點解個女讀書唔好一定關呀媽事？

wwyee

C6望住呀女張成績表，問點解咁架，咩你無理佢讀書既咩？我話中學既野有好多我都未必記得，我唔識點教佢，衹能夠坐係佢旁邊，陪下佢溫習，等佢自己尋找下方法，點讀。C6又話你陪就係陪，咪又係度玩電話，我諗無人會真係坐係度望實佢溫習。呻完

andrew

我都係，阿仔讀書關晒我事。不單單是讀書，打波、彈琴都係一手包辦。

chumamma

wwyee 發表於 14-7-11 19:35
C6望住呀女張成績表，問點解咁架，咩你無理佢讀書既咩？我話中學既野有好多我都未必記得，我唔識 ...

我就係同老公各人分擔科目, 小學時, 老公負責囡囡數學常識運動, 我就負責中英普視藝等科目。

我們兩人好似當女兒係機械人, 各人用自己一套去谷自己個幾科, 當數學差時, 我會挖苦老公, 會更加努力, 當我科中文差時, 老公會挖苦下我, 個囡就挾中間不斷比我兩個人谷, 兩公婆大家互相辛苦付出, 犧牲吃玩樂時間, 其他人睇我們可能覺得我們好變態。

我記得個女小六時, 中英數常, 視藝科科都有攞獎。

其實仔女讀書, 不是單靠一個人, 要兩公婆大家配合。

現在女兒升中學了, 老公同我每人又要負責多三科, 單是一個女人仔, 根本做唔到咁多科。

MASAYA

eviepa 發表於 14-7-22 19:41
喜歡看圖畫書就讓她們多看吧，慢慢就會自動看有字的書了，不要心急。

伴讀是重要的，怎樣也得要每天抽半小 ...

謝謝你的建議，我女在我不在家時會自己拿書出來，不過看完全部圖便把書放回書櫃，希望她懂多點字會慢慢看

eviepa

喜歡看圖畫書就讓她們多看吧，慢慢就會自動看有字的書了，不要心急。

伴讀是重要的，怎樣也得要每天抽半小時伴讀才好。

MASAYA

eviepa 發表於 14-7-21 21:38
我屋企就啱啱相反，教女呢方面，老婆旨意曬我。阿女成績不斷向上佢就笑騎騎，響大升市裡面小小技術調整，阿 ...

想請教一下，我有睇開你既文章，係你眾多支持者其中一個
我家沒長輩沒工人幫忙湊兩個細路同做家務，所以媽媽全職在家都忙到踢晒腳，學習方面冇時間理佢地，所以我比較關心兩個女上中學前可唔可以培養到對追求知識既興趣同閱讀習慣，但我份工係返得晏放得晏，平日見既時間唔多，最多係星期六同日whole day，請問有咩方法可以利用有限時間令佢地鍾意睇書？兩個女其實都鍾意睇書，不過都係鍾意睇圖多，字就要我伴讀先會睇

Woomingling

你老婆巧幸福啊！

ChiChiPaPa

eviepa 發表於 14-7-21 21:38
我屋企就啱啱相反，教女呢方面，老婆旨意曬我。阿女成績不斷向上佢就笑騎騎，響大升市裡面小小技術調整，阿 ...

HKDSE已放榜。現在，你應該一天都光曬，不用再為兒女成績憂心。

eviepa

我屋企就啱啱相反，教女呢方面，老婆旨意曬我。阿女成績不斷向上佢就笑騎騎，響大升市裡面小小技術調整，阿女成績稍稍回落就埋怨我。

最經典果次係中5考試，阿女幾科失手，輸左小小，全班考第二。咁我就畀老婆埋怨la，真係火都黎。

katf123

wwyee 發表於 14-7-21 08:35
呢個老豆真係，唔好話佢條精子差。

咪就係舊思想的人先會咁講嘢,  小朋友大家都有份, 應共同分擔好與壞, 共同面對及解決困難才是.

wwyee

原帖由 benny2014 於 14-07-20 發表
我在學校工作，家長日派成績表，有個學生的父親竟然將成績退步的責任推晒落佢老婆度，好似完全唔關佢事咁， ...

呢個老豆真係，唔好話佢條精子差。

wwyee

火爆都係大壓力，咩野都關你事。
家族讀書叻，又唔太關事嘅，我仔有個同學，佢地家族親戚又係讀得，個個都專業人員，奈何個同學仔自己讀得唔理想，黎緊中六送佢過英國讀，父母講明讀完碩士先可以返黎香港，個同學成日同我個仔傾訴，話自己好孤寂好大壓力。

benny2014

我在學校工作，家長日派成績表，有個學生的父親竟然將成績退步的責任推晒落佢老婆度，好似完全唔關佢事咁，我忍唔住提醒他，說個仔你都有份的。

little_yolky

annie40 發表於 14-7-16 17:56
我老公肯教個囡又有耐性, 出口又出手, 但阿囡點解連top 20都做唔到既? 我好想晒命同人講我個囡考第一, 我好 ...

