- 在線時間
- 222 小時
- 最後登錄
- 15-1-28
- 國民生產力
- 0
- 附加生產力
- 1548
- 貢獻生產力
- 0
- 註冊時間
- 12-6-11
- 閱讀權限
- 10
- 帖子
- 108
- 主題
- 1
- 精華
- 0
- 積分
- 1656
- UID
- 930906
|
係呢一個咁 hot 嘅topic上面,作為 Cky 家長又點可以唔發聲呢!
學校嘅行政混亂,唔係今時今日發生,我哋D家長亦都希望學校可以改善一下!至於要 in 咁多次,其實我哋都係覺得冇咁嘅必要!但係學校要咁做,其實都冇辦法,一個願打、一個願挨,今次去到 4th in,都一樣有大把人去,自由社會就係咁!至於要 6th in,有無咁誇張就唔清楚,但係肯定去年就有人見到第五次。呢樣嘢係校長係一個公開場合同我哋班家長講嘅!呢個係一個非常特殊的例子,因為小朋友自身有特別嘅問題,但係家長就非常有誠意,不斷寫信去打動校長,希望學校可以俾多次機會自己個小朋友!其實往後幾次 interview 校長都係親身去見呢位小朋友,你估校長真係好得閒咩!
有好多人都質疑 Cky 只有愉快學習,但成績就未如理想!其實大部分嘅 Cky 家長對學校係非常之有信心!我哋嘅着眼點唔單只係愉快學習,而最重要嘅就係小朋友係學校的教學模式下可以培養到自學能力同探索精神!佢哋大部分都熱愛學習、喜歡上堂,我深信自願去學嘅小朋友成績應該唔會比填鴨式教學下出來的成績差太遠!
另外功課數量亦都唔太多呢個係一個事實!但係唔等如可以好快做完D功課,因為佢哋嘅功課質量係比較高層次,唔係普通背誦抄寫,而係需要小朋友去思考完成!
之前有位家長提到老師流失率高,其實本地老師嘅流失率好低,外籍老師嘅流失率亦都唔算太高,要知道呢間學校出唔起其他國際學校俾嘅高薪,咁如果人哋高薪挖角,你話班外籍老師會唔會同你講人情呢?其實外籍老師留失率偏高晌本地學校係一個非常普遍嘅情況,我唔覺得有幾出奇!仲有,"放學後到學校走走,你會有另一番體會",究竟呢句話又有啲乜嘢意思呢?
去年學校 IB成績未如理想,大家都有啲失望!街外人更加多冷嘲熱諷!對我來講公開試成績唔係最重要,但係今年嘅成績咁好確實係令到我哋好開心!原因係佢哋終於可以證明到俾其他人睇 Cky 呢種教學理念其實真係 work 嘅!劉校長對教學真係充滿熱誠,而唔係一個 marketer!
要踩一間學校其實有幾難,但係我覺得對學校嘅師生同家長都好唔公平!今年考 IB嘅一班學生,佢地其實背負咗好大嘅壓力,不過最後佢地都幫學校爭番一口氣! |
|