第一次中文考試合格，仲要超出左我期望。

rean_chau

一直以來阿仔中文都好差，屬於遲起步果種，第一次測驗二十分，第跟住測驗考試都係三四十分，常識因為多生字都成日唔合格，對於初小黎講，真係好低分。曾經沮喪過失望過，但好彩無放棄到。每晚花係認字閱讀既時間都好長，對每一次默書都好仔細咁温，人地幾日搞掂，我地就晚晚keep住認讀寫，反轉本書咁滯黎温。雖然無好正式咁做評估，但我知佢學習能力係無人地咁好，所以我惟有死馬當活馬醫。

今個星期派卷，連連驚喜，中文竟然有七十幾分，我原來估佢合格都收貨，常識有九十幾分(多謝呢度有個媽咪分享，我預早抽曬成本書既生詞出來認讀)英數就保持八十分以上水平。連老師都打比我讚佢，話佢進步左好多，佢都好開心。我聽完差啲標眼淚，因為過程壓力好大，佢同我都付出好多，唔係想催逼佢，而係驚佢自信心低落無左學習動機。

宜家好開心，真係好開心。黎緊暑假，要好好準備下學年既野，唔駛開學先黎瘋狂式追趕。

NatalieBaby

camomile00

多謝大家分享！
如果我想幫個仔升小一呢個暑假執好D中文，點做最有效？拎佢小一D書黎學定嗎？佢黎緊間小學除左英文科，全部都係中文的。我預左佢初初數學，連睇題目都唔識。。。。佢鍾意睇書，但只會拎英文書睇。英文書，佢睇緊chapter books，但中文書，我諗佢只有青田我會讀系列橙色果set o既程度。。。。

MASAYA

little_yolky 發表於 14-6-24 11:12
你哋學校有無網上閱讀理解做? 例如：快樂閱讀花園。我朋友介紹咗個方法好好。因為芭蕾舞所有小朋友都係長頭 ...

我大女都會0係吹頭個陣拎d書睇 (有時會畫畫，有時砌lego，總之唔會畀自己悶)，話係吹頭書，細女又有樣學樣拎本書坐隔離等吹頭

little_yolky

貓太太 發表於 14-6-24 09:01
我也想分享下。我女兒小一,她也是英強中弱,雖然我在上年升小一的暑假已開始執中文科,但開學後發現還是相差 ...

大家就好啦, 小朋友英文咁好, 我阿女小一, 仲係睇緊一頁一兩行果啲咋。中文已經睇緊全部字既書, 英文有咩辦法學番好呀?好彩佢學校英文又鬼咁淺。

我係咁爬文, 今個暑假打算叫佢每日睇一小時英文書, 又聽30分鐘audio book。但係咪好辛苦呢, 因為仲要睇一小時中文書同寫作。定索性聽一小時audio book好啲呢? 有咩好方法? 我自己英文唔好, 剩係識教中文, 連邊本英文書啱佢睇都決定唔到。

natnatbaby

原帖由 little_yolky 於 14-06-24 發表
你哋學校有無網上閱讀理解做? 例如：快樂閱讀花園。我朋友介紹咗個方法好好。因為芭蕾舞所有小朋友都係長頭 ...

我囡學校做閱讀階梯，但囡亂估亂做多，未看清楚又同貪快。我覺得做纸張練習效果比較好，因可教她圈出重要字句，寫段号等。

vincat

回覆 rean_chau 的帖子

可唔可以具體教下我點溫, 我地同阿女都追得好辛苦, 我地未教的都溫埋, 但都只係有3x分..........

rean_chau

貓太太 發表於 14-6-24 09:01
我也想分享下。我女兒小一,她也是英強中弱,雖然我在上年升小一的暑假已開始執中文科,但開學後發現還是相差 ...

成績好好喎...其實最重要係見到進步!!!

little_yolky

Jessy 發表於 14-6-24 12:23
哈哈哈, 咁都比你地諗到, 我係咪要幫個囝留長髮呢? 佢依家咁短唔駛吹喎!!! ...

