請問妳家小朋友一星期補數學幾多日呢？

阿曼

請問妳哋小朋友一星期補數學幾多日呢？

Abby_mama

其實我個女都只係逢星期六才補數學，星期一至五要應付功課已夠了。
有時唔係想逼得佢咁緊，但唔補又唔得，我本身自己都可以教佢，但補習社有得操卷。自己教又火起，影響親子關係。唉！最後選擇了外判。

洋蔥頭媽咪

原帖由 阿曼 於 15-01-26 發表
我囡小四齋補數已一個月，補習社好近，喺屋企樓下底幾層補，家庭式1對6，每星期3日，每次兩個鐘，今次數學 ...

我覺得平日返完學又做功課，仲要返兩個鐘數真係好疲累，補完都唔入腦。
我仔數一向好所以冇補，但身邊有同學仔好似你地，補完仲好多功課，做到謝晒，今次考試成績冇升返跌，小朋友話唔想再補。
我都唔讚成咁補，平日頂多一天，如果要操，我會揀星期六多d時間同休息得好d先補，我仔專科補習全部安排響星期六，日，抖足精神去學，效果好好多。

Abby_mama

我個細女升了小四後，數學差了，本來想小五才開始補，但最後都選擇了早些。因為自己教有時真係火都嚟埋！而家每星期補一堂，另外補習社會有功課給她做。

tinadaisy325

個個小朋友都唔同，
如果基礎已扎實，
就好睇佢上堂明唔明白老師教咩，
可以觀察功課係咪可以自己完成，
若OK，
咪唔駛補得咁密集，
都要留時間兼顧其他科。

natnatbaby

小五，沒補，成績八十前後，會自己再谷下佢

sissysze

其實係咪真係有需要補？ 定係見人補我又補，唸清楚

sumyee

我囡小四，從未補習，成績有點退。
見其他同學都有補習，所以都想補，但未定，考埋2月試先

阿曼

阿囡一至三年級，真係所有科都90+，從冇補習。
但今年上小四，各科深咗，其他科成績唔錯，但數學名顯跌至70幾，因五年級要分精英班，所以分數好危！

瑩瑩老豆

阿曼 發表於 15-1-26 08:16
請問妳哋小朋友一星期補數學幾多日呢？

沒什麼準則吧, 有學生日日補, 有學生完全唔駛補.

阿曼

我囡小四齋補數已一個月，補習社好近，喺屋企樓下底幾層補，家庭式1對6，每星期3日，每次兩個鐘，今次數學深，考試大圍由90+跌至77，更有由80+跌至60+但阿囡沒跌反升，好戲劇咁由75升至77，雖然至有2分，但已經好唔錯咁。
但因小一至小三從未補過習，佢開始覺得攰，問我可否休息1天，我煩惱緊，應否繼續補3天，抑或cut至每星期2天呢？

希望有經驗家長可幫我分析一下，Thx

brother4

開心有進步日日去，冇進步去書局打書釘更好