你地介意廣東人教普通話嗎？關於康城LH，有無在讀家長指教

思德寶貝

    有無家長收到了LH的pn入取通知書阿?但我覺得康城的普通話老師普通話真系普通左d...有d 十五十六,有無讀緊的媽咪分享下阿?不可否認,老師系好nice,好熱心,起碼我面試果時俾我的感覺系甘~~可能面試果時,d廣東話老師全部系班房裡面,所以出邊都系普通話老師,其實我打算俾個女K1讀普英班,因為屋企都講國語為主,但系面試完了,感覺D普通話老師講普通話發音無幾個標準的。
     一入去,門口招待的老師,就一口粵式普通話,大堂的老師都系,去到面試果時,因為系普通話面試.果位老師的普通話都系好粵式,好多音都讀吾准,"你好"就讀成"里好","那裡"就講成"辣里".後邊打探左下先知,原來果間LH的普通話老師,一半都系廣東人,廣東出世果種,咁即係粵語系母語啦,唔知其他分校有無尼種情況呢?有無讀緊LH康城校的家長可以分享下?當然啦，都有d講的好好噶，好似課室門口接待我地，幫我地分組入班房，最後又帶我地去見校長的老師同埋系校長班房裡面的老師都講的幾好啊。
   純屬個人疑問,希望不喜勿鬧,因為我個人覺得,做的普通話老師,就算吾系北方人,都吾應該穩D廣東人來教普通話掛,發音真系吳系好準,如果系你地,你地會點選?因為其實除左尼點,我都系幾中意LH的..

Mcmugs

原帖由 bbsissi 於 15-05-08 發表
課程和作業是一樣的，四間學校統一，只是美勞作品會根據老師和材料情況有所不同，以及openday，project主題 ...

很多謝你的分享！很客觀也很詳細！

LH是我龍校以外的心儀幼校，你的分享印證了這2、3年來open day and interviews 所了解的LH。

DevilPig

原帖由 bbsissi 於 15-05-08 發表
課程和作業是一樣的，四間學校統一，只是美勞作品會根據老師和材料情況有所不同，以及openday，project主題 ...

其實我反而覺得 LH 唔深，譚歐陽 xx K1已經開始寫中文字， LH 要等 K2, 康傑 K2已經要雙位數加減，LH 數學公認比較淺，迦南 pn 已要學古詩 ，LH 只係認中文字，九龍民生 有教 LCM, 幫學生報名考試， LH 老師反而叫我地跟學校課程便足夠，不用出面學其他學術野。。。。。D人成日話學券學校淺，其實學券學校只係英文唔強，但中文深。。。。只要各家長多聆聽，睇睇其他學校課程便知道 LH 已經唔算谷，而係依家社會問題，各大幼稚園都係不算加深課程。。。。至於流失率，民生有一班係上學期已走了三位班主任。。。。其實係幼教工作好辛苦，朋友教 Victoria 開會到夜晚十一點。sorry, 有D離題，以上內容純分享

bbsissi

原帖由 DevilPig 於 15-05-08 發表
你好，我亦係 LH 家長，但其他分校，想問 TKO campus 既課程功課，同其他分校相同嗎？以我小朋友 pn 為例， ...

課程和作業是一樣的，四間學校統一，只是美勞作品會根據老師和材料情況有所不同，以及openday，project主題不同，pn小，當然作業少，但k2就明顯深一些，比如LH k2下學期已經10以內減法了，但一般學校加法還沒交，

hoihoima

DevilPig 發表於 15-5-8 01:46
你好，我亦係 LH 家長，但其他分校，想問 TKO campus 既課程功課，同其他分校相同嗎？以我小朋友 pn 為例， ...

我兩個小朋友都在LH，一個已經畢業了。“多”功課不是PN，是K。至於多不多，其實也是循序漸進的，我就覺得挺可以幫助孩子適應小學的節奏。小朋友返學是非常開心的。除了學術，小朋友也有很多其他的體驗，比如冬天會在茶點時間煮湯、食火鍋、包餃子等，秋天會BBQ，夏天會玩水、食雪糕等，節日會品嘗應節食品，例如粽子、湯圓、月餅等。不過，我也同意LH的課程，大B真是比較得心應手的。到K2、K3觀課，就會發現學生之間的差異很大（不過表現較佳的學生是否都是大B，我就無考究了）。在HL分校，我兩個孩子所有學年的普通話老師都操純正流利的普通話，至於她們是否都是以普通話為母語或是以國內方言為母語就不得而知了。

上面老師家長對LH的課程和課堂情況的評語也和我瞭解的一致，但HL分校的老師流失率就無咁大。對比我大孩子的時候，LH這兩年的課程比以前教快了一點，不過也是循序漸進的。以前很多家長（包括我自己）都覺得學校的數學科太淺，現在就比較適中了，起碼上小學比較易適應，也不用外補了。

DevilPig

原帖由 天悅 於 15-04-26 發表
我開始覺得學之園的粉絲好難理解，排他性好強

每間學校亦有唔同特性既 fans, /非 fans, 大家理性討論便好

DevilPig

原帖由 hhyeu1 於 15-04-25 發表
K1走一半咩？但係考K1過時都係返著兩個半月到PN哦！

考到龍校， st cat, 根德的確不少，其他分校既，留底既家長亦有好多，考到龍校， st cat, 根德亦無走。曾有家長去左民生，唔適應，轉回 LH 亦有，各有各原因

DevilPig

原帖由 bbsissi 於 15-04-25 發表
看你的期望啦，LHK是上了pn一定包上k1，會有機會重新分班，但是英普還是粵英不是自選還是抽籤的（現在有沒 ...

