學師前途（左丁山）

elbar

早排本欄引述美國億萬大富豪彭博之言，佢勸美國年輕人與其借到一身債去讀普通大學，攞普通非專業學位，畢業出到嚟又搵唔到工嘅話，不如索性做學師仔，做水喉匠好過。

當然彭博之言有其美國社會背景：（一）美國大學多得很，中學畢業生要入大學，並非好困難；（二）美國大學起碼可分一級、二級、三級，入一級大學如哈佛、耶魯當然好難，但入三級大學如甚麼州立大學之類，就容易好多，如果在呢啲大學讀文學士，新聞學學士等學位，在今天的美國，確實好難搵工；（三）CNN早有報導，美國的士司機中持有大學學位的，比例不斷增加；（四）美國入大學嘅學生，大部份不能倚賴家庭支持，要靠半工讀，借學生貸款（student loan），讀書時辛苦，畢業後孭周身債。正因如此，彭博先至叫一啲年輕人腳踏實地，老早就學習一技之長，做水喉匠當然只係一個例子。

呢日午飯時碰到一位職業培訓專家，佢話香港有一位工業家曾有類似彭博先生嘅言論，呢位工業家又講得幾貼近現實噃，佢留意到在一個公屋屋邨，一位屋邨醫生，讀大學醫學院（尖子先至入得到），做實習醫生，考專科（家庭醫學）資格，加加埋成十三四年，在屋邨睇病，大概收費二百幾至三百蚊，包埋藥。但在同一屋邨，是但叫一個水喉匠、鋁窗師傅、電工上門睇一睇，做一啲簡單修理，已要收費三至五百，而且並非一叫就到，往往要預約㖭。故此呢位工業家對一啲讀書成績好麻麻，DSE成績入唔到大學嘅學生講：「你地不如去學師做工匠啦，呢啲工唔會outsource（外判）咗去印度、菲律賓、中國大陸㗎！」

學師做工匠係德國工業界傳統，至今仍然係社會結構一部份，做到內閣部長嘅，有博士，有從學徒成為技師嘅專才，美國奧巴馬話要向德國制度學習。香港社會素來重文輕武（即以前做寫字樓嘅叫做先生，在工廠嘅就係勞工），家長普遍希望子女他日坐在冷氣間內打工，不要揸住工具擔擔抬抬。聽聞職業訓練局（VTC）會推出一個Learn & Earn嘅計畫，學生既上堂又去店舖實習攞人工，邊學邊做，邊做邊學，希望有學生肯制啦。食完飯返到公司，電鎖竟然失靈入唔到門，急call外出同事趕回來用鎖匙開門。秘書搵咗一個電鎖師傅上門修理，師傅唔夠十分鐘就上到嚟，睇一睇，就話：「係跳fuse啫，我唔識整，你應該搵電工。係咁意收番上門費一百蚊。」唯有照俾啦！


左丁山                                                                                                                                                                           

eviepa

我幫襯開嗰D水喉、電工、鎖匙佬，全部都係舖頭為主嘅經營模式，即係話我同舖頭有合約關係，舖頭安排師傅上門做嘢，師傅只係幫舖頭收埋尾數。咁樣嘅經營模式，我估舖頭所得，比例唔細。

eviepa

我唔係呢個行業，唔肯定詳情係點，不過憑常識判斷:

1.  黄頁效果唔會好，水喉出問題，通常會揾屋企附近相熟嘅鋪頭搞，有乜事都有得追。

2.  黄頁都要畀費用，做一門專業技術唔高嘅生意，一定有唔細嘅marketing cost。唔畀五金鋪賺都要畀第二D机構賺。

shadeslayer

原帖由 eviepa 於 14-12-05 發表
回覆 lamyeelok 的帖子

生意唔會從天而降，水喉佬必定要同五金鋪掛單先會有持續嘅生意，收得人哋嘅order， ...

黃頁得唔得？

eviepa

回覆 lamyeelok 的帖子

生意唔會從天而降，水喉佬必定要同五金鋪掛單先會有持續嘅生意，收得人哋嘅order，自然要同人拆數，條數可能好大。

dolala

識整水喉，移民都易D。

goodenough

KoWY72 發表於 14-12-3 20:43
係都應該叫做水喉工程師，鈻窗工程師，電力工程師啦，乜乜醫生嘅對像一定係生物，才可稱做「醫生」。 ...

就是因為水喉是工程項目，而自己又不是工程師，勉強說是水喉工程師好像有點誤導！亦就是因為醫生是醫人，沒有醫生牌照給水喉匠的，在沒有誤導的情況下才拿來作賣點！

eviepa

回覆 Jane1983 的帖子

唔少家長同仔女咁樣諗法，我理解。不過我覺得咁做唔係最佳處理方法。我嚮個女細細個就教導佢，大個咗唔一定要讀大學。如果無興趣無能力讀大學，學門手藝都係一個唔錯嘅選擇。做人最緊要係活得幸福，幸福唔一定由大學、高薪厚職嚟決定，最緊要係唔好太過勉強自己。要努力讀書搏入大學完全係阿女嘅意願，同老豆點諗関係唔大。

Jane1983

父母和小朋友想法吾同，除非當時人自己想得通，否則叫人仔女讀吾上，不如學門師，多數人都吾鍾意聽。

聽過有個故事，中學會考吾掂，repeat再考，吾掂，走去讀毅進，之後吾知係副學士，定駁到學位課程，讀咗一太輪，畢業去咗銀行做teller，旁人覺得簁時間，但父母竟然覺得欣慰，覺得個仔有份文職，斯文乾淨，吾使日曬雨淋，所以難講...

eviepa

KoWY72,

識得認同我嘅觀點，畀個like你。

eviepa

我同意作者個結論: 如果專長唔係讀書，不如揾種技術去學師。但係舉証時唔好講到水喉醫生好揾過屋邨醫生咁白痴。