一個怕醜小朋友的媽媽

DIKE

小兒是一個見到陌生人就會好怕醜的人, 在熟悉的人面前就好活潑, 現在2歲多, 剛面試了多間PN班, 差不多全部WAITING LIST (有一間收了, 這間是有錢就會收的) 我心情好差, 因為我知小兒的怕生性格很大部份都是似我, 因為我性格也是這樣, 但我已用盡方法令他盡量大膽些, 例如多去街/郊外玩, 見多些人, 上PG, 去旅行 等等~ 雖有改善, 但都是很怕生~

是不是這樣性格的小孩就註定很難考到想入的學校?  我還可以做一些什麼去幫他嗎?  謝謝~

DIKE

明白，多謝分享~~

chuboforum

964000 發表於 15-4-16 16:57
其實我發現怕醜也有怕醜好。我女兩歲前好怕醜，頭dup dup, 吾出聲，做樹熊，但起碼坐/企定定。但而家見人多 ...

我諗要去間好D的playgroup，老師係會教manner同self control的，然後回家你再同佢溫習就改善到。

jenjenny

原帖由 hedhed 於 15-04-25 發表
有錢就收唔代表咩乜，換個方向諗，佢係有教無類，唔代表課程唔好，小b返幾個月pn就要再戰k1了。返過pn樣樣 ...

還有一點相當重要的是親子關係，你同小朋友親子關係好，小朋友對你完全信任老師是看到的，這分數會加在家長的50%裏

jenjenny

原帖由 DIKE 於 15-04-13 發表
小兒是一個見到陌生人就會好怕醜的人, 在熟悉的人面前就好活潑, 現在2歲多, 剛面試了多間PN班, 差不多全部W ...

你仲有k1可以考嘛。二歲時我女都超怕醜，講野好似蚊甘細聲，佢考k1都有5個offer,包括三間龍校，聖公會及聖大。你在家多些同佢玩interview遊戲，要練答完整句子，例如老師問佢乜名佢要答我係XXX, 問幾多歲要答到我今年兩歲少 這些分一定要拿。老師早晨/午安/拜拜/多謝盡量要主動講，唔主動講亦要媽媽提完立即講。我們小朋友唔够presentable，呢啲分唔可以失。另外，面試除考答問題，亦有部份環節係做task的，你可平日係這方面多下功夫，要做到好好，盡量拿分，好好把握機會令老師留下印象。平日可教小朋友深少少的概念，例如一般小朋友考pn都未識顏色，我女已認識紅至紫，甘我就揾機會問佢，老師當常都buy。不過考k1就唔可以自己問，等小朋友自己發揮。設記考k1家長盡量少參與，最好完全唔出聲。講到家長表現，我們的表現不容忽視，一般都佔一半分數，衣著大方，談吐得宜，盡量唔好參與，基本上除禮貌方面我會提其他的什麼都唔會提，幾緊張都唔會出聲。所以唔好氣餒，面試家長佔50%，自己做到80/90分，小朋友的50%你的付出和努力亦佔兩/三成，這個要做100分。你可把握的其實有七成，我當時亦是抱着這信念努力

DIKE

我都希望係咁， 謝謝~

hedhed

原帖由 DIKE 於 15-04-13 發表
小兒是一個見到陌生人就會好怕醜的人, 在熟悉的人面前就好活潑, 現在2歲多, 剛面試了多間PN班, 差不多全部W ...

