教育王國

標題: 對數字太敏感 [打印本頁]

作者: doneoneoneone 時間: 15-1-8 17:03 標題: 對數字太敏感

我個小朋友就黎3歳, 好中意數字, 見到數字就勁講, 係街只係望數字, 又會記到我地2個同佢阿婆的電話冧把.
有次我阿妹買貼紙俾佢, 佢只係要數字貼紙, 其他無興趣. 醫生話佢有少少自閉傾向, 其實係唔係?

其實我又覺得佢都同其他人有溝通, 不過聽完醫生講之後, 唔知點算好.

有乜野可以幫到佢, 我唔想佢第日做宅男..

作者: cindyyip21 時間: 15-1-9 21:16

呢個情況持續幾耐？
我小朋友係2歲幾個月時也專注數字，連燈柱有數字都要睇清楚一輪，初初我都有少少擔心，但兩個星期後終止左，跳去觀察第二樣野（樹木、中文字、車牌子），我就放心了。我覺得男孩子對數字好似天生敏感。

作者: doneoneoneone 時間: 15-1-12 13:38

佢2歲半之後就開始成日講數字. 留意左半年.

我呢排唔俾佢現數字, 玩多Ｄ字母, 佢話S係5, Z係2, 都係數字................

作者: derek0811 時間: 15-1-17 23:50 標題: 回覆：doneoneoneone 的帖子

我仔都係，維持幾年了，依家計數超快，數感很好，有D似人肉計算器。記股票股價恆指就最快最叻。

作者: cherimama 時間: 15-1-18 00:51 標題: 引用：我個小朋友就黎3歳,+好中意數字,+見到數字

原帖由 doneoneoneone 於 15-01-08 發表
我個小朋友就黎3歳, 好中意數字, 見到數字就勁講, 係街只係望數字, 又會記到我地2個同佢阿婆的電話冧把.
有 ...

我仔都對數字同英文字母好敏感，2歲半已經記得我，爸爸，爺爺，嫲嫲電話…平時見到有條頭髮「痴」左係地下，都指住地下話有個「3」字

今日食食下飯將佢個杯同碗拼埋話係「8」…

我無諗過有可能係自閉，請問你點留意到帶小朋友睇醫生？

作者: gingerm 時間: 15-1-19 11:32 標題: 回覆：對數字太敏感

原來好多小朋友都會咁架。。。

我同醫生講，醫生話可以同小朋友玩多尐其他運動，唔好令佢太沉迷數字文字就可以。

作者: cherimama 時間: 15-1-24 00:02 標題: 回覆：對數字太敏感

樓主，你留意下你小朋友會唔會排野，有自閉症0既小朋友好鍾意排野，破壞左會發脾氣。同埋記性超好，例如條街點行，1次都記得

作者: yan826 時間: 15-1-27 12:39 標題: 引用：樓主，你留意下你小朋友會唔會排野，有自閉

原帖由 cherimama 於 15-01-24 發表
樓主，你留意下你小朋友會唔會排野，有自閉症0既小朋友好鍾意排野，破壞左會發脾氣。同埋記性超好，例如條 ...

小小分享...我仔2歲半多啲, 好似你地咁講對數目英文勁沉迷, 又係鍾意排野, 一整亂左佢會變臉喊得勁慘, 數數目或英文一定由1/a開始, 唔可以中間數起, 數目已數到10x, 中英文都識數, 隨便up 46識用英文講forty six, 近呢兩個月仲識由z數返去a仲唔駛停, 講野我地覺得佢唔望人, 早前睇完呢度既post覺得好驚, 於是拿拿臨排健康院, 尋日見完醫生佢一一擊破晒我啲疑慮, 話我仔係聰明, 完全唔係自閉...仲叫我到5歲出去同佢測智商..

醫生話如果你自己專注一樣野, 人地叫你都無反應啦, 又話叫佢幫醫生/ 媽媽梳頭餵食野佢都有眼神接觸, 問佢野佢答得有紋有路, 話如果係自閉的話會問非所答, 只係我仔講野爭啲, 要多啲教佢講長句子

作者: cl_kaka 時間: 15-1-27 16:05

回覆 yan826 的帖子

應該係6歲先做IQ TEST 架！

作者: yan826 時間: 15-1-27 16:24 標題: 引用：回覆+yan826+的帖子應該係6歲先做IQ+TEST

原帖由 cl_kaka 於 15-01-27 發表
回覆 yan826 的帖子

應該係6歲先做IQ TEST 架！

醫生叫我5歲架, 我唔知呀, 5歲6歲都無咩所謂

作者: cl_kaka 時間: 15-1-27 17:03

回覆 yan826 的帖子

香港做智力測試係用韋氏，6歲做會準確D！

作者: cherimama 時間: 15-1-31 00:20 標題: 引用：Quote:原帖由+cherimama+於+15-01-24+發表

原帖由 yan826 於 15-01-27 發表
小小分享...我仔2歲半多啲, 好似你地咁講對數目英文勁沉迷, 又係鍾意排野, 一整亂左佢會變臉喊得勁慘, 數數 ...

謝謝分享
我問左導師，佢話佢唔係自閉

不過，我仔有時都真係問非所答
問佢貓點叫，佢會串「C。A。T」
再問，佢答 cat

interview 拎住bear bear熊公仔問「你叫咩名呀」佢答「Bear」

我覺得佢理解力差，好似唔明人0地問乜咁

作者: joefish 時間: 15-1-31 02:57 標題: 回覆：cherimama 的帖子

我女都有呢個情況,幾個月前去健康院跟進,醫生又係話佢好醒冇乜問題,只是語言方面慢d,上星期老師話懷疑亞氏保加,徵狀開始愈來愈明顯,我book左做私人評估,求個安心,所以大家都要留意多d,唔好信晒健康院

作者: lok1211 時間: 15-6-25 09:48

我仔都是三四岁就对数学很感兴趣，后来就给他报了珠心算，现在六岁学了一年半，已经会加减乘除，四位数的加减法，三位数乘一位数，四位数除一位数，这些都是他喜欢的，我都是尊重他的喜好来培养的。

作者: lkube 時間: 15-7-30 18:45 標題: 回覆：對數字太敏感

我女對英文好敏感

作者: lkube 時間: 15-7-30 18:45 標題: 回覆：對數字太敏感

係咪應該繼續俾多啲英文佢？

歡迎光臨教育王國 (/)