深的中學下游，定淺的中學上游？

傑西

小朋友正在一間十分深的小學就讀，處於下游位置，但學校及補習老師說他成績能應付band one C 左右的學校，我好擔心，小朋友面對勁的同學搞到沒有自信，亦怕了讀書。是否應該選一間band 2 c學校比佢上返上游，唔使讀得咁辛苦，比番D自信佢？好煩惱

PalFan

香香 發表於 14-11-17 12:34
整下小手功呢? 佢整得唔係靚. 但佢投入. 我地讚下佢. 佢就好開心.

當然可以. 我會比佢去玩, 一步步升上去, 令佢有份成功感.

個仔MISS 一樣喜歡小手工, 佢D花同小勞作好叻好精緻. 唔係人人都得. 佢都一樣一級級學上去. 發展到網上賣買自己小手工. 只要喜歡便可以.

PalFan

香香 發表於 14-11-17 11:29
可以点發掘？

每個小朋友都唔同, 你可以留意下個囡特別對咩有興趣加以栽培

好似我個朋友囡, 佢好鐘意跳繩, 之後佢比佢接受系統訓練, 點知最後因為興趣而拎唔少獎, 雖則唔係咩特別. 但加強左小朋友自信. 令佢改變好多. 只要你地抱存興趣而去發展, 未必即時見到各方面得益. 但對小朋友成長有好多好處地方.

畫公仔一樣得, 只要佢既興趣去發展.

PalFan

香香 發表於 14-11-17 10:13
我好明白要因小朋友性格選校. 但似乎我還十分了解我個女係點

我個女好情緒. 有時佢可快快手做 ...

每個小朋友都有優點長處, 只要你發掘到, 佢地會改變好多野. 加油!

PalFan

LoveChild 發表於 14-11-16 08:18
很視乎小朋友性格, 以我自己小朋友為例, 佢一定要同一些比他成績好的同學一齊才得, 因為佢係遇強越強, 才見 ...

這個便是我遇到的問題, 個囝怕衰怕比人笑, 佢會努力向上游到中間位就收工. 所以怕佢入左間校風唔夠好時, 佢自我感覺良好. 成績便拉下. 所以真係好煩

洋蔥頭媽咪

原帖由 香香 於 14-11-15 發表
我有問過小朋友. 我話入到去強既學校. 如考中間有無大問題呀? 佢話無問題呀!!

...

今日佢仲係小學生正面想法當然答你冇問題，但進入青少年時期後同輩壓力同自信就可能係兩回事。

johnmamama

其實睇番小學過往派位情況，當初老師話阿仔band2，全港就band 1生，但小學派出來100/163 都派到band 1,老師都話分三份， 如果我聽她講，結果送咗俾其他人。
舊年我朋友囝老師話band 3，呈分試是包尾棵個，但派位入了band2頭中學， 現在讀得ok, 佢覺得好淺，因為佢間是英文小學有85%派入band 1。

wwyee

近朱者赤，近墨者黑，我認同。我女都係呢個問題，而家成績未至於係好好，亦可以話佢尾嗰批，自己有諗過係咪簡錯左，但係佢學習態度受同學正面影響，個人積極左，因為佢嘅性格算任性，如果當初比佢入band2學校（有較多同校畢業生一間），可能日日放學跟左人去玩。最終選校都要睇埋小朋友嘅性格。

MariaTsui

原帖由 1649 於 14-11-14 發表
我剛相反，學校老師話佢band3, 但補習老師話佢有band1C/2A, 我都好迷惘！有冇人可指點吓我呀！



  ...

兩者差距太遠，有否向補習老師查問為何是B1C/2A?
因學校老師應該看學生成績和數據。

小蜜蜂BB

如果讀得好辛苦都係band2、3,有D家長都希望近朱者赤，真是騙自己。想準辦法去band1學校。苦了自己苦了孩子，誰人會清楚過自己孩子能力。成日將老師說可試試高2級學校入學，就當為你孩子一定可以讀得上。到揀學校就知你愛孩子定愛面子。

LoveChild

很視乎小朋友性格, 以我自己小朋友為例, 佢一定要同一些比他成績好的同學一齊才得, 因為佢係遇強越強, 才見到有進步, 如果同一些成績比他差的同學一齊, 佢會自我感覺良好, 放鬆得好緊要

joyjoyparent

回覆 1649 的帖子

首先, 要知道他/她在學校的排名, 及學校整体的水平, 如去年學生排名相約的數據. 若他是最尾的三份一, 相信是B3的了.