佢係全級20+, 次次都係20+, 全家族係佢最差, 親戚聚會真係好大壓力, 全家族得佢一個讀二線, 仲要考成咁。


我老公又係好長氣, 長氣到我都頂唔住, 我就好火爆, 我囡囡同你囡囡一樣, 因為唔想「被」教, 所以就自己上堂專心, 自己溫習, 盡所能响我放工之前乜都搞掂, 唔俾我捉到痛腳。



我真係好唔得閑, 又要同阿細日日練說話(發音唔正), 又要玩交換日記培養佢哋寫作, 又要時不時按佢哋程度搵書佢哋睇, 我英文又唔好, 又唔識教, 我又要返工, 個工人又蠢, 一日到黑做錯嘢, 老公又成日埋怨我仲未同佢翻譯, 篇嘢又深又悶, 真係幾多條命都唔夠用。

andrew

C6又話你陪就係陪，咪又係度玩電話

真絛唔好.

annie40

我老公肯教個囡又有耐性, 出口又出手, 但阿囡點解連top 20都做唔到既? 我好想晒命同人講我個囡考第一, 我好抑鬱。
阿囡仲要拒絕咗爸爸, 話爸爸你普通話又差, 英文又差, 我自己讀就得喇, 搞到爸爸都好抑鬱。
****        ******
* 如果一班40人, 中间是20-30, 也不是太差吧
*跟孩子相处, 要有切入点, 不是你肯教, 她就一定收到的
*小女在小一开始, 已经知道妈妈普通話又差, 英文又差的事实真相, 因此 自己上课留心学好了.
*因为孩子说的是老实话, 我不但没有抑鬱, 还走为上着, 只是讲下广东话故事和教下计加减乘除而已. 其他是量力而为.

外子很有学问,有耐性, 但完全不懂跟幼儿沟通和如何传递学问, 非常长气, 小女跟爸爸玩就可以了, 教学是可免则免吧.

如果父母没教的天份, 一是去努力学习, 一是不要勉勉强强教到阿女惊左读书.要培养孩子, 要做的事很多, 教做人, 教诚实, 教公德心, 教善良, 已经好鬼唔得闲了........不一定要学功课的.

little_yolky

annie40 發表於 14-7-12 00:49
如果爸爸肯教又有心機教，一般教得勝過阿媽教十倍以上。但真正有耐性和勇於岀手又出口的爸爸十分罕見，只要 ...

我老公肯教個囡又有耐性, 出口又出手, 但阿囡點解連top 20都做唔到既? 我好想晒命同人講我個囡考第一, 我好抑鬱。
阿囡仲要拒絕咗爸爸, 話爸爸你普通話又差, 英文又差, 我自己讀就得喇, 搞到爸爸都好抑鬱。

little_yolky

wwyee 發表於 14-7-11 19:35
C6望住呀女張成績表，問點解咁架，咩你無理佢讀書既咩？我話中學既野有好多我都未必記得，我唔識 ...

1. 唔好坐佢隔離2. 同囡囡一齊唔好玩手機
3. 多啲同囡囡傾計

你同老公講, 我做半職, 係為咗教個囡唔好學壞, 唔係做補習老師, 你咁多要求, 俾多啲家用等我請個工人做家務同私補。

qkhui

上了中學真的是另一種挑戰, 亞仔9月將升中一, 在剛過去的星期六回了中學聽家長會, 岩岩DSE放榜, 聽了一些取得好成績的同學都是說, 家長 "陪讀"是很重要的. 不是真的陪他們溫書, 只是, 當子女在溫習或看書時, 父母同時間亦一起看書, 不要一個在玩手機, 一個在玩電腦. 要給他們覺得有父母支持他們, 是很重要的. 所以父母自己都先要協議要怎樣做

我同意升上中學很多事也應放手, 但不要一下子就完全放手, 因我相信小朋友也有很多憂慮. 即使跟他們一起學習書本上的新知識也很好. 不明白可問回小朋友, 相信他們一定很有滿足感.

我同意大多數爸爸都是沒有耐性的. 我先生一樣. 在小學階段(小1-小4), 他真的完全不理仔仔的功課及溫習. 但如見到成績不是太好, 又或見我太緊張. 他就會不高興, 有要馬兒好, 有要馬兒不吃草 .  到了小5下學期, 因呈分試, 我巳沒有太多能力時間教仔英文科, 因我是要上班的. 回家真的沒有太多時間. 我唯有同先生講, 英文我真的教不了, 你有時間你就教. 不然, 我不擔保英文成績. 雖然先生也會教, 但此終是不主動的. 所以亞仔英文都是比其他科差的.

但老公話, 中學他會負責亞仔的. 因他學歷比我高, 我巳沒有能力教仔中學課程, 希望他真的講得出做得到.