跨區報德信

ccfrances

想問如果自行同甲一都填德信有機嗎？約唔中，會獲扣門嗎？

heffalumpiglet

有宗教分嗎？

moklan

其實5月11日開始可以申請扣門啦，德信學校網站有資料可以下載，放榜前當天開始面試，放心拉，1-1-0係已贏了一半。祝你成功

ccfrances

yes, 有呀

mamana

希望抽到德信啊！今年打聽好多人揀咗德信，真係好擔心！

2da6

其實多唔多人1-1-0 跨區入到德信呢?

kate12210

原帖由 2da6 於 15-09-15 發表
其實多唔多人1-1-0 跨區入到德信呢?

多，好多德幼家長表示係為德小先讀德幼，好多都係幼稚園已經跨區，為的是加分，當然就算110，甘多人加分，扣門位又分到幾多就無明確數字啦

2da6

kate12210 發表於 15-9-19 16:25
多，好多德幼家長表示係為德小先讀德幼，好多都係幼稚園已經跨區，為的是加分，當然就算110，甘多人加分， ...

個時IN 德幼, 老師講到明唔會有任何優勢呀如果升德小
所以我最後就算有下午班德幼都冇讀到~
揀番自己區內一間天主教幼稚園讀緊~

kate12210

原帖由 2da6 於 15-09-30 發表
個時IN 德幼, 老師講到明唔會有任何優勢呀如果升德小
所以我最後就算有下午班德幼都冇讀到~
揀番自己區內一 ...

係德小校長講話有的，都話盡量會收返有誠意的德幼生先，當然甘多德幼仔收得邊個呀～再者如有名幼生，就更難保啦！間間都話要111，但111只能比一間而已，睇彩數算了

moklan

唔洗太擔心，堅持111，希望你OK！！可以再試下開始寫信比校長自薦又或詢問，增加機會都好！

kate12210

原帖由 moklan 於 15-10-10 發表
唔洗太擔心，堅持111，希望你OK！！可以再試下開始寫信比校長自薦又或詢問，增加機會都好！



  ...

請問你仔仔今年讀小一嗎？功課多唔多呀？平均要做幾耐?係佢自己做到，定都要大人睇住做好d?因為依家係老人家照顧仔仔，佢地都好怕跟功課，但我放工返黎都就快8點。。。

moklan

有熟悉的一位上年一年級同學都係老人家照顧，無補習，但平日都可平均2小時内完成，假期多啲，有好上年小一家長都講德信識得教書，好深好抽象嘅中英文都無好多功課，但車然佢哋係識，唔只一個講話師資好！

2da6

kate12210 發表於 15-9-30 16:18
係德小校長講話有的，都話盡量會收返有誠意的德幼生先，當然甘多德幼仔收得邊個呀～再者如有名幼生，就更難 ...

我係110 咋~
但暫時首選都係心儀德信~
我小朋友今年K1咋, 仲有2年先同我玩呢個遊戲~

se6b03

kate12210 發表於 15-9-19 16:25
多，好多德幼家長表示係為德小先讀德幼，好多都係幼稚園已經跨區，為的是加分，當然就算110，甘多人加分， ...

呢個真係一個好大既誤會，唔知邊個講話讀德幼可以直升德小，累死人。

mamana

唔好擔心，我上德幼20分抽籤都入唔到，最後叩門入德小，要些付出，堅持下，何況還有兩年部署下乙部係同區或他區小學。

dvdyea

讚mamana之觀點，其實要清楚點，德幼和德小確有好關係，惟非直接聯繫，所以不要誤會100%直升。不過，德幼升德小又的確有優勢！

kate12210

多謝大家意見呀，真希望快速定好學校，玩成年好累架

se6b03

好多同班同學及家長都報左德幼校內既小豆芽活動，話第日升德小有優先，但我自己研究過天主教領洗過程，除非小朋友係一出世就信教領洗，否則到讀幼稚園先上慕道班，根本趕不及報自行前領洗，無資格取5分，我自己又無咁大恆心返教會，所以都無報小豆芽。D人又話德幼叩門德小會有優先，我自己就覺得如果真係優先，應該係自行階段優先有分加，要去到叩門先話優先都無用，人地讀其它幼園用自行，大抽獎收晒先到你，反而自己讀德幼要去到叩門入德小話叩門優先，講出黎都比人笑。

dvdyea

稍安無燥，衆所周知，所謂自行係計分制，多分者得，同分抽籤，學校並無"自行" 選擇能力，到大抽獎，更固名思義，也不用解釋，其實， 全港所有政府津貼學校如是，包括德小或德幼，只有到叩門時才可以自己揀。就算揀都無可能100%收曬所有德幼111或110。

坦白講，教會及神父都會盡力講道不論身份廣收教友，當然，有的為小朋友上德信，油天或其他天主教小學，希望總會有一天會信主就得喇。

moklan

講得好，支持下比個讚！