無考慮過英普班
大仔係耳仔靈，記性好嘅人，自通phonics，所以我從未擔心過pth有問題，KG只有一星期1-2堂嘅PTH，佢入咗間普教中私小，同學仔話阿仔嘅pth好聽過中文老師 (香港人)，英文亦被選為英語大使
基本上無適應問題
但細仔响同一間KG讀，效果好唔同，我問佢知唔知pth老師講乜，佢好似唔多明白！但我無打算加料，順其自然就得，細佬將入讀廣東話教中文嘅津校
有外補phonics，因為KG嘅phonics係唔多夠用嘅，要上到小學跟得好d，phonics不可少！