點算呢?

choichoibb2011

我仔仔K1, 由細我都有懷疑過佢係咪資優, N班老師個個都好鍾意佢話佢好叻不過好活躍, 但當佢大大下我發覺佢語言發展極遲緩就打消左念頭.. 而家升左K1仲比老師投訴佢唔聽指令成日四圍走, 要安排約見教育心理學家。見面完佢話仔仔最好盡早安排做感統評估, 唔好浪費時間.... 做完感統評估,中心又話佢好正常, 仲好叻, 唔係AP / ADHD, 只係老師用錯方法所以搞佢唔掂....真係好矛盾, 究竟我仲洗唔洗做多次或者其他評估....評估見面幾個字係咪應該冇學校老師咁清楚呢...?

此終成千蚊一次, 真係好貴......

bsmon

choichoibb2011 發表於 14-11-24 13:39
我仔仔K1, 由細我都有懷疑過佢係咪資優, N班老師個個都好鍾意佢話佢好叻不過好活躍, 但當佢大大下我發覺佢 ...

同老師好好傾下，係咪方法唔啱，學校資源唔夠，唔得轉校喇

Lam3Tai

阿仔情况同你小朋友相類似，自小都不停比人叫去驗資優。但都因較活躍，K2時比老師建議做評估，結果冇AD/HD，開咗資優。到咗今年K3，老師自己都講阿仔定咗好多。N班時讀傳統幼稚園，日日收投訴，K1轉間活動模式做project，都不知學得幾開心。老師配合好重要！

做咗評估，令我更清楚小朋友，強嘅地方一同努力，弱嘅地方更加要正視（如心急等）。今年揀小學，令自己更清楚方向，同學校溝通都好重要。

miss_siu88

回覆 choichoibb2011 的帖子

請問教育心理學家如何約見？有介紹嗎？謝謝！

qwop

原帖由 zngo 於 14-12-25 發表
就只是報讀時的評估，其實我只係想講，我覺得最緊要睇住佢地成長的價值觀同心態正確。我冇栽培大仔，佢高中 ...

我好明白,自己都經歷過,我仔已11歲,二歳半已察覺一啲能力 。就更知道要培育良好品格。相信好多母親都一樣,唔知點做,其實,比快樂童小朋友好緊要,佢地其實都係一般小朋友咁,都中意玩,即使我仔中意書好似無書吾得咁,我地都經常同佢玩佢中意嘅運動,多傾心事,陪伴成長。

zngo

原帖由 qwop 於 14-12-24 發表
報讀課程前的評估，係免費的，有五份卷，所以時間頗長，可要求用英文評估，但都要做中文果份卷，唔使準備， ...

就只是報讀時的評估，其實我只係想講，我覺得最緊要睇住佢地成長的價值觀同心態正確。我冇栽培大仔，佢高中學校至推薦讀中大資優計劃，以前我家從來沒有諗同留意資優係咩？只是學校推薦中大又收所以讀，讀完後中學仲比返我交了的學費我。宜家大仔已經冇再讀資優課程，已經讀緊大學了。

qwop

回覆 YanKanMom 的帖子

叻叻！今期有義工服務，我地都參加。其他我不清楚，可打去中大問下。

YanKanMom

回覆 qwop 的帖子

謝謝你的回覆及解釋。其實我囝囝也做了那份報讀中大課程前的評估，並已報讀了一些課程。我問Zngo是想知道除了報讀課程前的免費評估，是否還有另一種免費的評估。

qwop

YanKanMom 發表於 14-12-23 21:11
回覆 zngo 的帖子

請問你說免費評估的意思是否報讀中大资優前做的評估，即一班小朋友一起在課室內做的？還 ...

