開學兩個幾月,返學仲喊

catng118

我囡剛上小一,9月中返全日開始就返學喊,話好驚D老師(已經同佢講老師惡,只係鬧曳嘅同學,只要佢專心上堂就冇事),到而家每朝上校車都會喊,同埋緊有D野話驚, 但佢10月尾考完試,成都OK,唉!唔知其實佢係咪返到去就正常.
有冇小朋友係咁?可否分享下點解決?

catng118

佢已經兩星期冇了，呢兩日落街時仲有同同學玩，心情不錯，希望佢繼續努力

catng118

大家一齊努力

wwsugar

回覆 catng118 的帖子

現在開心就太好了！因為轉校又要重新適應，真係不容易。

subb

catng118 發表於 14-12-2 10:45
我都曾經有一剎那諗過轉校，但一想到又要她重新適應就覺得有難度(因她本身是超級慢熱)。
上星期整個星期沒 ...

一路向好　！　

little_yolky

catng118 發表於 14-11-28 09:54
上星期買見完學校社工,出門口到有間社處,就試下入去問下有冇兒童心理輔導,跟住即刻見咗社工,見完之後,佢有 ...

呀, 醒起了, 你自己細個有無俾人鬧過(應該有吧 )


你可以將自己以前讀小學俾老師罰or鬧(唔好揀好慘烈的, 要揀搞笑/minor/被連累的/可憐的) 既經歷講俾囡囡知, 仲要七情上面扮到自己好可憐受連累, 但經過事件學精咗的過程, 佢哋聽得好開心的, 對學校老師惡都無咁抗拒, 因為媽媽以前細個都係咁(有小學學生相仲好添)

catng118

我都曾經有一剎那諗過轉校，但一想到又要她重新適應就覺得有難度(因她本身是超級慢熱)。
上星期整個星期沒有哭，今明兩天都心情輕鬆的上學，我想應該開始有希望了

wwsugar

回覆 catng118 的帖子

我仔都係喊了幾個月。我為他考其他學校轉，減興趣班，向校長老師反映，和教友傾，帶他玩多些，買他至愛的lego，提早食晚飯為六點，早睡早起等。最後，真正有效的原來是轉校，一開始籌備，都未成功考到，他就改善了，因為這給了他盼望，因為原來間學校好辛苦，但知道不是永遠的，他才能捱下去，直到成功轉走為止。我只能承認，不是間間學校都一樣的，有些問題，是永遠不能期望可適應的。聲明，我的孩子讀書能力，社交能力和適應力都很好。問題不在孩子身上。

catng118

多謝大家的回應及支持呀

Jane1983

回覆 catng118 的帖子

聽到都凳你安樂晒

catng118

上星期買見完學校社工,出門口到有間社處,就試下入去問下有冇兒童心理輔導,跟住即刻見咗社工,見完之後,佢有打電話返學校同學校社工溝通,社處社工話我囡係保良局,始終係大機構,所以社處暫時唔安排心理輔導,睇下學校社工安唔安排到.
但社處社工教咗我一個方法,就係同佢講其實畀老師鬧只係好少事,鬧完就鬧完,冇乜大不了,之後幾日我就不停咁同佢講,任何正常人讀書時都會畀人鬧,經過反複洗佢腦,佢呢個星期返學已經冇喊過了,希望可以繼續保持住啦

catng118

我而家壓力真係大到不得了,呢個星期開始,佢夜晚晚飯時話肚痛,似係真,跟住瞓覺,第二朝起身仲話痛,呢個星期已經有兩日上唔到校車,要自己送佢返,昨天都爆嗆咁要由社工夾硬拉佢入去!
而家多數話驚早操同早會,我昨天在校外睇咗陣,真係聽到D老師好大聲咁鬧人,我估係佢每次早操或早會都會聽到有老師爆鬧人,所以嚇到佢好驚,我真係冇晒辦法令佢唔好咁驚,在學校社工眼中,佢可能問題唔係好大,但我擔心嘅係佢鬱鬱埋埋,搞出D咩焦慮症,而家成日話肚痛,我已經覺得可能係壓力令到佢痛,真係超無奈

Bigpig_2007

見到你個問題我都身同感受！

我仔開學喊完—輪，最近又扯住唔肯返學。班中有人蝦佢已經處理左，佢又喊話老師成日駡佢好驚，我唯有最後同社工講在校幫忙關顧他，老師嚴無可能叫人就佢。
做埋呢部我唔會再煩學校，其他要他自己面對處理，無謂俾人標籤。學校是社會的縮影，在家我會聽，教他面對方法，其他都要逼下睇佢掂唔掂啦。

subb

而我女喊嘅原因多數係驚呢樣驚果樣，其實佢自小都好易喊 ~~~ 我囡都好容易喊的, 其實是發洩情緒一種, 或者試好同佢講, 你可以喊,但喊完有無解決問題呀/你是否會開心d, 不如我地諗下有無比喊更好方法 !!!!  

你又同佢一起諗下點樣做先唔驚 !!!

又或者教她祈禱告訴天父知 !  (我唔係基督徒,是她的老師教她的)

Jane1983

回覆 little_yolky 的帖子

叻女！吾使亞媽出頭，識以柔制剛，扭轉埋局面！呢d質素好難得，亦好難學

subb

catng118 發表於 14-11-19 09:45
運動會果日輕輕同班主任傾過，佢覺得我女好依賴。
而我女喊嘅原因多數係驚呢樣驚果樣，其實佢自小都好易喊 ...

我囡開學無事，　到返全日開始來料～～喊　！　


得意係，她一放學就沒事，不過她講得出唔喜歡太耐時間留在校，　
我都有同班主任同輔導老師傾及留意下她，
班主任同輔導老師都有講現在她躲避來喊，不過現在一路一路好ｄ，
已經慢慢適應緊，比ｄ時候她　（她現在是小喊，可以講控制到情緒）　！
～～做媽媽都只好心痛的等待

最初班主任覺得不可以因老師錫而放任，所以有次喊話了她，　
但後來知道是唔ｗｏｒｋ，我估改變了，因她由怕怕地班主任到現在喜歡她

。。。多ｄ同她傾計引導下她講出原因，學校有無輔導老師，或者可以問問他意見，教下你可以點幫小朋友

catng118

其實我兩公婆都算係惡嘅父母,所以其實照道理,佢已經見慣惡人

little_yolky

catng118 發表於 14-11-19 09:45
運動會果日輕輕同班主任傾過，佢覺得我女好依賴。
而我女喊嘅原因多數係驚呢樣驚果樣，其實佢自小都好易喊 ...

即係俗語所講既「船頭驚鬼船尾驚賊」。有時可能係「個樣」惡或講嘢大聲。我講嘢大聲啲, 阿囡就話我惡了。

catng118

回覆 little_yolky 的帖子

我囡身形都係偏瘦小,但應該冇因為咁而笑佢同蝦佢!

catng118

運動會果日輕輕同班主任傾過，佢覺得我女好依賴。
而我女喊嘅原因多數係驚呢樣驚果樣，其實佢自小都好易喊。最慘係我已經唔揀D好谷嘅小學,諗住呢間冇咁谷，D老師會好D，但整體聽番家長講，都覺得D老師惡，其實只係小一開學啫，又須唔須要咁惡呢!!!