大家覺得Teach 有用嗎?

watiwati

如題

Olympian

都讚成你講法架。其實RDI個理論方法好好多。TEACCH係以A仔的強項，令佢學習上進步，但迴避了他們的弱點(社交溝通)。RDI就真是專攻他們的社交溝通。不過，好似冇在S位恆常做。最近協康S位像是增加了一些類似的元素，當然不同名目，但詳情我就不太了解。

legolas625

我有時覺得會令A仔變得更A，老公見過S位上堂，可以和老師全程唔講野，D小朋友靜靜做完訓練，就拿張感統房的卡去感統房自己嘆幾分鐘，好似好工廠，好機械人，無溝通咁，對D差的A仔會有用D。

如果小朋友細，俾佢自己當睇時間表囉，無所謂，當習慣流程，大個就唔好用呢D低層次野。

等於圖卡交換，我仔2.5歲自發講野，講緊3元素句子，仲邊駛用圖卡表達想飲水、食飯。

Olympian

我仔2至4歲上私人密集課是用teach的。別冇選擇。第一年有用。第二年覺冇用，尤其是個別工作的部份，回想起來真覺浪費時間。到上政府S位，就去了能力較好的班，導師說冇需用teach。

我覺TEACH得比細仔用係好。尤其係teach的時間表，讓他們知道接著要做的事，會讓他們好安心。S位做法是用一排之後，老師會在時間表上加一張星卡，代表surprise，會做些他們不知道的事情，加強他們對變化的彈性。能力較弱的大仔的確會繼續用TEACH。

聽講一些主流幼稚園也會參考TEACH這做法。

DENNIS201

但好似一星期五日密集多數用TEACCH

legolas625

你指TEACCH?

我個人覺得只岩低功能A仔，尤其是唔識講野、溝通差、不習慣改善的A仔。

我仔識講野，無適應改變問題，屋企無用到。