分享我仔呢一年嘅進步,正能量!(比較長)

聽雨聲

我仔舊年5月cac評估自傾,排i位,舊年十月先開始做關愛基金的幼儿導師訓練，同時也有參加一間私人訓練,媽咪陪埋一起上堂學技巧的。當時我仔係講外星話，鸚鹉學舌,唔識手指指,唔識跳,唔聽指令,做感統時樣樣都唔識,要捉住佢做,唔識筆飯食,完全坐唔定,大小便都未戒片,眼神接觸好差,我對佢嚟講係可有可無的,唔識家中成員。去in幼稚園間間都唔收,其中一間我排嘅i位學校校长話我仔適合s位,關愛基金嘅導師也建議轉排s位,我個心好灰,前途黑暗,掙扎了两三個月终於决定轉s位,我放低要求,我只想佢以後能基本照顧自己就好,入主流就隨缘吧。今年九月入讀s位,經過一年嘅努力,我仔而家識自己食飯，眼神接觸改善好多,成日手指指,識跳仲可跳两呎遠，扶住可單腳跳幾下,識踩單車,識聽指令,可坐定十分鍾左右(仍需努力),大小便都識表逹,夜片未戒到。可以簡單表逹到自己想要或描述别人的行為,開始很依赖我了，識搵人幫手啦。不過依然社交好弱(呢樣我真係唔識教),但識超多中文字,英文都識唔少。不過佢小肌比較弱,揸筆無咩力,油顔色就油出界,但開始識連两點,也識配對。治療師話因為佢手臂無力所以影響小肌,而家係要加强練小肌。而家我愈来愈了解佢，也開始知點佢需要做邊啲訓練，。我不是基督徒但我一直感恩,我仔遇到嘅都係好老師。btw 我仔而家三歲十個月,而我係單親媽咪，各位媽咪不要灰心!再難都會過去的,努力係有回報的，但謹記我地小朋友係十分耕耘一分收获的。

聽雨聲

回覆 wypooh 的帖子

不過又要注意唔好玩得過多,太多又唔好,要睇佢情况。幫佢刷身,要叫治療師教

wypooh

感統未做，有冇介紹?
thx

wypooh

公園就日日去，佢like swings,sir滑梯興趣不大

聽雨聲

回覆 wypooh 的帖子

咁你有無带佢去私人訓練?做感統幫助好大,平時多去公園玩千秋sir滑梯氹氹轉,都係對腦部刺激好。如你有去訓練多問治療師學方法自己教

聽雨聲

回覆 DENNIS201 的帖子

佢已經無自我刺激行為暫時,因呢類小朋友一段段時間咖，有啲嘢改善咗另一啲衰嘢又出番嚟。要自己觀察,有就搵方法阻止。佢暫時都係識答yes or no  question,有教過佢死記到嘅就識講。學校個st好唔掂,而家剛嚮出面開始咗言語治療,都係覺得佢理解力差,唔明人問乜所以唔識答。希望上一段時間有改善啦。

wypooh

我仔2yrs7mths同你仔之前所講的特徵一模一樣，我也怕他是弱智.....排緊cac6月評估....佢又係口渴都不會去飲水，對學習，玩具零興趣.....

DENNIS201

言語情況係點?
識答簡單問題嗎?
仲有無擰頭自轉呢d行為?
我仔出街多左擰頭呢d古怪野

聽雨聲

回覆 DENNIS201 的帖子

例如要掟中目標

DENNIS201

進步左好多呀！
手眼恊調係乜?拋波接波?

聽雨聲

係時候update下我仔嘅情况啦。過完生日又過埋年,已經四歲啦，雖然語言上進步唔大,不過大肌,模仿力,玩lego同寫字都進步好大。物理治療師放完産假番嚟勁讚佢叻咗,治療師做乜動作,佢都可以跟住做,不過手眼恊調就唔得,未來方向就訓練呢樣。玩lego除咗學人砌之外自己都有砌唔同形狀。進步最快係寫字,數字,英文字母大細楷都識寫，中文識寫十幾個簡單嘅,自己名都可以寫到,當然寫得唔靚。所以而家要上言語治療加強佢理解力同表逹能力。期望追多一年可出番主流!

聽雨聲

萬事起頭難,加油!

DENNIS201

始終開始好難

DENNIS201

完全明白,兩公婆會盡全力的了

聽雨聲

出面自己都要做,始終都要搵專業睇你仔需要咩瞓練,之後最好係自己學方法在生活中教,

DENNIS201

做訓練係指中心果 d?
自己都會做

聽雨聲

評估後做訓練會進步的。不用擔心

DENNIS201

我仔最強係自己叉野食,自己用匙筆飯入口
但其他野如做指令拎野,講野等就好弱

聽雨聲

其實你不停輸入,有朝一日佢會突然爆番出嚟,暫時唔使逼得咁緊!

DENNIS201

我反而覺得我個仔唔太識認野
例如「橙橙」「波波」呢 d 我都唔知佢識唔識
已經日日一路玩一路講
但從未試過拎「波波」呢 d 野比我
拎件開唔到的包裝食物去我手就會