小朋友做每件事情都好慢，點算好呀

cream997

你地小朋友做事快唔快，我個女慢得好緊要，點樣可以令佢改變咁慢既性格。例如，讀字慢，講野慢，寫字慢，加上個人好分心，往往都拖時間拖得比正常小朋友慢一倍，今個暑假放了佢出去學數學，中文，老師話佢慢到嘔，又不時兩頭望，好分心。你地啲小朋友有冇係咁架？ 你地會點樣幫佢呀？

little_yolky

cherrieshum 發表於 14-8-12 07:58
性格使然，沒辦法! 你需要有心理準備，小學多功課，磨擦很大! 終極方法，大打一頓，罰企一小時!



  ...

你既終極方法一啲用都無, 用過, 仲咀miu miu

S-Kwok

原帖由 Radiomama 於 14-08-17 發表
今日有另一個體會：
到大家白髮蒼蒼的一天，後生的家人話你無記性、行路手腳慢呑呑你説多難受。
台灣作家汪 ...

HaYi

cream997 發表於 14-8-27 00:21
小朋友讀小學既媽咪，可否分享下中文你地點惡補，特別係閱讀理解。今個暑假日日睇書，解答，解詞語，預到唔 ...

我個P1時就是英好中弱, P1時以為慢慢睇多D書會好, 之後發覺只睇是追不切, 考試卷中, 閱讀理解有改善 , 但其它的部份因寫得太少, 好多時不達標.   P2同呢個暑假升P3的暑假我用了多時間要佢作句文, 感覺比只加強閱讀在各方面都好了些.  另加朗讀小段, 希望P3會更進步. 當然佢不是天才型, 中文更不是即食面, 一定需要時間.  

cream997

小朋友讀小學既媽咪，可否分享下中文你地點惡補，特別係閱讀理解。今個暑假日日睇書，解答，解詞語，預到唔識既字叫佢睇果句既前後字估個字點讀，好努力咁教佢，但覺得佢思維推理唔係好得，真係擔心。

ankrock

回覆 bonboncat 的帖子

我仔都是由kg開始做咩都慢吞吞…黎緊升小二,上年小一都會俾老師話佢執書包慢,但佢就繼續活係自己樂趣中
超初都成日話佢,但諗諗下覺得呢d是性格問題,或只是香港人慣常節奏太快,,而家會成日題佢"因為你做事慢 甘就需要比別人用加倍時間", 等佢自己思考下 感受下係咪要走快d呢!

不想為此迫佢/話佢傷大家感情!

bonboncat

睇到呢編帖真係好有感觸，原來唔止得我一個面對緊呢個問題。

我亞囡只係k2，佢由細到大做咩都慢幾拍，食野/行路/著衫等做咩都慢，就算係佢鍾意嘅野佢都係慢吞吞，佢好似活響自己嘅世界入面，但我地又唔知佢諗咩。本來佢慢吞吞我地都唔介意，但最慘響幼稚園經常比老師投訴佢唔專心/發白日夢，無論放學攞書包/食茶點/做勞作/做功課等都比人用多2/3倍時間，老師不斷比壓力我地(話再咁落去好難升返原校小學)，我地又比壓力佢，搞到佢成日喊，又發惡夢，我真係好內疚，搞到自己都好唔開心。

遲D再升上小學，我都唔知點算。其實我都唔想迫佢，但無奈生活響香港呢個分秒必爭嘅城市，我又可以點？！

SmileSmileSmile

原帖由 MrBeast 於 14-08-12 發表
仲可能到自己老etet、慢吞吞、要人照顧時比佢打返

忍唔住笑左
我細個比呀爸打到傻，鷄毛掃，拖鞋，飛櫈仔，大個諗番都唔係我錯曬，重有陰影，個人長期灰同無原因地唔開心……

經歷左比人打嘅身心痛苦，我小朋友快六歲，我從來無打過佢，睇得文章多，經常提醒要適當鼓勵，有一排自己唔開心，少少事都鬧佢，即係將自己情緒發洩係佢身上，關係差左，後來提醒自己，慢慢修正……

結論係打同罵都唔啱用，鼓勵加讚賞，多溝通關係先可維持……

樓主情形，打罵都已經無效，反正只係小三，我係你會放手，比佢錯下，又可能佢會更好，因為當你無咁囉嗦時，佢都會估你點解會咁？可能會更上心，大人細路都啱打下心理戰，好過都高年班要計分先做，即管試下放手

moondream3003

原帖由 cream997 於 14-08-12 發表
拖時間絕對是影響學業, 善忘, 學左又唔記得, 記性差, 冇心記 !  明白的, 魚油要按分量吃, 吸過多好像會留 ...

魚肝油才會

michk

我個仔都係一樣，做野好慢，成日發白日夢。佢出世以來同佢講得最多嘅說話就係:快啲啦！
其實我自己間中反省一下，覺得佢都好可憐，成日俾人催促。其實到底是佢唔正常還是我地唔正常。佢只是生錯在香港呢個咁唔正常嘅地方。試諗下如果佢生活在法國，其實咁先至正常，香港人營營役役，連欣賞一下大自然，天空的白雲時間都沒有。所以有時候，如果真係有點空間，我會忍住唔去催佢，由得佢慢慢發下夢，慢慢來。

Radiomama

今日有另一個體會：
到大家白髮蒼蒼的一天，後生的家人話你無記性、行路手腳慢呑呑你説多難受。
台灣作家汪培挺說得好，家長走慢一點，孩子就可以從容跟上來。

瑩瑩老豆

原帖由 cream997 於 14-08-11 發表
你地小朋友做事快唔快，我個女慢得好緊要，點樣可以令佢改變咁慢既性格。例如，讀字慢，講野慢，寫字慢，加 ...

我囡好快手，做幼稚園功課轉眼搞掂，到細囝完全相反，同一樣功課，搞成個鐘都未得

julinata

原帖由 MrBeast 於 14-08-12 發表
仲可能到自己老etet、慢吞吞、要人照顧時比佢打返

唉，我最近都有咁諗呀！！！

MrBeast

Jane1983 發表於 14-8-12 13:06
回覆 Yanamami 的帖子

講到懷恨在心，真系要留心。朋友個女升小四，最近傾開計，突然講番話亞媽以前成日打 ...

仲可能到自己老etet、慢吞吞、要人照顧時比佢打返

Jane1983

回覆 Yanamami 的帖子

講到懷恨在心，真系要留心。朋友個女升小四，最近傾開計，突然講番話亞媽以前成日打佢，同埋偏心細妹。
鬧、罰企，可以，打就可免則免，好傷感情的。

sososu

MrBeast

既然硬唔受，試下做一陣玩一陣，一陣=你小孩的usual attention span

cream997

JJDBB 發表於 14-8-12 10:52
Set時間完成，因為孩子漸大，必須控制自己的時間(任何事)。雖然話每個小孩子性格各有不同，但每人只有Z4小 ...

有呀, 晚晚都set左時間叫佢做d乜, 長期戰 !

JJDBB

Set時間完成，因為孩子漸大，必須控制自己的時間(任何事)。雖然話每個小孩子性格各有不同，但每人只有Z4小時，所以必須教其set時間工作，拖住黎做真系冇益。

201102

Radiomama 發表於 14-8-12 08:37
Agree!
天生的，慢活的人腦袋裏想：為什麼要急和快？咁趕做咩呢？
1）減少不必要的細節

Radiomama,

請教何謂 1）減少不必要的細節? 其他幾點都明白.

Thanks!