考試及測驗先至發燒, 真心求教平日應點樣保持身心健康?

小時了了

事情是這樣, 小女:

1) 去年小三上學期考試 (2014年1月)發燒 照返學考試
2) 下學期測驗 (2014年3月?定4月?唔記得啦)發燒, 照返學測驗
3) 下學期考試 (2014年6月),發燒 照返學考試  
4) 今日小四上學期考試 (2015年1月7日)發燒, 今日無返學, 阿女話有老師係門口"嘟"額頭量體溫會被發現發燒, 唔俾返學及考試, 故今次會第一次補考了.

唉!全部考試及測驗先至發燒. 今日零晨 3:30阿女醒咗同我講話好熱, 我心感不妙話妳係咪發燒呀, 用手量額頭好熱, 拿拿臨俾幸福醫藥俾佢食, 但都難逃請假補考.

第一次考試發燒, 我同自己及阿女講可能無游幾星期水, 抵抗能力差咗啫, 游返水抵抗能力好返就無事喇

第二次測驗發燒, 阿女話已經游返水喎, 都發燒嘅. 我話啲菌好惡毒啊, 身體緊要呀. 但我心感不妙了, 已經諗可能關壓力或情緒健康.

第三次考試發燒, 我直接問醫生阿女連續三次都係考試測驗發燒喎, 老醫生笑笑口同我及阿女講, 平日勤力啲溫書, 唔好臨考試時先至谷呀麻.

今次考試, 我真係無以前咁谷了, 以前聖誕節公眾假期係朝10晚8咁溫書, 今次係一家三口去教會親子露營三日兩夜. 而臨考試嘅星期六及日, 又係全天候朝10晚8咁溫書, 今次卻每日只溫得 3 個鐘左右, 其餘時間同小女 book 場打乒乓球, 踏單車, 睇老子動畫電視, 又俾佢睇金庸射鵰咁, 我以為已經好輕鬆咁去應付考試, 點知咁樣小女都發燒.

今朝同 C6 傾阿女惰況, 佢話下次試下臨考試測驗時唔好食熱氣野 (因為 C6 無啦啦星期日買 Pizza 同燒雞返屋企大家食), 唔知有無效呢?

其實, 今日零晨時阿女發燒, 阿女好純真問我係咪 "因為長高發燒", 我心諗好大機會係 "壓力燒", 但我無講出口. 佢瞓時我係咁望住佢, 我瞓唔返, 睇到佢咁, 依家阿女比起我細個時真係好悽涼.

P.S. 其實阿女成績只係一般, 唔係全級 top 10, 只係全級 50/120名以內,  而我希望佢只需要係維持 band 1尾, 最差的話是 band 2頭成績咋, 我希望係咪好強小女所難呢? 思考中!

w_y

小三小四常識:
保持身體健康四大方法: 睡眼充足, 適當運動, 均衡飲食, 愉快心情
這四點都是可以控制的, 尤其運動和飲食, 可以多下點心機安排, 幫下小朋友打好底子。
過來人經驗, 樓主在孩子學習上, 不必事事費心, 有時媽媽適度的懶憜, 小孩才會有空間自主學習, 保有自發學習的動力和興趣, 效用才持久,上到高年級你就會明白。大家加油吧!

dereklam050526

我完全了解你的問題，因為我本人當年都是一樣，會考個年燒左3個月，現在仔仔都係考試先發燒，他在三年級時燒到104，抽筋，入埋醫院，後來我在測考前1星期開始不要他溫習，幫他減壓（打機，打波，跑步），這個問題就解決了，當然平日會辛苦d,因為每日完成功課後都要溫習，這樣成績不但沒有差，返而好左

zilch01

壓力只一定的，當然有時可能真是抵抗力下降了。不過重點係…她的潛意識已將考試測驗=壓力。

的確，在減壓方面你已做得很好，但潛意識的話，便需要找些較專業的人幫忙。芳間也有些是免費的，需要介紹可pm我

lojo11

平時我要呀仔早D休息... 身體好要靠長期努力的... 考試就唔會特別溫得多... 考試時放半日我會比佢落去公園打下波輕鬆下... (我仔小四)

朝十晚八咁溫書? 無可能發生係我仔身上... 兩, 三個鐘已經好難了

scyauchris

熱氣野當然唔可以吃得，其實零食唔可以吃多囉。餅都熱氣，生冷野無益。凍飲女仔最好少飲，我咪飲得凍野多入廠，所以不停提阿女唔可以飲太多寒涼野包括要提佢爸爸。

以前老人家講的話是對的！

星運教授

我唔係醫生, 不過熱氣野油膩野同甜野係會降低抵抗力, 我兩個女都試過好多次考試測驗黎病, 不過補考遮, 濕濕碎啦. 所以而家閒時我都會控制住佢地食呢d野既份量, 臨近測驗考試直頭勸籲佢地自己戒食.

scyauchris

WHPH 發表於 15-1-10 00:02
回覆 小時了了 的帖子

我覺得你是個很稱職的媽媽啊!