你好，我亦係 LH 家長，但其他分校，想問 TKO campus 既課程功課，同其他分校相同嗎？以我小朋友 pn 為例， pn 時只有逢星期五有一份功課，而且只是貼貼纸，油顏色，為什麼 TKO 家長認為是多功課?

Carib

原帖由 思德寶貝 於 15-05-07 發表
回覆 Carib 的帖子

我只不過係對於學校有d問題提出d疑問，但我亦都知世上無野係可以十全十美，聽完咁多家 ...

多點了解當然冇問題, 作為家長, 當然會為子女選擇適當學校並了解其師資, 才放心把子女交比學校. 康城校open day都可以同d老師溝通, 有心讀就吾係interview當日先驚訝人地d language不如你所想..好似你咁講, 比咁貴學費貪人語境好, 咁依家人地語境冇你諗咁好, 做乜仲比錢啫, 下年讀K1記得吾好揀英普添呀.

見你講到康城校咁差, 又話最好係青衣, 咁你又報康城校, 又去in仲讀埋? 講到青衣校最好就一於報青衣校啦!!

思德寶貝

回覆 Carib 的帖子

我只不過係對於學校有d問題提出d疑問，但我亦都知世上無野係可以十全十美，聽完咁多家長老師的意見，我覺得我可以接受，所以我ok了而已，作為一名家長，對自己小朋友負責d，想了解清楚d唔算過分掛。俾的咁高學費去讀一間學校，都希望可以有收穫啦

LePetitBal

原帖由 Carib 於 15-05-06 發表
講到人地咁差end up咪又係讀..sigh!!

口裏説不, 身體卻很誠實

Carib

講到人地咁差end up咪又係讀..sigh!!

思德寶貝

離開左香港幾日，都多謝大家俾意見，我都俾左留位費了，始終都係名校。有無同學仔一起阿

C.Humphrey

我剛剛去交表，見到仲有家長親自來交信俾校長，想必是求位信。如果有媽媽真係唔係咁心儀尼間學校，而又有其他選擇，倒不如早日放位功德無量。

C.Humphrey

回應學之園老師轉得密，係因為學校工作量多，學生功課多，老師自然多野做，唔係個個頂得順日做10~12個鐘，學校尼幾年攀升得咁勁，校長老師付出左好多，做得辛苦轉工係人之常情，當然亦都有被挖角既情況出現。

C.Humphrey

原帖由 思德寶貝 於 15-04-28 發表
多謝大家分享意見，都想問下如果學校成日換老師，對學生影響大唔大阿，睇之前留言，去年學期進行中換左十一 ...

講到借左人個名氣，真係好難理解點解你會咁講。其實你對學校印象咁差，又點解要揀呢? 俾著我係你，直情2nd都唔會去。各家長對學校既要求唔同，尼樣可以理解，但只靠道聽途說同短短大半個鐘既面試過程，就對學校作出咁負面既評價，咁對學校老師同其他家長都好唔公平。

Vickyblah

原帖由 思德寶貝 於 15-04-28 發表
多謝大家分享意見，都想問下如果學校成日換老師，對學生影響大唔大阿，睇之前留言，去年學期進行中換左十一 ...

幾日無黎已經多左咁多comments.
其實樓主有哩個諗法。可能LH未必係你真正喜歡。我個人認為成日轉老師唔多唔少會有影響。但都係個句，如果LH係你心中所愛，我諗哩個唔係一個大問題，老師變但課程唔會變，佢課程的確有其吸引之處，真係睇你想要乜。我其實都有去LH interview同open day。我記得當時已留意到你一開始所講普通話老師普通話唔標準嘅問題。我本人都係半個教育界，所以都好留意老師本身學歷嘅問題，我唔知道你最想要係咩，如你想要學歷高又標準，我相信你睇完之前留言應心中有數。我個人對太過港式教育有點卻步，所以就之前所講，人簡我時我都有簡學校，某啲學校的確唔係我杯茶。所以有些interviews和offers我放棄了。我諗最重要樓主要知道自己想要咩先，同埋一定要真心信服及喜歡學校，如果唔係讀落去你都未必開心，而你唔滿意小朋友都會感受到。加油，希望你盡快決定到。

baby0523

睇完咁多回帖，搵工的話，我唔會揀學之園，搵學校的話，我更加會揀，嘻嘻。

我揀學之園因為學校的課程而不是名氣，而４所學之園的課程是一樣的。

SnowlyL

原帖由 思德寶貝 於 15-04-28 發表
多謝大家分享意見，都想問下如果學校成日換老師，對學生影響大唔大阿，睇之前留言，去年學期進行中換左十一 ...

既然對學校咁無信心，又覺得康城只係借左青衣名氣，你不如俾返個位真心想讀的人讀啦，好多人等緊call waiting 㗎。