好難受

麥子仲肥

昨日收到SC waiting list 信，非常難過面試當日阿仔表現幾好，一對一環節基本做哂，亦有唱歌，有叫早晨byebye拍櫈
我仲滿心歡喜以為會有offer，結果都係waiting
我明白SC真係好多人申請，叻嘅背景好嘅大有人在
不過都好，令我唔好對收到其他名校offer抱有太大期望

諗起可能冇心儀學校offer，有d難過難受
或者阿仔自己已經揀咗鍾意嘅學校

我只係純發洩，如果唔係真係谷死，並冇對任何學校不滿

raytem

原帖由 creama 於 14-12-12 發表
你小朋友如果係早多幾年，係可以話好叻，你話你小朋友識個d, 我身邊大把小朋友喺歲半兩歲前已經識晒，而家d ...

我冇講到我個女好叻，亦都唔覺得佢係天才，只係想講一般學校考既野都識晒，連自己讀緊既學校(唔係名校)都waiting啫，唔通要個2歲幾既小朋友去到小1level先有書讀咩？

jason1978

原帖由 raytem 於 14-12-12 發表
我仲灰，st cat waiting 都有失望，不過連讀緊n既普通學校都waiting係超灰囉，我女27個月識晒a for apple  ...

學校會唔會喺睇小朋友答題嘅反應，家長嘅表現，多過答得啱定唔啱。
就好似隔離小一區咁講，有啲學校特突考小朋友反應，多過識幾多嘢。先會問埋啲好似好深，或者越級嘅問題。
我記得，有校長話小朋友答乜煮無緊要，只要佢有思考就得。佢會欣賞一啲答佢“老師，我唔識，你可唔可以教我呀？”多過佢答得到。
亦因為咁先出現所謂“學校玩嘢”具爭議嘅題目。

booboozi

其實有時家長以為學識所有野去interview 先會成功，反而會令人覺得小朋友係train到咁叻，不是本身叻及有potential。特別不是著重學術的學校，可能observe緊小朋友向其他方面的發展呢。
好多老師校長interview開小朋友，應該識睇佢地想要的類型的小朋友。

super_kitty

原帖由 麥子仲肥 於 14-12-04 發表
昨日收到SC waiting list 信，非常難過面試當日阿仔表現幾好，一對一環節基本做哂，亦有唱歌，有叫早晨byeb ...

加油呀！我都收左好幾封waiting !明白你心情

Pigdripy

原帖由 Bearstar 於 14-12-11 發表
我都係未有offer, 我知我小朋友就算做得晒都唔可以叫叻， 做足都唔一定有學校收， 要配合好多野，但眼見個 ...

好同意。眼見個個有咁好嘅offer, 自己乜都無（希望只係未有），都好灰。雖然話贏在起跑線唔一定好，但起跑得唔好，之後可能仲難競爭。越收得多waiting and reject 信，就越擔心阿女前途...aii...

pizzaheidi

原帖由 raytem 於 14-12-12 發表
我仲灰，st cat waiting 都有失望，不過連讀緊n既普通學校都waiting係超灰囉，我女27個月識晒a for apple  ...

D 學校都唔知點？形狀，顏色，物件名稱唔識果陣，又用驚訝嘅語氣表示父母應該教下小朋友！乜都識又唔覺得 over 左！太老積唔收！唉！純粹個人感覺，好無奈, 究竟點樣拿（獵）好呢？玩殘父母

creama

原帖由 raytem 於 14-12-12 發表
我仲灰，st cat waiting 都有失望，不過連讀緊n既普通學校都waiting係超灰囉，我女27個月識晒a for apple  ...

你小朋友如果係早多幾年，係可以話好叻，你話你小朋友識個d, 我身邊大把小朋友喺歲半兩歲前已經識晒，而家d家長係train到d小朋友天才咁架，27個月唔少人已經識寫字母識流利中英對答識講故事，所以永遠唔好諗自己小朋友最聰明，更叻嘅人大有人在，唔好set個target太高個心會好過d.

raytem

我仲灰，st cat waiting 都有失望，不過連讀緊n既普通學校都waiting係超灰囉，我女27個月識晒a for apple 至 Z, 顏色，形狀完全冇問題，照計唔蠢架，唉……仲懶醒唔担心，而家都唔知點算

gg33

我都down左一輪，不過sc也不是唯一

helenmelody

回覆 clsy111 的帖子

仲有無其他OFFER未出結果的? 希望在明天

clsy111

今日又再收到WAITING了, 4 waiting + 1 rejected, 好失望, 真係咩心情都冇哂

moledy

又係既, 太多人爭啦, 入唔到都唔代表自己小朋友唔得, 同埋人地學校可能有好多有關係既人事入去呀, 咁都會小左位比出邊D人, 仲要睇埋父母背景, 小1樣都唔得, 真係入到都係當BONUS...

SaSaAndre

原帖由 Melody008 於 14-12-04 發表
好明白你感受，有時唔係因為入唔到而唔開心，係因為見到自己小朋友咁乖咁勇敢在陌生人面前做得咁好，但最後 ...

好認同，其實係覺得小朋友已經盡力表現自己，但仍然未能獲得認同，真係好心痛，覺得難為了小朋友

Anna媽媽

回覆 kululuc6 的帖子

完全明白感受，上playgroup, 身教，面試班，練習呢d我都做曬，名幼/龍校好可能全軍覆沒，講到底，名幼亦不代表什麽，學習和做人，漫漫長路啊！

vpo0615

完全明白呢D感受, 但有時真係希望愈大, 失望愈大. 所以都係盡快收拾心情. 天無絕人之路.

Bearstar

我都係未有offer, 我知我小朋友就算做得晒都唔可以叫叻， 做足都唔一定有學校收， 要配合好多野，但眼見個個有著落， 自己無， 覺得佢都唔係差， 不期然就想問點解. 但就算點問都唔會有結果， 我報左7 間， 3 間都出左， 仲有幾間都唔易， 所以唔敢抱希望. 但現在既我已經好失望， 灰晒！
我而家只想發洩下， 只想搵共鳴同安慰， 因為過程中我好努力， 亦辛苦過

angie0828

原帖由 麥子仲肥 於 14-12-04 發表
昨日收到SC waiting list 信，非常難過面試當日阿仔表現幾好，一對一環節基本做哂，亦有唱歌，有叫早晨byeb ...

加油仲肥，你小孩應該很叻的！我覺得interview好講眼缘的！想當年大女in sc做得好好，有問必答，可能唔多啱老師口味，讚她的說話也十分'行'，當然最後是waiting, 同樣去年到細仔in時，明顯老師幾喜歡細仔，從說話間是感受到的！當然細仔現在是sc k1生！從過來人感受，收得未必好叻，唔收唔代表渣，只是好唔好彩已而，而囡囡也在另一間幼稚園讀得很好也很開心，希望失望的媽咪快收拾心情，始終學習的道路是很漫長，相信你們的小孩一定得的！加油！

YSF1

名幼預左啦，幾千人揀百幾人喎。

papa_ming

原帖由 Melody008 於 14-12-04 發表
好明白你感受，有時唔係因為入唔到而唔開心，係因為見到自己小朋友咁乖咁勇敢在陌生人面前做得咁好，但最後 ...

你講得好岩