我佩服你，我便不是稱職的媽媽。全職媽媽我都叫好懶，我比較注重清潔家居。
不如你真係試吓新鮮蓮子加新鮮百合加瘦肉煲湯，健脾的。我女唔飲有味的飲品，不過我比蓮子佢吃，因為佢肯吃，面色好左。羊肚菇是好有益，一個星期一次都夠。多水果，少雜糧，我女吃得雜量多便會病，佢自己都知，連續天天吃糖便出事。

不是個個小朋友肯瞓，好多野只有有苦自己知。

小時了了

happy_lavender 發表於 15-1-7 13:28
畀大個D玩o既咪係歷奇輔導囉。

"歷奇輔導" ---- 剛剛想起及找到 基甸中心 - 生命導向課程 http://www.gchk.com.hk/235672085335347322442341638498.html, 每個星期六下午2:00 - 5:00有訓練，好似幾好咁，阿女操行麻麻地又成日容易病，都係時間操操佢了。

GreenMaDad

有沒有想過轉校到非傳統學校?   我明白要教小朋友應付壓力，但一考試就發燒似乎已說明小朋友這階段應付不到該壓力.   或者轉到非傳統學校學得更多+開心+身體健康呢。

marble2004

回覆 小時了了 的帖子

大部分 媽媽 都 經 曆 過 你 現在 的  情況，　  不 用 介懷，　繼續 努力，　 共 勉 之

marble2004

回覆 natnatbaby 的帖子

Absolutely agreed with you.  I told my kid to study one chapter for each subject every day but start doing so a bit early before the exam since she's in P.1.  Then during the exam week, I will let her get ready for rest at 8.30 pm - she can do some reading or whatever she wants except watching TV.  Then sharp at 9 pm, she has to go to bed.  

Starting from this year at P.5, it's a bit difficult compared with the past years due to the quantity on homework.  But she can still manage to do some study every day.  Well, should say in this way, just start doing so one month before she has the exam.  One month before the exam, I will rather let her do more reading.  

So far, it works well.

For me going back to the good old day, like what you said,I really prefer taking a short siesta every day after school before doing homework。

WHPH

回覆 小時了了 的帖子

我覺得你是個很稱職的媽媽啊!

hadwinboy

原帖由 小時了了 於 15-01-08 發表
本帖最後由 小時了了 於 15-1-8 11:02 編輯

我仔小二，由一年級到現在共6次測考，其中有4次是病住考的。病的意思不是高燒，會是低燒(around 37.5) 但吃住退燒藥的，另外就是傷風咳等等。學校沒有補考機制。其實我也不太介意沒有了分數及排名，只擔心仔會習慣了用病來作藉口逃避唔想應考的科目。如果是考他喜歡的科目他說發燒也考，相反他就告訴我他應該會應考不到了

小曳人

小時了了 發表於 15-1-8 12:59


在家多穿拖鞋，不要赤脚 ------- 呢個真係無聽過, 唔識喎, 真心求 ...

如果無記錯，馬悅淩 嘅 <父母是孩子最好的醫生> 中都係叫人最緊要唔好赤腳

小時了了

真心多謝大家用您地寶貴時間分享您地見解, 方法及心得, 真係令我有支持及打打氣之感.

女人, 每個月生理上有幾日週期性情緒失調, 如果做人阿媽嘅女人, 一年又會多2測2考時有嘅超級情緒低落症候群+脾氣暴躁失調症, 唔好意思, 本人失儀了.

一個唔係好稱職而學緊做人阿媽嘅我, 不斷調較教養兒女步伐, 希望能開始及堅持唔再太急太多太快……腳步輕鬆d去陪阿女走一段人生路


好多謝 happy_lavender 網友名下面金句, 金句尋日不斷係我腦中不斷出現, 提醒自己, 教養兒女係要 "萬軍之耶和華說、不是倚靠勢力、不是倚靠才能、乃是倚靠我的靈、方能成事。(撒迦利亞書 4:6)" 我無聰明, 亦無智慧, 才能及耐性, 係呢個時候真係要搵返得力來源, 倚靠神、方能成事  (唔好意思, 如果唔係基督徒, 不喜勿插)

natnatbaby

我囡也一樣，很會放鬆自己，考試期間一定午睡

natnatbaby

係la,平日多温習，考試前不要全日10-8作戰。早上早少少起來，吃個靚早餐，再溫習，下午又出去輕鬆幾小時行下，午睡下又好，再温多一陣咪吃飯，效率好D，無甘緊張。

JJDBB

原帖由 YolandaTam 於 15-01-08 發表
我自己讀書時期都有焦慮: 考試當日朝早例必肚痛十五分鐘, 痛到行唔到, 一定要坐喺度.
我囡本身有焦慮症, 之 ...

無錯，有压力，有焦慮，早些温左，考試行街當放松，我囡日日考試放早日日瞓午覺。

YolandaTam

我自己讀書時期都有焦慮: 考試當日朝早例必肚痛十五分鐘, 痛到行唔到, 一定要坐喺度.
我囡本身有焦慮症, 之前考試前三星期開始失眠.  今年小五反而冇, 可能同佢自己信心有關,  另外考試嗰幾日唔係開TURBO温書嘅好時間, 我方針係之前温咗, 嗰幾日做少少算.

佢今日考中文, 明日英文, 今日同佢去咗行街.