過來人談又一村學校

Winnes_Chiu

首先唔係要hard sell呢間學校, 因為每年呢間學校都好多人報, 唔需要hard sell, 因為見到好多人都有選校煩惱, 所以以過來人分享下自己囡囡係又一村學校呢間學校既經歷比大家參考下,

3年前左右, 囡囡報左幾間幼稚園, 當年冇而家咁大競爭, 所以間間都收到offer, 有4間係同區學校, 而另一間係另一區既又一村學校,

當年選又一村學校係因為鍾意佢校舍又大又靚 (同區內既村校比真係大好多), 又多net teacher, 學費又唔貴, 真係村校既價錢, 國際學校既質素, 而囡囡 係好動活潑果類型, 所以佢都好鍾意間學校,

間學校既功課唔係好多, 偏向happy school, 但係一星期有5日英文堂同2日普通話, 佢地唔係要我囡囡死背生字, 反而係透過遊戲唱歌去練習Oral多,

所以囡囡去到k2已經識講好多英文生字, 去到k3已經可以用英文好簡單咁同我對答, 不過我要講既唔係間學校既學術水平, 因為唔算好深, 又唔係淺, 我覺得好適中,

而係間學校培養到我囡囡由本身唔多出聲, 到k3時變到好有自信, 有少少鬼仔性格果種氣質啦, 呢3年黎囡囡都讀得好開心, 好鍾意返學, 由於我地係誇區要坐校車, 學校老師好好, 特登安排校車去到我樓下接囡囡, 一落樓就上校巴, 好方便.

我唸大家都好關心呢間學校既小一派位, 今年小一派位好好, 我囡囡果班既同學好多都派到第一志願, 我囡囡都入到第一志願, 係我住果區最好既津小, 但係我都扣門區內私立名幼,

面試既時候, 有一part係個小朋友單獨同個外籍老師對話, 我囡囡平時係學校都成日同外籍老師oral, 所以呢part完全冇問題, 個校長仲問我囡囡係唔係係外國住過一排, 最後好開心間學校收左我囡囡, 今年細女會係返又一村學校讀k1, 希望到時見到大家啦

roybee103

原帖由 Viviwanwu 於 14-12-11 發表
我兩間都放，因為有KV 喇😁

哈哈 恭喜！
不過沒有考
kv不是我小朋友杯茶
見到冰冷滑梯都怕怕

samperchan

請問有無媽媽有全日班SCHEDULE?? 先謝~~

Viviwanwu

原帖由 roybee103 於 14-12-11 發表
同你一模一樣
我真係唸到頭都暈
你會點揀？

我兩間都放，因為有KV 喇😁

roybee103

原帖由 roybee103 於 14-12-11 發表
同你一模一樣
我真係唸到頭都暈
你會點揀？

sorry看錯左
我係又一村am 崇真主流 Pm

roybee103

原帖由 Viviwanwu 於 14-12-08 發表
我而家有又一村am, 崇真英普pm, 煩惱中....

同你一模一樣
我真係唸到頭都暈
你會點揀？

kbaby001

回覆 lazylake 的帖子

我今年都有去又一村面試, 真係超級多人, 我地排左成個鐘先入得去面試, 好在出面有個好大球場比人玩. 只計校舍真係有國際學校級數, 老師方面就唔知, 不過聽聞老師好好人, 好有愛心, 我唸我小朋友入到去之後K2開始都會出去補習.

lazylake

每年校長有開大會教家長填抽獎表技巧,佢話有形響,我跟足又真係中。 不過我真係唔知關唔關事

lazylake

原帖由 Winnes_Chiu 於 14-12-11 發表
我一次過回應晒就唔再post喇, 我之前唔回應既原因, 係有些家長朋友提醒我, 而家係派位敏感期, 有些囉住wait ...

我細囡都係今年考又一村,但唔收,無計過百世襲見,又點收得哂！好彩我有back up報多兩間,而且都有offer,但我知有人真係無back up 而且真係後備。不過點都好我都覺得又一村係一間好學校。
ps 又一村校車真係有一個主任安排,佢好好人盡就大家。 因為佢嘅車隊唔算外判,所以唔會亂加價或突然停線

Winnes_Chiu

我一次過回應晒就唔再post喇, 我之前唔回應既原因, 係有些家長朋友提醒我, 而家係派位敏感期, 有些囉住waiting既家長朋友見到我個post可能會唔舒服.

回應 creama
我post裡面有講, 我大囡今年k3畢業, 細囡剛剛收左k1 offer, 所以會留意到而家係k1派result.

