4級琴cert對升中有冇用

Jasmine-4711

兒子小三下午校,成績中等,現時一週兩日早上補習,一天學琴另一天打波,週末才有時間温習同語言治療(有語障).

他明年小四上學期應考4級琴,考完我打算繼續學但唔再考,因怕小五/六考影响呈分.

但其實有張4級琴的cert對升中有冇幫助呢(有朋友話至少5級或比賽攞獎先有用)?因為如果4級琴冇乜幫助,阿仔話唔學琴了,用d時間温書,考好d仲實際...

我只target band 2校,各位有咩意見呢?

aleung922

其實可唔可以簡單D, 小朋友喜歡就學, 唔喜歡即唔練習個種, 咁咪放棄咯, 無謂為了考學校而學樂器啦, 其實學音樂應該係件開心既事, 幻想下如果你小朋友係8級琴, 得閒演奏比你聽, 真係無比開心啦!  

fion6406

Jasmine-4711 發表於 15-4-16 16:34
回覆 星運教授 的帖子

佢想學,只是懶練.如只學唔考亦對考中學冇幫助,只花掉寶貴的温書時間,因佢成績只係一 ...

你目標是 Band 2 學校，體藝這部份，平時有學就可以寫上去了，考到四級就寫四級囉，唔考就填學咗幾多年都無話唔得。體藝就算係佔20%，攞唔足20%，1% - 2% 總比 0%強吧。攞國際獎的 有20%，8級都有16 % 吧，咁樣數落去 4級 cert 又點會無用呢？人地話無用係那些爭崩頭嘅學校，報名學生大部份都勁中之勁，有16%都唔夠揮啫，你又唔係 target 那些學校。

SIYip

是否多花時間等如成績好，呢個無人可以肯定。總之，靠琴提高入學機會，4 級應該無可能。自行收生講排名，兩個學生，一個排38, 一個排39, 假設各項表現相同，唯一不同是no 39係4 級琴，no 38無學過琴，甘或者有可能打底no 38 嗰個，但如果你係排50, 我估唔會有影響。所以話有無用，無人可以答得實，但當初點解要小朋友學琴？呢個先係要考慮嘅。

Nevergiveup888

如果你想報B2校，就只需要B2成绩就得。但不是放棄音樂就會有好成绩的，現在的教育都傾向全人發展，練音樂對腦部都有幫助，你都識為小朋友安排一體一藝。如果小朋友有天份又喜欢就最好！不過如可以的話讀英中(B2一些直資都是英中)。目標高一點吧！

pamelaywy

Jasmine-4711 發表於 15-4-16 17:25
回覆 sarali 的帖子

何出此言,可否分享下detail,例如貴子弟考band 1 or band 2,樂器考左幾多級

身邊四五級鋼琴/小提琴一般是小一二年紀如要升中有睇頭，相信要熱門項目演奏級或冷門項目八級
小六AT/LT 大有人在
小學期間出國比賽演出亦認識不少
當然是城中熱門一線
至於band 2，相信無需要重視音樂，因為本身學校唔會突然砌到一隊夠揮嘅隊伍
多收幾個成績人，拉高DSE 同入大學比例仲實際

STee

原帖由 Jasmine-4711 於 15-04-16 發表
回覆 SIYip 的帖子

我只target band 2校

其實囝囝小三已知成績的重要，又願意多留時間温習，仲有至少兩年，佢大有機會更上一層樓。將來無論B1定B2。小朋友這讀書態度很重要，到中學要靠自己，父母可幫的已不多。現在已揀定B2,又言之尚早。

Jasmine-4711

回覆 SIYip 的帖子

因佢成績普通,中文數學有時更只得70+,如唔學琴花多些時間谷中文同數上80分,target band 2,是否好過花時間學琴?

SIYip

但樓主你本來都打算考完4 級繼續學但唔考試，點解牽涉唔學呢？我覺得，學校係for 讀書，成績一定最重要，你要問最初要小朋友學琴係咩原因，如果為入學，甘你放棄啦，已經趕唔切。另外，考試又為咩。以我小朋友為例，我要佢考試係為咗要佢認真練習同有目標。以你仔仔嘅case，佢唔練琴嘅時間去邊 ? 是否會影響讀書，呢d 先係決定學唔學，考唔考嘅因素。呢度太多勁人，勁人嘅朋友亦勁，不同樂器5,6,7,8 級嘅緊係多，但相信都集中喺名校/勁校嗰度，平民同band 2 學校應該唔多嘅。Band 1 學校要DSE成績 好，band 2 學校要keep 住唔跌 ,你話佢地要咩學生？一定係成績好。但名校/神校，叻學生多到不得了，甘就緊係要錦上添花，攞d 獎威下，甘，其他技能就有一定重要性。

Jasmine-4711

回覆 SIYip 的帖子

我只target band 2校

siden

原帖由 Charlotte_mom 於 15-04-16 發表
我妹男家果邊有個親戚，小妹妹升中，band one 頭，單簧管七級，叩門龍頭女校收wor，學校話樂團差個單簧管手 ...

單簧管早年尚算冷門學器，呢兩年有考到咁高級嘅學生未必多。

鋼琴七級大把人，同單簧管七級對學校吸引力完全唔同。

又咁講，依家多好多小學生習管樂，幾年後可能高級管樂程度都唔吃香了

sarali

原帖由 Jasmine-4711 於 15-04-16 發表
回覆 sarali 的帖子

何出此言,可否分享下detail,例如貴子弟考band 1 or band 2,樂器考左幾多級

我女 B1  頭，七級小提琴，五級樂理！

SIYip

我覺得睇你咩目標。一般地區band 1, 一定主打成績，其他技能，只會喺次第上提高dd.  但樓主小朋友成績中等，如果估計係band 2, 想自行考band 1 學校，講真，8 級都無用，就算。但想揀好嘅band 2, 甘又未必完全無用。bk 呢度好多係超強學校嘅家長，眼界自然不同，但一般地區學校嘅小朋友，其他技能都不是如大家所講甘勁。但要去到用技能入高幾班嘅學校，就緊係要曉飛先有機。但，一個band 2 學生喺band 1 頭學校，你覺得結果會如何？

mcl203

香港代表....所指既係邊方面既代表?? ~~~

SONIALAI

回覆 Jasmine-4711 的帖子



除非是香港代表, 否則是完全無用

Jasmine-4711

回覆 sarali 的帖子

何出此言,可否分享下detail,例如貴子弟考band 1 or band 2,樂器考左幾多級

Many thanks.

sarali

原帖由 Jasmine-4711 於 15-04-16 發表
兒子小三下午校,成績中等,現時一週兩日早上補習,一天學琴另一天打波,週末才有時間温習同語言治療(有語障).
...

冇用架！

Jasmine-4711

回覆 星運教授 的帖子

佢想學,只是懶練.如只學唔考亦對考中學冇幫助,只花掉寶貴的温書時間,因佢成績只係一般,咁一係考級一係唔學谷成績算了.

但體藝佔10-20%,完全冇分又唔得,好難抉擇.