好學校

long0

其實呢個帖子應該放係升中度無奈果邊有大量精英主義者
經常以專家角度幫學校排位
十足十日本d大炮主義者
入b1一定好 入到=大學

呢個帖子比佢地見到又係話送人去死架啦
各位有需要就睇
正文

好學校 有兩種
1, 教(好學生)
2, 教好(學生)

1, 人人都想入 但諗深一點 其實係邊個教出來 家長無努力過 有(好學生)?
2, 首先(學生)一定未係最好 好的去咗1, 家長會話呢種學校難搵, 其實唔難任何學校就算B3都一樣
    只你係間學校top10就得, 間學校所有資源係手上, 無學校會浪費呢D該校精英
    偏偏d人要送佢去1, 就這樣浪費了,
    其實要成為TOP10又難唔難?
    最起碼係學校要你 即係自行時 要間學校一定收你
    即係搵低一個BAND 選出當中最好果間 (要間學校係平穩 最好係升緊BAND的 跌緊BAND的係送死)
    呢自行時好多家長都會越級選校
    如果係學校收你 你非常大機會係TOP25%
    而BAND2好多升大都係TOP25%
    即係入硬精英班
    到呢度你會話有無這樣易呀


    我話比你知 要敢做好難
    第一要受千夫所指 話你送呀仔去死
    第二公怖時你會好難受 因為比你仔成績差的人 都好似好過你
    身邊好多同情目光 比死難受

    其實係呢個時候
    有必殺手段令阿仔以後會一路平安
    有缘再寫

palmchristy

個人認為，對孩子好的學校應該包括以下特質－

老師用心
無論孩子一時表現如何，都能加以鼓勵，不放棄，並願意花時間在個別學生身上

家長支援
學校願意關心學生的成長並花資源幫助家長和學生面對青春期和反叛期的挑戰

校風良好
孩子不易學壞，也不會因課堂秩序問題破壞學習進度

學習氣氛
有學習氣氛，同學會在學習上有正向的互相幫助

程度適中
孩子最好能在級內排行中間以上並有進步，這樣在中三升中四選科時，不會因為孩子程度不足，引至未能選讀心儀科目

有歸屬感
令孩子喜歡上學的學校

只要孩子能入讀上述學校，自然能發力向上，最終當能獲取好成績入讀大學

結結巴巴

既然標題叫《好學校》，到底對於“好”字大家是如何定義的呢？究竟什麼是好學校，好學生，如何才算教好？很多人只盯著呈分試成績、DSE試成績，在他們心目中“好”似乎就是考試高分——好學生就是能夠在考試中取得高分的學生，教得好就是讓學生識得考取高分，好學校就是那些出產高分學生的學校……
在應用各種擇校戰術之前，各位家長最好清楚自己對“好”的定義。

bobbob

alanwong238 發表於 15-4-27 09:59
見過朋友個仔讀讀B2中學，有次佢個仔問佢學校老師一啲比較深既公開試問題，個老師竟然話「呢個果然係個好問題，我哋返去一齊思考下」，咁都得！？呢啲相信只係冰山一角，但相信絕不會係B1學校老師出現。

B1老師唔通真係咩都識？

Olympian

回覆 long0 的帖子

有時候覺得對的便堅持吧，無需別人認同。

我小時讀band 3 中學，那時5個band，我想我的學校是中或中下游。我中一至中三都輕鬆讀書，有點發夢，成績中上但唔標青。直到中四才開始認真讀書，我想自已是前10 名。進入大學後，跟一位小學同學同一科，又做返同學仔。這位小學同學，小學時成績名列前矛，入讀band1中學，中學唔算好叻，但亦可在原校升中六。最終我和她的A Level 成績差不多。

中六時，很多同學都是名校轉來的，因不能直升原校。其中有一個女同學跟我說，以前學校的同學，會考只拿A或E。老師不會教書的，叻的同學靠自已拿A，唔叻的老師幫不到你考B/C。她說來到我的中學，某些老師教得很好。另一位男同學來repeat F5, 會考好多個A。 說來到我間中學，令他重拾自信。

