小小科學家

creamychoy

之前訂左小小科學家，總有幾期未收到，之前追過幾次，最近搵唔到人，網頁都無埋，有無人知係咪執左？

ihv2kids

原帖由 creamychoy 於 14-11-18 發表
之前訂左小小科學家，總有幾期未收到，之前追過幾次，最近搵唔到人，網頁都無埋，有無人知係咪執左？ ...

哩間野，講起就嬲。我遇到的問題，同你遇到的一樣。每次打去追，總是你急佢唔急，又唔覺得自己做錯有問題，仲癩話係職員入電腦唔小心，無紀錄，又話後生仔（職員）無心機做之類...... 但到了差不多尾期，奪命追魂call咁，不停電話到，又好有誠意、禮貌咁sale你續購。我今次真係唔會再幫襯，連電話都唔聽。咁做生意，真係趕客

creamychoy

我係今年六月初係屋企附近既細書展訂，訂果時話暫時檔口無咁多，俾得幾本我，話其他果啲會三星期後寄黎屋企。之後當然乜都收唔到，到八月初時突然收到幾本。到八月尾打去問話船遲左九月先有。

等到十月都收唔到，就再打去問，今次又話我張單唔啱，又乜又乜，又話我訂果啲新加坡未出喎，係最新既，要一個月先出一本，話月尾先會寄。

好啦！等到依家十一月尾都係乜都無。。。。。

可樂~

SL1654 發表於 14-11-19 23:27
我都有試過脫期，阿囡好鍾意睇，日日check住個信箱。於是打電話去問幾時有，佢話總知暑假前會寄哂比你。咁 ...

你個情況同我一樣呀, 只係我在書展買, 去年書展買個兩套共20本, 都好快送來我家(又係冇事先通知).咁今年書展咪再訂囉, 在書展只拿到兩本書(第21,22期), 當時說第23,24期會在書展後一個月內寄來, 其餘的會每月寄一本.... 但我催左好多次, 佢地放左幾次飛機, 在9月尾時先收到兩本, 到現在又冇晒聲氣, 比左10本錢(另話會送2本舊), 到現在只收到4本.
都唔知佢地會唔會冇書再比我, 我明年一定唔會再訂.

missshasha

helenli 發表於 14-11-21 03:51
利x是無問題的，有問題嗰間叫日X

thx!

helenli

利x是無問題的，有問題嗰間叫日X

v_yeung

小小科學家是有趣的書,不果訂來年的期刊就有心理準備要追脫期,有時會一次過寄上幾本,也會有機會寄上重覆的,打電話去次次唔同人接,又要重頭說一次,都幾煩.

鬼叫呀仔喜歡看.最好訂上年的完整一set,就不用煩.

missshasha

請問係邊間出版社？我已訂了一年、都準時寄到我屋企、又剛剛同佢地續了新一年！但佢地又冇call過我sell 我喎！我嗰間係利X教育香港有限公司

SL1654

我都有試過脫期，阿囡好鍾意睇，日日check住個信箱。於是打電話去問幾時有，佢話總知暑假前會寄哂比你。咁都得。自始以後，唔會訂，只買現貨。有一次係商場roadshow counter 買，以為有現貨，比哂錢，先同我講攞得兩本，其他會送去我屋企，都出事，送貨前無通知，突然有個人打嚟話有冇人收貨，我問你送咩比我，個送貨唔知自己送咩，我話我唔會收，唔知你送咩比我，個送貨重話我距收。嬲到爆。貼錢買難受。

lovelyfrog

我都起書展訂左Young Scientist, 我吹左好多次, 而家先收到2本。我想問問訂過既JM, 其實係咪應該每個月會收到一本呢, 我都比佢搞到亂曬

TaTa83

大家唔駛擔心，正當奇怪9月經學校訂但11月都未收到書之際，尋日已經call左我，但好奇怪，原本我係訂第二級20-30期，每月一本寄去我屋企，但佢話d書唔夠派，"通知"我會寄10-20期分兩個月寄哂俾我，理由係佢地forcast做錯左，星加坡寄少左書，我話咁呢個唔係我問題，無理由要我suffer，講講下唔對路，費事寄寄下又唔寄俾我，唯有應承佢....

其實我唔係第一次訂，前年已經訂左一年，成日唔準時寄出，不過無計，阿仔好鐘意睇，但我訂埋今次就唔會再訂了，估唔到佢越做越差.....

小玲

原帖由 yslysl 於 14-11-18 發表
在哪裡訂？

是XX數學與科技，ok便利店、7仔有售。雜誌內頁有訂購表，訂一年或兩年不是便宜很多。
有興趣的話，圖書館也可以看看。

helenli

我以前都有訂 young scientist, 現在轉睇 science adventure，每月都準時收到。

NT-1

難怪等咗幾個月都未有新一期到，我囝囡好鐘意睇

yslysl

原帖由 小玲 於 14-11-18 發表
試下數學與科技，我個仔（高小）近期鐘意睇。

在哪裡訂？

Jane1983

回覆 小玲 的帖子

謝謝，希望佢吾係執啦。

小玲

原帖由 Jane1983 於 14-11-18 發表
回覆 小玲 的帖子

Hard sell係煩，但尼本如果無左，又要搵過另一本，可能一樣甘pushy。

試下數學與科技，我個仔（高小）近期鐘意睇。

Jane1983

回覆 小玲 的帖子

Hard sell係煩，但尼本如果無左，又要搵過另一本，可能一樣甘pushy。
難得佢鍾意睇呀

helenli

我問了行內人士，佢地話執粒就未必，但呢間嘢只得一個員工，客人收唔到書已經唔係第一次發生。公司同時又經營補習社等其他業務，所以好忙喎。不過如果好耐都收唔到書，又聯絡唔到佢地，懷疑行騙就惟有報警求助啦。