鬼仔嘅氣質可能係我用詞唔好, 如果我話外向/唔怕人, 咁會唔會好d? 不過鬼仔嘅氣質又點? 只係形容有一個人既性格, 冇咩特別, 唔通外國嘅月亮特別圓?

校巴安排上落站係陸老師幫我同校巴果邊傾, 校巴公司安排, 負責的老師就冇權過問?

好認同你講所謂好多家長都要出去補英文，唔會靠晒學校，不過如果你有認真睇我個POST, 我由K2開始每晚會抽時間同囡囡講英文, 所以除左學校教育之外, 家庭教育都好重要.

回應話我打手既.
致於話我打手既人唔該停停, 唸一唸, 如果我係打手, 為咩? 想多D人報名? 但係我出POST既時間學校已經報晒名出埋RESULT, 咁係呢個時間做打手做咩? 如果要做打手應該係派FORM既時間做啦, 係唔係?

間學校今年5000人報名, 4000個面試, 只係收3百幾人, 使唔使搵人做打手? 同埋出晒RESULT先搵人做打手? 間學校係唔係冇腦? 有3千幾個WAITING怕冇人讀?  

回應Hopeforb,
我唔講我大囡入左邊間學校, 係因為想保留少少私隱同唔想比人覺得我係打手, 如果我講左, 係唔係又要証明我囡囡真係係果間學校讀書先?

另外我扣門私小, 純粹想搏一搏既心態, 好多家長都咁做, 唔通幼稚園讀學卷, 就一定唔可以扣門私小? 咩道理?

留意到呢個時間好多POST都去攻擊一D學校, 想人放位, 有讚好POST就話人打手, 家長們要小心分辨.

家長們選校可以去教育署網頁番意下間學校最近既視學報告, 自己慎思明辨, 唔好人云亦云.

最後付上又一村學校最近既教育署視學報告同埋香港專業教育出版社出既幼稚園排名比大家,  唔一定準, 純參考, 自己分辨, 唔再回應

教育署視學報告
http://www.edb.gov.hk/attachment ... ort/YauYatChuen.pdf

香港專業教育出版社教育競爭力50強龍虎榜, 又一村學校2013全港排29, 2014排41, 2015排54 校風A++排41
http://www.hkpep.com/2014-15/index.php

soso3509

原帖由 球星媽咪 於 14-12-10 發表
其實我地控制唔到任何人響度講乜，所以大家聽左咪算囉，用自己分析能力選擇一間最適合自己小朋友既學校。講 ...

yes..呢個世界沒有最好...只有最適合!! 個個小朋友性格同特質都唔同...無理由人地講就信!!自己做下功課搵岩小朋友既就最好

soso3509

原帖由 Viviwanwu 於 14-12-08 發表
我而家有又一村am, 崇真英普pm, 煩惱中....

你報名時唔係心中有個list 架咩
完全兩回事既學校都甘煩???

球星媽咪

其實我地控制唔到任何人響度講乜，所以大家聽左咪算囉，用自己分析能力選擇一間最適合自己小朋友既學校。講果d係facts就可信，而feeling人人唔同。

creama

唔好話我陰謀論，首先一個升左小學嘅媽咪，會咁得閒睇住近排k1出result高峰期，打一段野唻讚間kg. 唔係話唔得，但對佢當中講嘅野真係有d保留。

我有朋友個仔喺度畢業，佢都讚個仔返學好開心，happy school，但唔係講到英文真係叻到咁，仲要有埋鬼仔嘅氣質出晒唻，好似吹到有d大喎。

校巴安排上落站亦應該唔係個老師安排，係校巴公司。

派位成績唔關kg事，靠世襲同運氣，雖然叩門有關kg教出唻事，不過樓主係講d同學仔派得好唔係叩得好。

就算名幼St cat咁講，d家長都要出去補英文，唔會靠晒學校，樓主講到喺又一村讀完個小學校長以為佢外國返唻... 雖然唔明樓主心態係乜，但吹到咁大，本唻間學校平平實實好好地，都比你攪到以為要靠打手。為乜呢？

lazylake

原帖由 cherryird 於 14-12-10 發表
但派學校同幼稚園一點關係也沒有, 即使派第一志願也是靠彩數

我反而好想知考直資及私小成績怎樣 ...

但叩門就關幼稚園事,但我唔使叩,但我果班好多叩得返第一或第二志願

lazylake

其實fb無人派咩學校,考到咩學校就係又一村家長都比較低調