關注自閉症節目Sun11am高清翡翠台

Olympian

在美國，每一百名兒童中，便有約30人被確診患上自閉症，相比20年前，這個增長令人憂慮。近年，不少家長會為初生嬰幼兒進行自閉症測試，及早檢查子女是否患上這種病症。《關愛自閉症》主持人Louis Theroux 到訪位於美國新澤西州一間自閉症兒童學校，探訪患上自閉症兒童及其家庭，希望能深入了解自他們的成長問題及對家庭的影響，如何一起突破障礙，維持正常家庭生活。透過親身的接觸，Louis感觸良多，除了體會病童內心世界及成長中各種掙扎外，亦見證他們對周遭世界奇異而獨特的認知。
高清翡翠台 - tvb.com - http://programme.tvb.com/hdjade
星期日早上11：00高清翡翠台有個節目叫關注自閉症

bauhiniakan2000

唔睇好過,囝囝睇完突然打我,問佢點解打我,佢話自己自閉症所以打我,真負面.

rabbit2010

原帖由 Olympian 於 14-09-05 發表
真係唔好意思，介紹左d咁嘅野，大家千祈唔好灰心。

傻啦， 其實你無介紹前都知有呢個節目， 跟本你唔介紹我都會睇， 只係覺得傳媒點解只係強化負面問題， 睇完又對我哋完全無幫助，令我哋心情更差， 仲嚇親其他人添

legolas625

google打extreme love autism 就有，不過可能無字幕，睇完覺得家長好慘，我會諗如果個仔大個係咁，唔知點算，片中有家長頂唔順，安排仔仔去寄宿，因為佢行為古怪，唔訓覺

Olympian

原帖由 西瓜貓 於 14-09-05 發表
我都有睇，睇完個心好沈重⋯

真係唔好意思，介紹左d咁嘅野，大家千祈唔好灰心。

西瓜貓

我都有睇，睇完個心好沈重⋯

aryemyem

請問邊度有得睇重播？

legolas625

我上網睇完，D case屬於嚴重，有D好大個，一企出黎就知佢地有問題，似智障或精神病，仲會攻擊人，自殘，好負面和片面，個男主持無咩笑面，成日企係度睇人地

Olympian

HopeLJ 發表於 14-9-1 10:20
覺得d人睇完，唔會比多d體諒，反而真係「關注」咗自閉的 negative 野。

我近年常有個難題。就是希望別人多理解自閉症，但發覺好有難度。自閉症可以語言表達好，又可以語言表達差; 可以資優，又可以智障; 可以好安靜, 又可以好活躍; 有些沒有重覆行為 ，有些又冇。有些有行為問題，有些又冇。

共通點是社交弱。可是弱得來，一些又好主動跟人玩或交談，一些又好被動好靜。

所以，真的要對方好有興趣去了解什麼是自閉症，才可以理解多一點。

大部份人聽到呢三個字，都會想到"難搞"﹗立即把你拒諸門外。

HopeLJ

覺得d人睇完，唔會比多d體諒，反而真係「關注」咗自閉的 negative 野。

Capricorn2521

我今朝都有睇，亞仔問我點解果D人13歲仲打人，我回答:佢個腦病咗，仲好似嬰兒一樣。然後亞仔就話: 咁我要好好保護個腦先得。😂

Olympian

之前有個台灣製作的，真係做得有內涵好多。不過唔記得個名。好似係“星星的孩子“咁上下。

rabbit2010

Olympian 發表於 14-8-31 13:10
其實現在大部分自閉症小孩都可及早識別，很早就接受訓練，所以這般嚴重的個案在現時或將來的香港應該較少。 ...

係law, 岩岩早兩星期去咗CAC証實咗, 我已開解咗自己, 諗住知道有呢個節目, 咪睇吓了解多D, 點知睇完仲了番起個心, 之後又要自我開解自己我仔並不是咁嚴重成咁.  真係唔睇好過睇

Olympian

原帖由 rabbit2010 於 14-08-31 發表
係呀, 剛只係睇15min, 成個心up晒

其實現在大部分自閉症小孩都可及早識別，很早就接受訓練，所以這般嚴重的個案在現時或將來的香港應該較少。

rabbit2010

係呀, 剛只係睇15min, 成個心up晒

apple~y

回覆 Olympian 的帖子

比人睇完仲怕d 自閉人士,唔會想接觸
我之前睇完都驚,同睇恐怖片無分別

Olympian

原帖由 apple~y 於 14-08-31 發表
以前重播過,唔睇好過睇
睇左無咩得著,只係見到有幾暴力幾嚴重,睇完好down
無咩美國最新治療方法 ...

都係架。完來係重播。我仔係家，佢睇左一陣有點驚，我都立刻關電視。都係一些較嚴重的個案。

rabbit2010

原帖由 Olympian 於 14-08-31 發表
在美國，每一百名兒童中，便有約30人被確診患上自閉症，相比20年前，這個增長令人憂慮。近年，不少家長會為 ...

每100個有30個有自閉症咁多？

apple~y

以前重播過,唔睇好過睇
睇左無咩得著,只係見到有幾暴力幾嚴重,睇完好down
無咩美國最新治療方法