如果父母有能力, 應唔應該一直跟進孩子的學業

pky

亞女同我講, 原來全級考第一的同學, 暑假時佢媽已經同佢進行特訓, 連bridging course都唔上, 嫌課程太淺.

很多家長, 子女一上到中學, 就話唔識跟, 所以冇理, 放手俾子女自己嚟, 咁如果家長有能力(學歷), 能夠一直跟進, 教導子女的學業, 係咪應該繼續跟進, 直到中學完成? 但有兩個問題: 首先家長想跟, 都要個細路肯俾你跟先得; 再者, 這樣目標為本, 係咪啱呢? 係咪真係只需要睇成果, 而不用理會學習的過程呢? 孩子這樣倚賴是好事嗎?

我女一上中學已經唔俾我跟, 今次考全級頭20%, 但見到原來考第一係要咁既, 即刻覺得很矛盾, 駛唔駛跟返呢? 到底過程緊要定結果緊要?

zooweemama

跟，一直跟！
不過不是主要跟學業。
學業成績只是人生路上的一個很小很小的面向。其他的事情還多得很。

soright

得閒跟少少便夠。放下手，難度跟到上大學？人生不止只學暦呀。

gloria2347

應該放手等佢自己處理

Yanamami

其实除开学業成績，仔女番学仲要学習定立目標、時间管理、自理、社交、檢討学习成效、再从而定立短/長期目標……如果父母介入太多，似乎係剝削左佢地磨練呢d重要技能既机会｡就似幫幼兒剪碎食物同著魔術貼波鞋—样，係快靚正，但係咪对佢地好？

cherubic

100% parental involvement is not recommended, but kids sometimes need help.  For example, my kid sometimes asks me to proof read his essay/ report or asks for my advice how to deal with a Maths problem.  I am more than willing to help.

aa123123

回覆 joyjoyparent 的帖子

joyjoyparent

回覆 Mat_Dad 的帖子

我聽過有強國爸爸叫兒子不用比心機讀書, 只要花心思幫他駛錢, 因足夠養佢一世.

donald63

跟?  讀書跟本係靠自己, 如果仔女讀到書跟本就唔使跟, 讀唔到書點跟都無用

Mat_Dad

我反而想問:

如果父母有能力, 應唔應該一直養孩子過世?

TwinWong

little_yolky 發表於 15-3-13 12:29
係, 見到朝早坐火車時, 有位媽媽個shopping bag好大一袋英文圖書仔, 阿女由上車睇到落車, 唔駛郁, 只係睇書 ...

我都係小五开始無跟功課/温習, 改咗教囡囡煮飯同處理家務

little_yolky

jollyma 發表於 15-2-21 19:22
有些媽咪將仔女成就同自己成就掛勾，尤其係高學歷嗰啲，覺得自己已經犧牲咗份工做全職媽媽，點都唔可以輸。 ...

係, 見到朝早坐火車時, 有位媽媽個shopping bag好大一袋英文圖書仔, 阿女由上車睇到落車, 唔駛郁, 只係睇書, 阿媽就搣面包佢食, 幫佢抹咀, 俾水佢飲。個阿媽都係貌似知識型。我心諗, 媽媽你可唔可以教下囡囡响火車度唔好食嘢先。


我諗我會一直跟阿女啲廚藝、食物養生調理及家務處理能力到中學畢業.........為咗佢未來既另一半同我未來乖孫著想。

1773

如果父母讀書好叻，應該有一套讀書的方法。始終中學與小學有不同，中一中二時可以教仔女讀書溫習的方法，不應是特訓，否則只有局限咗仔女。

mimi1102

其實我唔會羡慕要父母幫助下名列前矛的學生, 我覺得所有的功勞都係歸功於父母, 亦都覺得佢地的父母好可憐, 要咁樣跟到幾時? 到時出嚟做野, 又擔心個proposal 做得唔好, 比老闆鬧, 又幫佢做埋呀?

我只會欣賞在自動波下考到中上成績的小朋友.

joyjoyparent

自問即或有學歷, 也恐怕跟不了今天的DSE(及其奇怪的評分準則)! 加上仔女可選的科目極廣泛, 未必我們以前讀過. 跟不了!

glu

我個人覺得每個小朋友都是不同的. 真的要看性格, 能放手訓練獨立當然是最好啦.  終身受用.  但要視實際情況. 可以放下收下. 見唔對路就跟貼些, 上了軌就放下, 萬一有時走出左軌道,就扶下佢. 畢竟每個小朋友的能力和成熟度都不同. 有人快些有人慢些.  只有父母最清楚自己孩子的需要.

每個家長都有不同的看法,  放手又好. 扶助又好, 最重要是不傷害關係.

(我有兩個小朋友. 一個要扶, 一個自動波,  兩個小朋友的求學心態不同, 兩個性格. )

zilch01

原帖由 pky 於 15-02-15 發表
本帖最後由 pky 於 15-2-15 19:00 編輯

亞女同我講, 原來全級考第一的同學, 暑假時佢媽已經同佢進行特訓 ...

讀書叻=？

你聆願個女讀書叻，年年考第一，但凡事要依賴你？
還是好似你個女咁，讀書中上，懂得自立？
你懂的！

小學，你的角色可能是教導
中學呢？輔導，因為佢開始建立了自己的價值觀了，你要做的只是協助，而且惡不得，佢開始會反抗
再大D呢？引導

咸蛋三寶飯

pky 發表於 15-2-15 19:00
亞女同我講, 原來全級考第一的同學, 暑假時佢媽已經同佢進行特訓, 連bridging course都唔上, 嫌課程太淺.

...

覺得唔駛跟到足，但要俾小朋友知道如果佢有需要，可以隨時向自己求救！

jollyma

有些媽咪將仔女成就同自己成就掛勾，尤其係高學歷嗰啲，覺得自己已經犧牲咗份工做全職媽媽，點都唔可以輸。其實好悲哀，莫講話簡單如讀書，真係咩都幫仔女安排晒，跟到足，平日出街，成個袋都係仔女啲工課同補充練習。