報讀課程前的評估，係免費的，有五份卷，所以時間頗長，可要求用英文評估，但都要做中文果份卷，唔使準備，同學科無關，我仔話職員好nice,做評估完全無壓力，你可打去中大問下詳情。

YanKanMom

回覆 zngo 的帖子

請問你說免費評估的意思是否報讀中大资優前做的評估，即一班小朋友一起在課室內做的？還是有教育或臨牀心理學家與你孩子單對單做的呢？

zngo

原帖由 PalFan 於 14-12-23 發表
我冇去做評估, 反而學校比左個有關中文大學調查問卷我填寫過. 記得好似填過2年. 講座時學校有講原來接觸過 ...

你小朋友是中大資優計劃的學員嗎？我大仔也沒有評估，但學校推薦佢參加中大資優課程，做完免費評估，中大收了大仔讀資優課程！

PalFan

積奇百事 發表於 14-12-19 17:13
想問下, 最後有無做評估, 係咪資優?

我冇去做評估, 反而學校比左個有關中文大學調查問卷我填寫過. 記得好似填過2年. 講座時學校有講原來接觸過小朋友既老師都填寫過. 再評選和計分出來的.

我覺得個仔只係偏向少少聰明, 未去到高資優個種. 我地學校有一個高資優. 細細個就聽聞睇好多科學研究書. 個種就真的高資優

積奇百事

PalFan 發表於 14-12-18 09:51
個仔11歲, 佢只係少少聰明, 就係成日利用小聰明偷懶,  老師和佢教練都有同我講一樣說話. 浪費左佢自己天份 ...

想問下, 最後有無做評估, 係咪資優?

PalFan

zngo 發表於 14-12-17 11:21
回覆 choichoibb2011 的帖子

係每種都要獨立評估的

個仔11歲, 佢只係少少聰明, 就係成日利用小聰明偷懶,  老師和佢教練都有同我講一樣說話. 浪費左佢自己天份.

我覺得你地小朋友仲細便應該配合佢地各方條件去發展個人潛能. 我就因為遲起步, 還在努力中去改變佢錯誤思想.  

cl_kaka

回覆 choichoibb2011 的帖子

你小朋友除左坐唔定同唔聽指令外，社交同情緒有無咩問題？其實會唔會小朋友只係好動D！？

zngo

回覆 choichoibb2011 的帖子

[size=15.4545450210571px]係每種都要獨立評估的

choichoibb2011

回覆 cl_kaka 的帖子

其實個教育心理學家冇見旖我小朋友架,只係聽我講小朋友情況/問題就提議我同佢做評估...

cl_kaka

回覆 choichoibb2011 的帖子

其實K1小朋友唔聽指令喜歡四圍走都好正常！做感統評估既係職業治療師，佢地確實無專業資格去講小朋友有無其他問題，不過佢地見得多小朋友，唔多唔少都會有D經驗！你去見心理學家時，點解心理學家會叫你去做感統評估呢？

阿女爸爸

跟學校一齊傾下份報告先。

PalFan

其實一直覺得香港地小朋友個個都好聰明, 佢地比我地以前更有主見同睇法. 所以我只當自己小朋友係一個縱壞左既小朋友. 有時自己好勞氣. 講又唔聽. 但佢又明道理. 成績又唔係突出, 我身邊由細睇住個仔大都覺得佢係醒, 但又未到資優個種人.

但前年學校比左份問卷調查, 因為校方老師覺得佢係資優生 (原來資優生分好多級),  安排左我聽個資優生講座. 佢地講座係話, 如果一個資優生你冇好好栽培, 一樣會浪費左佢地既長處, 坦白講, 個仔唔見得比人醒好多. 有時都好蠢下. 不過開始人大, 有時駁咀到我好勞氣. 令我連還擊之力都冇. 因為唔夠佢講, 而身邊朋友話我好似比佢洗腦一樣, 比佢樣樣做主導.

依家我先開始睇多點有關資優既野. 想了解多點自己個仔係咩類型人. 因為我最佳時機冇把握得好. 現在既佢只係比人感覺是一個縱壞的小孩.