怎樣提昇英文成績

ilovematthew

亞仔小四， 除了一年級英文成績ok跟得上， 之後一路向下， 對英文無興趣， 唔鐘意看英文書， 上過劍橋差不多兩年， 中心直接打來話他跟不上， 叫我們停。叫我們不要浪費金錢，時間。 每星期有去專科補習， 試過幾間， 但成效都不大。小測好多時不合格， 考試都係掹車邊。 唔知點幫佢

洋蔥頭媽咪

原帖由 ilovematthew 於 14-11-30 發表
亞仔小四， 除了一年級英文成績ok跟得上， 之後一路向下， 對英文無興趣， 唔鐘意看英文書， 上過劍橋差不 ...

講真如果英文差讀劍橋果ｄ真係悶到爆，香港嘅小學都幾著重grammar, 而學grammar 又的確幾悶。
小小意見，你仔仔已小四，如果英文已弱只靠佢自己睇英文書相信進步有限，所以1對1私補針對佢弱項黎教應該進步較大，至於冇興趣學英文都源於佢底子弱，男仔一般比較喜歡數學同科學，查實響坊間都有ｄ有趣而以英文小組教學嘅班可以考慮幫仔仔報吓，eg.有ｄ科學小實驗班以英語教授或有外籍導師教，小朋友對於有興趣事物會放膽少少去嘗試，當佢能以英語學習中完成一個小實驗，佢就會有成功感唔會再咁抗拒英語，只要讓孩子行出成功嘅一步，佢就會有番信心再學好ｄ。諗吓仔仔有咩興趣？考慮吓，希望幫倒你

xavier

學拼音先，等佢有信心，加上有語音環境，自然好快上手。

hugub

係咪運用上有困難, 你試下解比佢聽... eg  Simple Present Tense , Past Tense , Present Continuous tense如何運用, part of speech 有咩 ... Comparative Superlative ( best , better, good )點用 ....

csy_ma

小四應仲未去到日日關自己在房裡，咁就播英文故仔佢聽。小朋友會不知不覺吸收。

fishchow

最快見效的是1:1私補，特別是剛退休的小學英文老師最適合。

marble2004

回覆 little_yolky 的帖子

真是 幾悶ga, 無計, 同他多d灌輸, 學習過程是漫長, 一定要努力, 例如同他講我自己數學差, 我自己每次考試都將本書由頭計到尾, 希望感動他

marcuscyrus

原帖由 ilovematthew 於 14-11-30 發表
亞仔小四， 除了一年級英文成績ok跟得上， 之後一路向下， 對英文無興趣， 唔鐘意看英文書， 上過劍橋差不 ...

都係要投其所好，搵啲佢有興趣的英文書佢睇，題外話，有似我大仔(小三)借左本英文多啦a夢漫話回來睇，之前我都唔知原來有英文

Jane1983

回覆 little_yolky 的帖子

小學仲有得救，家長和小朋友肯日日追d，有機會的，但拖到中學，個底太弱，就更難。
明白功課多，所以先搞好學校課程，操好練習，起碼合格至中間，企穩咗，先日日睇書。

過程一定吾易，父母自己用心教，好過依靠吾知有無心的補習社。小四都吾幫佢，讀落去，更無機會。

加油！

little_yolky

marble2004 發表於 14-11-30 14:33
如果 你 英文OK,  逐 句逐 句,  跟 住逐 段逐 段 同 他 讀,  多 看多 讀 多 寫多  聽,  晤 好 假 手 補 習 ...

但問題係, 縱使爸媽有無比耐性, 但係逐句逐句讀, 逐段逐段解, 咁鬼悶, 你認為一名9歲男仔可以頂到幾耐? 最緊要係個仔知死未? 如果佢自己唔緊, 做父母既真係.......

little_yolky

Jane1983 發表於 14-11-30 12:22
了解問題所在，跟好佢日常學校課程、温熟學校練習，加少少自己出的相關卷，或者買d坊間相關練習操吓，甘樣 ...

但係佢小朋友小四lu 喎, 依家都仲對英文無興趣, 都真係頗大鑊。小四課程開始多嘢做, 真係又要顧其他科, 又要顧英文科訓練閱讀習慣, 小四又唔再係小小baby, 無咁聽講, 有自己諗法, 真係大鑊鳥。



不過, 套句Eviepa既金句, 今日開始總好過明白先開始的, 所以, 都係要努力, 但要心平氣和, 要知道金字塔唔係一天建成, 效果唔可能立杆見影, 但你陪住佢走, 始終都有一日愚公可以移山的。

熙fi媽媽

我都好想知有咩方法

hadwinboy

原帖由 ilovematthew 於 14-11-30 發表
亞仔小四， 除了一年級英文成績ok跟得上， 之後一路向下， 對英文無興趣， 唔鐘意看英文書， 上過劍橋差不 ...

最好梗係自己跟。但如果自己不懂或沒有時間，次選是1：1私補，不過好的老師難找。要識針對小朋友弱點，如果是底弱，便要由最基本grammar 入手重教，其次再跟住學校課程走，最後當然要教法活動有趣提升小朋友興趣。

happiemm

小小意見，如果唔鍾意睇書，不如先睇英文卡通，開埋字幕，過一排佢認到多的字，就會比較鍾意睇書

marble2004

如果 你 英文OK,  逐 句逐 句,  跟 住逐 段逐 段 同 他 讀,  多 看多 讀 多 寫多  聽,  晤 好 假 手 補 習 老師,  有些補 習 老師 好hea,  最 好 的補 習 老師 是 父母,  我 小朋友 初期讀 英文 頗為local accent, 讀 得 多,  而 家晤 錯, 寫多d, 逐 段 寫 或chinglish 無 問題,  只要 肯 寫,  一定 得,  當 然 你 亦 要有無 比 耐 性 及 努力.

世 上 無 難 事,  只 怕有心人

add oil

Jane1983

了解問題所在，跟好佢日常學校課程、温熟學校練習，加少少自己出的相關卷，或者買d坊間相關練習操吓，甘樣一般家長和小朋友肯做，日日追d，持之以恆，幾個月開始终有d效果。

但要小朋友英文好，睇書、多講、多聽係必須，追番合格達中間水平，企穩陣腳，就開始日日睇書。建議投其所好，佢鍾意什麽題目，就由那開始。

serinac

自己親自跟吓小朋友的功課，同學校老師了解小朋友平時在學校時的情況，才能對症下藥。俾錢人賺並不一定代表可解決問題的。