現在時常聽一定要盡量入一線小，band1中才能入大學，要跟個ｒｕｌｅ，我都好淡然。如果我仔女可以輕鬆在一線校內入精英班，我必定盡力幫他入一線小學。如果只是中游分子，我就唔會入去陪跑了。小學我只希望仔女打好語文根基，多思考問題，豐富常識，多讀課外書，身心健康。不要花費大量時間於功課或考試上。

HaYi

我就識個小學是Band 2 頭中 的, 因當時選校的失誤, 去左Band 3 中 中學, 佢冇即時knock door, 打算讀住先, 考到頭幾名再轉出去band 2, 之後考出來果然是 頭幾名之內, 但他說原來頭20每人都有己有幾科不合格, 他在band 3學校 雖排得前, 但自己亦感覺掌握不到一些科目, 對是否仍要出去的信心都有動搖,  

他亦說因為上課時大半班在睡, 老師冇咩心機, 佢都冇心機去問, 讀低banding 的學生要有更強的自律才會成功跳出去

long0

你仔仲細 升中的戰場你仲未上
小五考試的壓力 你仲未受
等你小朋友試過差一分考後３０名　
跟住無自信　
記得唔好駡喎　
唔係次次考試　
肚庝又發燒
講下啫 有你睇住以上一定唔會發生
不過年年都有人發生
這樣考出來的　唔係小朋友的原本BANDING
但你認為比佢升ｂａｎｄ對佢有無好處？
其實ｂａｎｄｉｎｇ一直只係比學生
學校無ｂａｎｄｉｎｇ架
老師教ｂ１同ｂ３薪酬無分別架
只要個學生有自信同認真學習
我就真係唔明點解要勉強去所謂ｂ1中學　
（仲要教育局無公怖　好多時係ｄ老師同家長自講咋喎）　

long0

回覆 alanwong238 的帖子

中肯 如果係咁B1A即係6700人  咁理应可以做到100%架喎  B2同3嘅生源照計係無可能有大学学位架喎 咁应該点解释呢其实我想講的係多數学校都有放弃班 你应該好明白 多數棈英学校都会係精英裏面再精簡精益求精 有D再無人性的学校甚至用方法整走尾嗰班学生令DSE百分比成绩好D 其实係Band尾的学生己經證明之前小学的方法唔多work 辛苦迫小朋友升Band選校除咗為家長的面上貼金 個小朋友就去做点心 咁做正確嗎 点解唔去D会當你係宝的学校讀?

long0

回覆 alanwong238 的帖子

咁請問有無邊間B1有100%升大學呢 B1己經係全港top30的學生 如果保持小學實力而不是向下跌咁係咪應該有100%？

kkeefamily

香港家下不單只教育制度畸形，其實係成個社會都畸形左。但係自己走唔到，唯有適應佢啦。

我自己細個讀band 3學校，渾渾噩噩到左高中先知要發力，好彩叫做做到top 10剛好入到大學，入到大學先知咩叫另一層次。諗返自己細個如果阿媽識谷下我，我個人生可能就會改寫。

所以到自己小朋友上小一就努力幫佢一把，勉強入到好的直資。依家更深體會咩叫做比學校教成更好的好學生(所指的係阿仔同學)。雖然阿仔考尾30%，但氛圍太好，仍然覺得佢被帶動緊向上，所以我覺得有個四字成語好啱－近墨者黑。只要小朋友頂得順名次的打擊，寧可留守Band 1,都唔好自己降grade，否則就會適應大環境降埋grade架啦！

kenwong888

mimics218 發表於 15-4-25 16:12
適合自己小朋友的便是好學校.
如果讀得辛苦的/跟唔上，有時真係唔好勉強！
我地學校測驗老師唔會提温書，試 ...

Exactly true!