有點心痛--素描

cleokiko

阿仔喜歡學素描，但已學九個月，雖然每張作品也有水準，我說是不是真的你畫，他堅持說是自己畫！但慢慢我發現，佢根本咩都學唔到回來,第一，他本身不喜歡畫畫，由其填色，所以回家從來不會畫畫和素描，第二，他畫畫仍然好肉酸，第三，學咁耐，其實佢仲未識分深淺筆功用！⋯由於，佢太多嘢學了！我決定忍痛放棄比佢繼續學，佢好唔開心，我也很心痛。但就算要學，是不是要轉另一間？我個仔現在剛剛七歲,如果有專業人士看到，請錫教，究竟是根本就是個老師陪佢一齊畫？還是年紀太小一定要老師陪畫，如果沒有老師時就唔識畫？

cal@wicked

7歲!! 先唔講係你要求不合常理, 最差勁的竟然係你唔信係佢畫, 仲要話佢畫得肉酸! 就算係老師幫手, 你自己7歲嗰陣做唔做到先?!
本來畫畫就唔應該太小學素描, 你而家直情係抺殺佢創意同信心, 我聽見仲心痛。

nadal

cleokiko 發表於 15-3-6 00:29
阿仔喜歡學素描，但已學九個月，雖然每張作品也有水準，我說是不是真的你畫，他堅持說是自己畫！但慢慢我發 ... 佢根本咩都學唔到回來,第一，他本身不喜歡畫畫，由其填色，所以回家從來不會畫畫和素描 ...

其實你阿仔係喜歡定唔喜歡學畫畫呢?
七歲學素描其實有D早。看來小朋友根本唔鍾意學畫，不要勉強了。

sqo8ops

剛剛七歲　～～～　家長啊，家長　～～～～　其實你想阿仔點先？

Mighty

我都覚得母親心情有矛盾、説小児喜歓在先、但後来又説従来不見他在家画、這是重要問題点。　我個女非常喜歓画画、但老師也説６、７歳学太早了。　現在小女１１歳了、再没有学画画、但因真的喜歓、会常常在網上自学。　

ting916

如果你住香港區,我有間不錯的介紹,

chanlilili

响邊区？一望都知唔係小朋友畫

Katma

學素描，只係幫助認識光暗和物件的條線，但對一個七歲的小朋友實在太辛苦！智商都未發展到，你就要佢夾硬學，這只是揠苗助長。這個年紀，重要的是創意思維的培養，肉酸又何妨？最重要係他在畫紙裡自由發揮，用畫紙述說一個又一個故事。

唔喜歡畫畫，又點會因為唔比佢學而唔開心？你還是好好和他談談，希望你能更深入欣賞他畫的東西。

FlowerChan

導師質素好重要,其實好簡單,叫你小朋友自己畫一次就知

Jane1983

坊間畫班好多都係會補筆、補畫，如果小朋友吾鍾意畫，學吾學都無所謂。

有時候話吾學野，小朋友吾敢答「好呀！」，可能驚大人會嬲，先會話鍾意學，你要心平氣和同佢傾。時間有限，大把野可以學，吾鍾意、無興趣、無天份，就第二樣。

longlokma

回看上文，你說孩子本來就不愛畫畫，那麼，他為何因停學而不开心呢？

longlokma

首先，你如何肯定畫作不是他自己畫的呢？是否跟他在校帶回來的圖畫水準相差很遠呢？他在家有畫畫你看嗎？
坦白說，畫室甚至私人畫畫老師補筆是很普遍的，一来補筆時可示範畫畫技巧，讓孩子即時比較補筆前後的效果，二来也可讓家長看到較令人滿意的孩子畫作。
孩子若真喜歡畫畫，家長不宜抹煞他的興趣，可跟畫畫老師商討，了解孩子的水平，或直接要求老師減少補筆。另外，是否能改善繪畫技巧，也要看老師如何教導。有些畫室只會由老師示範主題構圖，孩子千篇一律的照畫，未必能學上什麼技巧，所以也不能只怪孩子没有明顯進步。

cleokiko

素素吓就素這些彩色，這些彩色畫，阿仔就有話老師一起畫

15-3-6 00:32 上傳

下載附件 (44.19 KB)

cleokiko

就是這些作品，阿仔堅持話自己畫

15-3-6 00:30 上傳

下載附件 (28.95 KB)