小朋友迫地鐵返學

bbrabbit2011

依家諗緊帶小朋友搭地鐵返學定讓他乘校車：
1。如果搭地鐵返學，車程十分鐘，但是早上八點幾嗰段繁忙時間，地鐵迫到沙甸魚人貼人咁，不知會否容易傳染病，同埋，出地鐵站之後，要行一段5分鐘冇瓦摭頭的路才到學校。
2。如果搭校車，要早些出門口，因校車兜來兜去要成40分鐘才到學校，但就點到點接送。
你地會點㨂？

melonfans

bbrabbit2011 發表於 14-8-19 16:54
依家諗緊帶小朋友搭地鐵返學定讓他乘校車：
1。如果搭地鐵返學，車程十分鐘，但是早上八點幾嗰段繁忙時間， ...

坐mtr逼都算, 有時小朋友見太多人, 會叫你抱, 又無位坐.  坐校車其實小朋友好舒服. 40分鐘都Ok.

cwmicmic

MTR, 慳時間可以瞓多陣, 其實小朋友冇嗰樣就想嗰樣, 坐校車就想父母接送, 坐交通工具就想坐校車

BB312

小朋友好鍾意搭校車ga

喜樂果子

如比我, 我會選擇搭校車, 小朋友坐校車好開心的, 而且落雨, 曬同涷都比較方便, 要親子, 其實好多機會, 但當然如果家長要返工, 好多時都夜, 不能有太多時間既話, 用湊返學時間又真係幾好既, 如果唔係既, 比佢搭校車真係大家都舒服D, 同時搭校車都可以自己想幾時接就幾時接架啦.  我小朋友都係搭校車, 不過我一個總會去接佢幾次, 其實咁樣佢地仲開心仲珍惜/

fc926

一冷一熱又人多,小朋友好易病,校車好D

cat1028

我會早點出門坐MTR.
下雨天就坐的士.

kathyp

過去一年、我搭地鐵送仔返學、慳到錢又多左少少時間陪佢、又可以見下老師。雖然送完之后我又要趕返工、但我觉得好過搭校車。so far,我仔並冇因为嗰十分鐘繁忙時間内搭車而多左生病。

crispin

如果順路，自己帶啦！
親子時間呀！

siumak

我揀校車。

bbmom72

地鐵。如擔心細菌，校車都唔見得好。校車空氣質素差，影響肺功能地鐵可帶口罩。
晏D起身。

HaYi

MTR 如是逼, 10 分鐘都好辛苦, 我會校車.

Pinkmoon

If work.  school  bus.

kaman710

如果自己係FTM, 又得閒的話, 我會自己帶. 搭MTR 都係嗰10mins, 唔會覺得好易感染病. 返學校交叉感染的機會相信仲要大.

如果要工人/老人家湊, 就當然坐校車較為安全.

ktlytton

當然係搭校車啦，其實係校車上面冇老師係度既情況下，D小朋友點樣同其他小朋友一齊相處都係一種學習。

elvina_lmk

點對點搭校車好,可能我女成日都會扭下,5分鐘可以行左20分鐘甚至更耐。我試過婆婆客串送返學,半個鐘變個幾鐘,又擔心。另一方面,小朋友係中意坐校車嘅。對我女黎講佢好開心。

monlingling

Same case, 我會自己帶搭mtr！

Jane1983

睇吓真系幾逼，同埋行個5分鐘，係pleasant好環境，定惡劣大吸塵。

我女讀K我自己接送，好享受果段講東講西的親子時光，感覺好幸福。而家升小一，地鐵工程delay，我無得送，好惆悵。

kyleebc

睇個人需要。我們距離學校都好遠，之前是自己接送，其後搬家，阿仔爸爸覺得搭校車夠安全和慳時間，而我卻堅持親自接送，搬後一星期，自己帶往返，返學冇問題，放學就真喺好難搭車，結果是自己帶返學，搭校車放學。