住屯門的媽咪請入來

stitch小丸子

近屋企的学校全部唔收，收的都要搭車，註冊后收到间半龍的学校收，係九龍塘，你哋会点揀？

happy26

我住屯門，來年自己揸車送兒子九龍返k1，但仲有個細佬今年開始報n, 可能要選學校附近，有冇有經驗家長可分享？

chekenken

我住屯門的
出年到我仔揀學校
為左好學校我都會跟樓主一樣住屯門讀九龍塘幼稚園
因為屯門太多b6

但長遠真係要搬出來

想請問樓主，報學校時係填自己屯門地址定問親戚朋友借地址？

雖然幼稚園唔計地址，但競爭大都驚九龍塘幼稚園老師會介意跨區返學唔考慮收屯門小朋友

yyshiu

我住屯門，小朋友都係返九龍塘。早上我地揸車送小朋友返學半小時左右車程到學校，放學搭校巴約1小時15分，有時九龍塘裡面唔塞車，1小時就到我家樓下。
其實我聽其他住將軍澳返九龍塘，坐校巴都可能要1小時，就算住美孚都要45分鐘，好depend on你係咪尾站先落車及中間停幾多個屋苑。
我有考慮過總車程先決定比小朋友出九龍塘讀，因為都怕龍年競爭大及屯門呢年真係好多雙非童入學。如果你果間k仲係有半龍既，努力搵下唔駛停咁多站既校巴。

browneyebaby

我唔係住屯門的，但都好遠，住洪水橋，小朋友在九龍塘返幼稚園，我每日由屋企撘巴士再轉覀鐵去到荃灣覀再撘校車，小朋友返學時間就去食晏買餸跟著返屋企預備晩飯，休息一陣就出去接放學，其實真係幾辛苦架，不過我老公想佢讀間好啲，都冇辦法啦。如果你決定出九龍塘讀，就要預咗辛苦，希望我嘅經驗幫到你啦。

tkinwong

還要考慮小學問題。小學比幼稚園早一小時上學，長遠係要搬返出來

bobo000

原帖由 jacquelinehon 於 15-03-03 發表
我都係住屯門,我選咗出九龍讀半龍,试咗揾幼稚園驚咗,小一攪珠有咩差池都唔怕,不過前提係小朋友返放學交通, ...

................

jacquelinehon

我都係住屯門,我選咗出九龍讀半龍,试咗揾幼稚園驚咗,小一攪珠有咩差池都唔怕,不過前提係小朋友返放學交通,例如自己帶定坐保母車,唔係自己帶,學校有冇保母車到屯門?近自己屋企上定要搭車再上保母車呢?時間會唔會太早上太遲落呢?自己帶小朋友返咗學你點安排中間時間再接放學,如你小朋友上午班嘅話午餐點呢?我自己為例小朋友係上午班,而我全職媽媽,學校有保母車到屯門,但唔係我屋企要同佢坐巴士再轉保母車,而且時間太早所以我自己帶,學校同婆婆屋企距離10分鍾,中間我會買定晚餐餸,午飯係婆婆屋企食咗先返,坐巴士返屯門當午睡,回家先做功課,希望以上係我小小分享

winsomewoo

如果屋企有人可以開車送佢便可以考慮九龍塘, 因為我自己是這樣的.

stitch小丸子

正常都唔会入来係咩意思？

bookwormsx2

民生？
我唔係住屯門，正常都唔會入黎，但我八卦。
中意半龍既咪簡半龍囉，唔中意既/覺得太遠咪簡搭車（我估都係屯門）既學校。

stitch小丸子

答下la Jm