女孩子以游水/乒乓球作個人運動操練, 邊樣易突圍而出呢?!

小時了了

因為十一月係小女最後一期學游水 (十一月至明年二月), 我打算學埋最後呢期及最後一式蝶式就唔學游水, 用學游水錢及時間, 用係小女其他方面預備出年小五開始的呈分試.

我以為呢一期會教蝶式, 因為蛙式已教了一年啦. 我上星期問接待處職員及教練, 佢地講唔會教蝶式住, 亦都唔知會幾時教, 佢地話要視乎小朋友手臂及胸用力游才會教, 呢一期仍然會係繼續游蛙式及自由式. 但我想小女一氣呵成咁學識晒 4式, 因為驚佢日後升中後忙無時間學, 又擔心她如果佢真係升中時考體藝, 體能考試可以考4式游水

有以下疑問:
1) 學咗3年游水, 最後蝶式仍唔教,係咪合理? 因為我真係唔知合唔合理!

2) 如果我堅持係呢期學蝶式, 惟一方法是額外加多大約$320/堂單對單教, 如我12月開始至2月, 共要額外俾多差不多$4,000元, 呢個選擇的話小女3月以後唔洗再學游水, 學游水的錢及時間, 3月以後可以立即學其他英文/普通話之類, 為小五小六呈分試補底及加強學習.

3) 如果唔額外俾錢而我又想小女學晒 4式, 咁呢 3月時我會轉游會要有蝶式學的, 即係3月以後仍要繼續俾錢及付出時間學游水, 而打算唔學游水的錢及時間就要推遲.

咁,  值唔值依家俾多$4,000 學蝶式, 買時間呢? 抑或已學3式已好足夠, 唔洗再學埋蝶式傍身呢? 請指教

MASAYA

小時了了 發表於 15-5-12 15:23
嘻! 嘻! 阿女今年年初最後無再學游水了, 之後投放多咗少少時間, 一星期兩日,每次2個鐘只係學校放學後操乒 ...

好丫，成唔成真係其次，有目標先最重要

jefftam06

過萬只是起步。要有成績，一定不只。

wega

回覆 bookwormsx2 的帖子

對，我女之前係一間由前香港奧運代表主辦嘅球會學打乒乓，D女仔大部份係DGS, Good Hope, Heep Yunn, 佢地日日去操波，每個月真係要5位數字學費，佢地個個都有香港排名。

bookwormsx2

回覆 小時了了 的帖子

唔洗諗乒乓球了，要打出"幫助升中"既成績，每個月要5位數架！

Jane1983

回覆 小時了了 的帖子

支持，我都係不斷探索，想小朋友有樣見得人的體，和一樣玩得好，自己又樂在其中的藝。
我小朋友讀龍校，所以吾係為升中，但如果學得好，入好大學都應該有幫助。

Emilyeee

十卜呀！佢又鐘意，當做運動都好

小時了了

噢! 唔係為考名校, 我只係想有一樣運動見得下人. 阿女嘅"夢想"由得佢繼續發下夢囉!

如考"體藝"的話, 條路漫漫長, 依家都唔再諗住了.

sukitelfold

只望升中，小五太遲，無謂浪費錢及時間操乒乓球，結果只會～失望

小時了了

IloveJJ 發表於 14-11-19 23:34
根據非正式道聽途說消息，朋友阿哥係乒乓球教練，的確話女仔打乒乓球，有機入名校。所以，朋友個女都學緊。 ...

嘻! 嘻! 阿女今年年初最後無再學游水了, 之後投放多咗少少時間, 一星期兩日,每次2個鐘只係學校放學後操乒乓球校隊, 上星期日第一次去大型少少的恆生校際乒乓球比賽出賽, 賽果當然預計之內 ---- 志在參予, 未能入圍及進級.

阿女從無參加出面嘅乒乓球球會操波, 經此一役, 阿女及我都覺得女子乒乓球要有好成績比游水係易啲啲, 阿女主動不斷向我"要求"要去出面乒乓球球會操波, 我期望只係出年校際能入決賽, 阿女卻呢排成日講佢嘅 "夢想" 係世界冠軍  

我都唔知想唔想佢 "夢想成真" !!!!!

JJDBB

原帖由 JJDBB 於 14-11-19 發表
我囡游得唔叻，每星期大約4天操水，至於功課，佢自己安排時間做，例如在校做(不過，高小校內功課深及有很多 ...

星期日全日休息，那麼去街同老人家，或者郊外玩下，在家看图書(佢自己選擇)，練琴。或者臨考，測，留家温習！

JJDBB

原帖由 bb20040225 於 14-11-19 發表
練水真係要付出好多時間，我都想知一星期已經練幾日水，D功課點？又要測驗考試，D時間點分配



  ...

我囡游得唔叻，每星期大約4天操水，至於功課，佢自己安排時間做，例如在校做(不過，高小校內功課深及有很多職務)所以有些回家才做，另外補充每天做D，測驗，默書自己温，成績OK，晚上真系冇乜時間玩，有時玩棋，啤牌，真是唔多。我們準時十点睡覺，還好，他會抽到十五分鐘至半小時看書。

我又有少少分享，一起操水的同學仔，每星期一至兩次，好有水感，游得好好，這应該是天生的了。

bb20040225

原帖由 hippoo 於 14-11-19 發表
用咁多時間橾水, 會否無時間讀書同玩? 值得嗎?

練水真係要付出好多時間，我都想知一星期已經練幾日水，D功課點？又要測驗考試，D時間點分配

hippoo

ha8mo 發表於 14-11-13 16:39
如果係學來「搵食」的話，水並唔係咁學的
應該幼稚園已經搵私人教練一對一教曬四式跟住開展操水生涯的，否 ...

用咁多時間橾水, 會否無時間讀書同玩? 值得嗎?

little_yolky

小時了了 發表於 14-11-19 13:39
little_yolky 咁睇得起我女, 港隊!! 講真, 體藝都唔知入唔入到

我都祝願您大囡係大戲中早 ...

啱啱上幾個禮拜至喊完, 佢話又暈又想嘔喎, 又要貪靚, 又怕痛

BTW, 我係用栽培白雪仙既心情嚟栽培佢的


唔講笑了, 記住體藝係band 1, 記得操fit埋學術, 面試係全英對答的。Good Luck！