小一零用錢及獎勵計劃

ahjoy

請問大家有冇俾零用錢小朋友番小一? 另外想請教一下有冇一啲獎勵方法可以給我參考? 唔想呀囡不勞而收穫, 想佢做到一啲野先可以有零用錢.

marcuscyrus

ahjoy 發表於 14-10-28 14:04
請問大家有冇俾零用錢小朋友番小一? 另外想請教一下有冇一啲獎勵方法可以給我參考? 唔想呀囡不勞而收穫, 想 ...

每個月$5，佢可以用來在學校買飲品（只夠買一次XD)，或儲起，如果返學用品唔見左，要用自己零用買過。好少以成績獎勵，有時溫習測驗考試，衝完一輪，買雪榚食而已

1010mum

我是這樣做:

默書, 測驗 100分，每次 $10 (高小分數線下降至90分)； 同一星期內的默書測驗全滿分，加倍。
考試全班頭3名，$50；全級頭3名，$100；操行 A，$50；攞埋品學兼優獎，$300。

錢，記在賬上，任何時候要用，問我取，不問原由，賬上扣。
拿了，怎麽用，我不干預。當然，適當地提點一下還是有的，但決定權在小朋友。

我同小朋友約定，有此獎學制度以後，衣食住行教育歸我管，其他的自理。例如，去主題公園，他要自付入場券；他要開派對，自己要負責一部份的支出。

這也是一種理財的教育。

最低限度，實行此制度以來，玩具少買了。因為要自付，他會很認真地考慮"想要"和"需要"的問題。

ahjoy

有樣板方便給我嗎

ahjoy

原帖由 IloveJJ 於 14-10-30 發表
我無俾零用錢個仔，因佢學校無小食部。但我有俾獎金獎勵佢默書、測驗、考試。我又唔介意佢物質化，為自己喜 ...

有冇様板睇吓？方便send 俾我嗎？

nillnill

我是每天給孩子$2，規定必須入豬仔，儲滿才可以用

little_yolky

Ling0426 發表於 14-10-29 09:17
我大女都係咁呀, 去年小一, 老師要鼓勵佢地, 成績90分以上都有小禮物, 所以我每次佢考得好都會買少少佢鍾意 ...

芭蕾舞老師要佢減肥, 無得食零食

Ling0426

little_yolky 發表於 14-10-28 15:20
我依家都好心煩, 大囡成個港女咁, 一有好成績就成日要奬勵、禮物, 雖然佢係要求買書、簿仔、貼紙等小禮物,  ...

我大女都係咁呀, 去年小一, 老師要鼓勵佢地, 成績90分以上都有小禮物, 所以我每次佢考得好都會買少少佢鍾意吃的野給佢吃, 但今年二年班老師無小禮物了, 而我都覺得大咗唔使了, 但係阿囡考得好仍然主動要禮物, 要獎勵

我都覺得有D唔係咁好, 但暫時都仲買, 可能慢慢再同佢講

mimi1102

我女學校冇小食部, 平時買野全部我地大人比, 佢冇機會用錢, 所以初小冇比零用.

小四先開始比零用佢, 原因係暑假去旅行時, 比左小小外幣佢買野, 發覺之後佢對錢的概念大左, 去行街開始會睇價錢, 格價同識話"好貴呀!", 所以想佢學下理財. 依家比的零用錢, 講明第時再去旅行, 就要用零用錢黎同我換外幣, 我唔會再比錢佢去買野...

奬勵方面, 由細到大都只用口頭奬勵, 間中比賽攞奬, 都只係奬佢食粒糖, 佢已經好滿足. 印象中只有一次有買過禮物比佢, 而果次其實差不多生日, 所以當係奬勵加生日禮物比佢.

MASAYA

上小學之後在教會都上小學組, 我女話想奉獻, 所以有給零用錢, 但學校規定小一不准帶錢回校

小曳人

小朋友好受奬貼纸/印仔！我会大時大節俾佢換禮物，或者去海洋公園玩

ahjoy

謝謝大家意見，我就係想自己先界定好目的同獎勵方式，未諗清楚就開始嘅話，怕放錯了就好難收得番

stefi

我女今年小一，我有每星期俾5蚊佢儲，我要佢用簿mark低收入同支出，d錢係儲黎買自己既用品文具

Jane1983

回覆 little_yolky 的帖子

同佢解释，父母愛佢吾係用錢衡量，成日買禮物好簁錢又成屋玩具……
你女係乖乖女，可能係爹，鍾意人錫，吾係港女呢

palmchristy

睇下你目的為乜.

你想佢學習金錢管理, 你可以每星期比一定數量的零用錢. 例如每周$5.

如果你想因為好行為/好習慣而獎佢, 可以是貼紙, 文具, 零食. 同佢去一D地方玩, 一餐M記, 一本圖書等.

至於想因為好成績而獎佢的話, 其實佢比成績你睇後, 用言語讚佢加一個擁抱就好夠.

總之唔可以俾佢用好的表現換取金錢就可以.