我哋班芭蕾舞家長, 等阿囡落堂無嘢做, 咪八下呢啲囉。

Jessy

little_yolky 發表於 14-6-24 11:12
你哋學校有無網上閱讀理解做? 例如：快樂閱讀花園。我朋友介紹咗個方法好好。因為芭蕾舞所有小朋友都係長頭 ...

哈哈哈, 咁都比你地諗到, 我係咪要幫個囝留長髮呢? 佢依家咁短唔駛吹喎!!!

little_yolky

natnatbaby 發表於 14-6-24 09:53
恭喜！！努力就是出路。堅持的心態也很重要因素。囡囡小四，中文閱讀仍是6字尾。今個暑期要再努力，希望上 ...

你哋學校有無網上閱讀理解做? 例如：快樂閱讀花園。我朋友介紹咗個方法好好。因為芭蕾舞所有小朋友都係長頭髮, 要吹頭, 咁佢就開部電腦, 一邊吹頭, 一邊叫囡囡做, 日日吹頭都可以做到一兩篇。真係very good。我雖然唔係做花園, 但就放啲書, 一邊吹頭佢一邊睇好蘋果, 真係好好利用到時間, 以前吹頭佢哋只係發夢。

natnatbaby

原帖由 貓太太 於 14-06-24 發表
另有樣更想分享,我細仔中二,他有讀障,小一二時學中英文非常困難,尤其中文,学每個字都是用眼淚堆出來的。默 ...

恭喜！！努力就是出路。堅持的心態也很重要因素。囡囡小四，中文閱讀仍是6字尾。今個暑期要再努力，希望上到7字尾可惜她知道要努力，卻仍改不到賴散和貪玩性格。

貓太太

另有樣更想分享,我細仔中二,他有讀障,小一二時學中英文非常困難,尤其中文,学每個字都是用眼淚堆出來的。默書日日温。温兩個星期都會捧蛋。幸好他性格樂天和勤力。我和他一起努力。五年班時默書已可放手自已温有七八十分。中文卷有八十幾分。入band two 中 的中學。上左中学。中文仲難,怎麽深層意義。我吾識教。請個中文補習老師帮佢。佢之前一向中文肥佬全級倒数二十。今次竞然有78.5全班第一,全級起碼有中上了。補習老師讚他肯努力又聽教。我眼濕濕好安慰

貓太太

我也想分享下。我女兒小一,她也是英強中弱,雖然我在上年升小一的暑假已開始執中文科,但開學後發現還是相差很遠。佢間小学原来中英都深,她讀的幼稚園是教英文数。小學教中文數,開始時連應用題理解都有問題。要急起直追。追得好辛苦呀，。上次中文63,今次在病中苦戰,竟然有87,我和亞女都好開心,老師都讚她進步了很多。常識也有95,有了成功感,現在不抗拒看中文書和做中文練習了。這個暑期要好好利用打好個底。

little_yolky

rean_chau 發表於 14-6-22 10:29
我個仔都係學英文早過中文，到k3我自己仲諗住佢上左小學自然會識所以無特別同佢搞中文，點知一上小學即傾瀉 ...

連老師都忍唔住打電話俾你, 我諗老師都好好好開心。

Kaw0307

ferrari2007

恭喜
一分耕耘一分收穫

howruhk

加油啊！！！！！

甘恩

恭喜呀！如果係我，我會狂嘴囝囝。哈哈！

rean_chau

原帖由 camomile00 於 14-06-22 發表
多謝分享！
我仔九月升小一。佢中文都係好差，正正因為佢中文唔好，所以我專登揀間中文小學比佢。我都預左 ...

我個仔都係學英文早過中文，到k3我自己仲諗住佢上左小學自然會識所以無特別同佢搞中文，點知一上小學即傾瀉，先發原來中文係咁難學，咁多字要識。不過我囝本身有輕微學習問題，所以難度高左。如果你揀左中文學校，呢個暑假就要幫佢做下功夫先，儲多啲中文詞語。