有無補緊習既家長?

tinaleung

我係在職媽, 暫時都應付到功課 (其實係頂硬上, 但係見到女女的進步, 就對她有信心), 黎緊暑假, 阿女升小二, 小二課程又唔同玩法, 會深左好多, 我唔想hea左個暑假, 各位有經驗媽媽, 有無好的托管介紹或點安排會好d呢? 同埋, 係咪去番學校附近的補習社會好d, 我個人覺得佢地會熟悉間學校多d (最好係慈雲山學校村附近) , 謝謝
[img]http://www.baby-kingdom.com/static/image/common/mobile_v1.gif[/img]

kayi0556

alhy.love 發表於 15-6-13 13:41
反而暑假想俾佢地多D參加戶外活動，接觸吓大自然，因為平日返學真係冇時間做依樣嘢，我地放假就帶佢地周邊 ...

我要返工啊， 平日都有俾佢地揀佢地鐘意的活動玩下， 到星期六日就家庭日， 而暑假都補係因為我唔想佢地玩到癲晒， 到九月收唔返， 記得之前暑假後個女連好簡單的野都唔記得， 嚇驚左我

alhy.love

原帖由 kayi0556 於 15-04-14 發表
暑假我會keep住補習， 加多多少少的暑期活動。 暑期活動都係佢地自己揀的， 大囡中學就唔洗我問佢， 自己搞 ...

反而暑假想俾佢地多D參加戶外活動，接觸吓大自然，因為平日返學真係冇時間做依樣嘢，我地放假就帶佢地周邊去玩，學吓新嘢，或者喺屋企䀞吓睇吓課外書，做吓暑假作業，安排吓活動已經好忙，如果再要去補習佢地一定嘈！

tinaleung

tutik 發表於 15-4-18 07:31
回覆 tinaleung 的帖子

揀補習社要好小心，功課班如托管式就免啦，我兒補咗兩個月，我用番兩個月自己跟都 ...

我會去書局睇下d小二作業, 睇下係咩程度先。

我會每日俾d 空白時間女, 我女好like 畫公仔, d 少女漫畫既做型。

希望佢keep 住有上進同坐定定專心上課喇。

tutik

回覆 tinaleung 的帖子

揀補習社要好小心，功課班如托管式就免啦，我兒補咗兩個月，我用番兩個月自己跟都調較唔到本來既學習態度，做功課什至做測卷都唔肯專心去惗多步，最明顯退步數學。乘数和被乘数都仲混亂中，明明上學期好少會錯。結綸佢求其做，導師會比番答案佢抄。
上小二，學校會暑假前先派書嗎？中、英文先幫佢温默啲生字，數背定乘數表。好既練習每科一至兩本，自己跟課程幫佢预習一下，抽一些佢能力到的比佢做。

如佢乖暑假麻，比佢玩多啲，每天預留佢自己私人時間都好重要。

under_the_tree

原帖由 ch-cheung 於 15-04-18 發表
我識得有朋友一到暑假就要個女每日補習，唔想個囡過左暑假之後退步晒



  ...

我家姐啲仔女都是從小一開始，暑假每日補，有專科，有私補，但真係有用。今年大仔P5,暫時都沒有令佢失望。(當然有其他activities)

她認為小朋友在沒有測驗及考試的程況下，會容易吸收。我都會利用暑假，讓阿女去預習。希望她下年成績keep倒

tinaleung

唔該晒大家呀  第一步，閱讀中英文課外書，我定下目標先

little_yolky

tinaleung 發表於 15-4-17 13:48
我擔心英文,講真我見到份卷第一版, 又分articles, writing , reading , subject pronouns.....幾十個item,  ...

我暫時覺得小一同小二無好大既分別, 係科科多少少, 要求又高少少咁, 循序漸進的。至於數學, 小一上同小一下, 我女女差咗10分, 所以, 我只擔心數學。
如果學校無教深無教快, 我睇我家姐仔仔學校D中文都好淺下, 主要唔係本書淺, 係老師俾分手好鬆。所以, 初小嘢, 無理由家長跟唔到掛, 同佢睇多D英文書仔, 有幫助的, 你知啦, 依家唔理中英文, 都有閱讀理解同作文, 有閱讀, 好D既。

tinaleung

little_yolky 發表於 15-4-15 16:13
其實睇咗大半年, 你有無覺得佢唔掂? 升小二玩多一個暑假都仲可以的。

不過玩時玩, 唔好浪費, 我囡囡舊年就 ...

我擔心英文,講真我見到份卷第一版, 又分articles, writing , reading , subject pronouns.....幾十個item, 我真的暈了。我學野慢, only理解佢, 就......

數學暫ok 既, 中文, 用普教中, 開頭仲擔心佢, 點倨知好多自己都識做, 讚下佢先,

你知, 小二又另一世界, 我真係唔識用咩方法教佢, 特別係一d技功。 我宜家教女都鴿學習緊.....

大家俾d意見我呀

豬小B

回覆 little_yolky 的帖子

多謝分享!!

little_yolky

kayi0556 發表於 15-4-15 16:22
回覆 little_yolky 的帖子

little_yolky,  響ek 成日見到你d post,  知道你好勤力， 為囡囡真係花唔少心機 ...

哎哋, 只係因為囡囡數學比較差, 你知啦, 數學呈分X9, 差人20分即係差咗180分, 好大鑊既。而且, 今年佢音樂科又跌埋, 跌咗10分, 雖然只X2, 但山大斬埋有柴, 都要練一下咁。

本來我都想lazy下, 但係上次同爸爸去數研睇暑期班資料, 出門口見到佢躲埋一邊流眼淚。好鬼可憐咁, 佢咁乖, 我唔想佢太傷心, 佢唔想去補習, 咁咪我自己努力D囉。

kayi0556

回覆 little_yolky 的帖子

little_yolky,  響ek 成日見到你d post,  知道你好勤力， 為囡囡真係花唔少心機， 真係好佩服你， 不得不俾個讚

little_yolky

tinaleung 發表於 15-4-13 16:41
我係在職媽, 暫時都應付到功課 (其實係頂硬上, 但係見到女女的進步, 就對她有信心), 黎緊暑假, 阿女升小二, ...

其實睇咗大半年, 你有無覺得佢唔掂? 升小二玩多一個暑假都仲可以的。

不過玩時玩, 唔好浪費, 我囡囡舊年就浪費咗一個暑假。佢今年升小三, 數學最差, 我計劃：

1. 由小一下學期既數學開始再教一次, 配合少少練習俾佢做。
2. 入泳班學游水。你話我衰都係咁, 識游水係我自己既心願, 我自己學唔識, 所以好想佢學識
3. 加多D鋼琴練習
4. 練番古箏
5. 安排多D英文audio book俾佢聽、講、睇
6. 每日睇普通話新聞, 預備小三常識問時事, 同埋練普通話, 一雞兩味
7. 一齊陪佢睇中文散文、古詩, 背吓佳句
8. 教佢寫毛筆字
9. 教佢寫英文書法

好充實。

kayi0556

回覆 tinaleung 的帖子

我諗補習社有分功課輔導同專科

功課輔導係只睇功課， 有時間會跟默書或做練習
專科係只係只教一科/一項， 教的野深入d,  同練習多d,  又或者可以再細分中文作文， 英文作文， 英文文法。。。

under_the_tree

原帖由 tinaleung 於 15-04-14 發表
補習同專科最大分別係咩謝謝

以我理解補習是每日或隔日去。專科就一星期一至兩次。