原來我仲未接受到我個女係A仔！！

38mandy

半年前三歲返K1,老師發覺有啲嘢，立即正視，兩個月前評估為發展遲緩一年，有自閉症狀，本來以為自己接受咗，好樂觀咁同佢做訓練，但依兩三星期，佢多咗好多怪語言同傻笑，眼見身邊小朋友個個活潑快樂，有交流，自己不其然心酸想流淚，有時仲忍晤到咆哮鬧佢！！原來想個女做個普通人都晤係必然

LeeCC

lulumelody 發表於 15-3-26 16:04
我諗無論多少年，好多人都未接受到，只是習慣咗，变得麻木了!

我都系其中一個

jj100c

我仔從1.5歲便輕度自閉，每星期都去訓練，只是希望亞仔好似正常男孩一樣，年復又一年，現在已十四歲了，讀主流中學，溝通及人際關係令他及我們都很苦惱，看著他也愛莫能助，只有定期去見心理學家。踏入青春期，大家亦多了爭執。看著他一天一天長大，比我還要高大，但是感覺上與正常小朋友有差異，內心感到很痛。多年來，一直都不敢對老爺奶奶及朋友提及，只有外家爸媽和兄弟姊妹才知道，我覺得很辛苦，原來當初想亞仔正常，都是一種奢望，永遠都不可能的。

hippomama

我個仔3歳做評估，評爲自閉症傾向，之後接受早期訓練，到5歳要報小學，再做評估，確定爲輕度自閉兒，我走去私人機構再做，結果一樣！嗰日我拎住份報告係巴士度係咁流眼涙！原來一直以來，我都接受唔到！
有時聽d家長嘅話搵d乜補習班，考d乜乜證書，我一句都答唔上，因我只會帶個仔去做訓練和治療。又有時同d朋友呻下，佢哋會係咁話我要求高，話我個仔一定冇問題。又好多時帶個仔出街，因佢嘅特別時常得罪人，我成日要同人 say sorry, 仲俾人鬧。好傷心㗎！而家回想起，我都唔知自己當時係點捱過嘅！
不過，我好清楚，個仔係無錯嘅，佢都唔想咁樣㗎！佢哋比其他人更需要媽媽嘅照顧，老土d: 係需要媽媽嘅愛。我當時成日鼓勵自己，諗係個仔揀咗我，咁冇辧法啦，盡力啦！自己要夠強，才撐得起個仔㗎！一撐呢，就10年嘞！我個仔今年14歳，除了間中仍有老師投訴上堂發白日夢外，其他一切就像一個普通年青人一樣！因爲可以好專注唔理人，對有興趣嘅學科，就好投入。
我的經驗係，長期的鼓勵和訓練，係好有幫助嘅，愈細開始愈見效，所以有懷疑，就早d做評估。仲有，請樓主唔好再因爲失望而責罵個女，我睇到好心痛，佢冇錯㗎！快d識返d相同情況嘅媽咪，大家分享下，鼓勵下，我哋呢d媽咪，係好需要支援㗎！加油呀！

chowqv

原帖由 38mandy 於 15-03-20 發表
半年前三歲返K1,老師發覺有啲嘢，立即正視，兩個月前評估為發展遲緩一年，有自閉症狀，本來以為自己接受咗 ...

我只能記住，我個仔得來不易，係上天賜我既恩典寶物，記住當初第一次抱佢有幾感動，幾唔想俾返姑娘……愛佢，係愛既本相，佢天生係咁，點樣唔接受都改變唔到咩野…唯有"愛"可以令佢地進步，缺點變優點。

longsky

我仲未敢帶個仔去評估。

我接受唔到

anniemiwow

各位MAMA, 現實的想講一句, trainging只係令小朋友追番同齡嘅80-90%,
香港醫護+教育制度對一些已經進入青春期歲的A少年, 係完全無能為力, 所以你同你地小朋友就係one life partner, 除了training小朋友, 亦要推介自閉症俾學校同身邊朋友, 令佢地認識和包容多d

Monstereasy

原帖由 cowstail 於 15-03-26 發表
我同樓主都一樣 今個月先評到仔仔係星星 唉… 仲未接受到 唔知點訓練佢會正常番 現在一見到仔仔就想喊 點解 ...

我都係今個月先知係High Functioning Autism，而家七歲。坦白講有d shock但知道之後反而有d輕鬆。
之前唔明點解佢有D怪怪地既行為，又講極都唔明有d道理，固執到死。成日比人話我縱容佢令佢如此自我，我自問好用心教所以教極都唔聽好沮喪。
而家知道後，第一件事狂睇自閉証資料、書，其實而家星星兒好普及，個心安樂d.
再tune一tune溝通方式，發現其實之前用的溝通方式佢接收唔到，而家好少少。
明白佢多左，自己嬲少左。C6話個仔依然係同一個仔，一樣咁可愛，無論有無星星都係咁教，知道反而有應對方法。
一齊努力！

irisban

我個囡同你個囡差唔多大, 佢平時好容易發脾氣, 成日呢樣唔要個樣唔做, 講埋D古古怪怪O既說話, 不過好坦白講, 每個小朋友都唔同, 就算正常小朋友都有麻煩O既時候, 所以我依家學習欣賞佢O既長處, 努力改善佢O既不足, 加油!

lulumelody

我諗無論多少年，好多人都未接受到，只是習慣咗，变得麻木了!

cowstail

我同樓主都一樣 今個月先評到仔仔係星星 唉… 仲未接受到 唔知點訓練佢會正常番 現在一見到仔仔就想喊 點解我敢唔好彩 點樣可以幫到佢

kennybosco

我好明白,兩三個星期未接受到系正常,兩三個月,甚至兩三年都可能未得試試降低要求,唔好比較,細心d留意佢既進步,哪怕系一小步,你都會好開心

Jasmine-4711

我個仔9歲了,好聰明地玩殘我倆公婆,但成績差及冇同理心.

千其米打罵佢,否則佢會好破壞性咁報復.我撐得好辛苦,互勉!

38mandy

thx

Jolly

套戲在iTunes store都有。

Jolly

比幾年自己吧，呢種傷口怕永不會愈合了，但會慢慢不再感到痛楚的。

Monstereasy

原帖由 38mandy 於 15-03-20 發表
請問套戲可以係邊度搵到？

HMV

misshk12

坦白講,每一次見到仔仔與其他小朋友表現唔同，或者無人地咁活潑精靈，都令我好難過。已經三年了，雖然佢進步了好多，但一與別人比較，自己就會失望、心痛。而且想到佢將來，就好易擔心焦慮。唉！這些苦處外人根本不會明白。

38mandy

好多謝你嘅鼓勵！其實有時比佢攪到好激心好失望，次次都想放棄，但轉頭冷靜落黎問心邊捨得呀，自己十月懷胎，如果黃金時期都晤理佢，大咗想幫佢都好難，所以頂硬上