年輕人下月可做老闆

elbar

■香港青年聯會主席霍啟剛（中）同香港電腦商會等團體合作，幫助年輕人創業。

霍啟剛雖然含住金鎖匙出世，但佢好關心青少年創業難問題，今年佢任主席嘅香港青年聯會首次同香港電腦商會、科技及餐飲協進會等合作，搞咗首屆《香港數碼生活嘉年華及添馬紅酒佳餚節》，當中名為「幫你做老闆」嘅創業學習賽，幫助有意創業嘅年輕人響應嘉年華擺攤檔，由租金到搵供應商入貨幾乎一條龍全包，大專生基本上唔使點畀入場費可以一嘗做老闆嘅滋味。

活動下月九日至十三日喺中環新海濱舉行，霍啟剛話反應熱烈，主要賣紅酒美食同電腦產品，參賽嘅理大生吳銘洛話見𠵱家好興自拍，諗住同同學夾份賣專業手機拍攝配件，仲會用動漫人物吸客。


李八方