有錢就收唔代表咩乜，換個方向諗，佢係有教無類，唔代表課程唔好，小b返幾個月pn就要再戰k1了。返過pn樣樣都有改善同成長，到時好多好嘅k都會收。

ivybaby115

我個仔兩歲，也是非常怕醜，幸好有pn offer,但都想train 下佢，預備年底k1 interview! 我好想知應該點train，上interview 班、學前預備班或每天帶他落樓下坐下（我是working mum)。有冇人有經驗可分享？

italiano

我覺得咁樣interview對怕醜小朋友係蝕底, 但唔係唔公平
其實唔單單係小朋友, 響大人的世界一樣係怕醜蝕底, 吹得就會贏
我自己都身受其害, 見到個女似我都惟有無奈

italiano

我個女同樓主個仔一樣, 好醒但怕醜
而我自己都屬係怕醜
今年考N又係全部一線學校都唔收, 二線就全部收
理性上我知道慢熱的人有其他好處, 例如觀察力強, 關心別人
但我又唔甘心, 因為考幼稚園一定蝕底
我暫時打算N班放佢響國際學校, 跟下鬼老師 (雖然鬼同學就唔多)
睇下有無幫助

lambeanmama

我仔係12月細仔仲要超怕醜個種。但老實講，本性如此，且爸爸都係內向人，都唔會迫佢太多，也迫不到。我們日日俾佢落街玩兩個鐘，一星期上兩日playgroup。宜家十六個月大，起碼唔會爆喊，肯同小朋友玩及交流，但大人就麻麻地，要佢開聲有難度。作為父母，睇到有進步是最緊要的。仍在不斷鼓勵中。

ensy

原帖由 bbcheung53 於 15-04-17 發表
如果你係學校, 又覺得點先係公平呢?  warm up 半個鐘至一個鐘先面試? 一係根據報名次序先到先得?
就係公平 ...

問題係，怕羞小朋友的確很難於短時間內表現自己，呢個係事實，要靠有經驗老師先識睇！我小朋友有名幼offer，所以我唔係因為自己係輸家先話怕羞小朋友蝕底。任何考核制度都會對某d人有利，我接受遊戲規則。再講，我覺得in父母都唔係唔公平。小朋友最受父母影響，而且越來越多學校重視家校合作，in父母好make sense。

bbcheung53

ensy 發表於 15-4-17 11:20
其實我女20個月之前ok，之後變得勁怕羞，interview連一粒聲都唔肯出，乜都唔做！我最初都好唔開心，明明乜 ...

如果你係學校, 又覺得點先係公平呢?  warm up 半個鐘至一個鐘先面試? 一係根據報名次序先到先得?
就係公平, 所以個個報名都有機會面試, 呢個歲數個個都天真可愛, 惟有用測試去分辨能力取錄, 唔係int 父母都已經好好啦

DIKE

回覆 ensy 的帖子

係呀, 可能世界本來就係唔公平~~ 謝謝分享!

ensy

其實我女20個月之前ok，之後變得勁怕羞，interview連一粒聲都唔肯出，乜都唔做！我最初都好唔開心，明明乜都識乜都快過人，偏偏interview時表現唔到。不過後尾都睇開咗，佢發展過程中有呢個時期，惟有慢慢引導，無得逼。日日出街都無幫助，因為一去到陌生環境就打回原形！我有覺得成個PN interview遊戲對怕羞小朋友唔公平，但無辦法！可幸阿女好彩都有心儀offer！建議你可試一d高質素新校，之後睇情況有冇機會轉校！不過我見有好多新校唔錯，一路讀無問題！

964000

原帖由 DIKE 於 15-04-15 發表
回覆 w.ling 的帖子

謝謝你分享~

其實我發現怕醜也有怕醜好。我女兩歲前好怕醜，頭dup dup, 吾出聲，做樹熊，但起碼坐/企定定。但而家見人多了，大膽了，老師叫佢做野，大聲say no, 會跑開當老師無到，自己攞野玩，而家去interview我仲驚

貝珠

要adjust 自己心態，勉強冇幸福

DIKE

回覆 w.ling 的帖子

謝謝你分享~

小兒其實已經有進步了, 他面試沒有喊, 也肯答, 但好細聲~ 他已經上獨立上堂的PG, 完全沒有問題的, 還很喜歡上。 我們一起努力~

DIKE

回覆 keep-calm 的帖子

多謝你~ 我老公也是這樣說, K1 再試! (男人總比女人樂觀的)