暑假何須太充實 hea過又如何

小時了了

暑假何須太充實 hea過又如何
撰文:沈帥青
欄名:港是港非
報紙: 香港經濟日報
日期: 2014年6月20日
http://www.hket.com/eti/article/ ... 197277?ref=facebook


暑假將至，家長比孩子還緊張，忙於盤算將子女不用上學的時間排得密麻麻。不過，誰說暑假過得充實才是好？家長怕孩子太hea是荒廢光陰，但閒着無事，也可以是成長一部分。

33%家長 擬安排3至4項活動

學校暑假悠悠長，兩個月假期，孩子未必有得hea。上月便有調查指，本港小學生家長就孩子的暑假安排早有打算，33%受訪家長擬為子女報讀3至4個暑期活動，平均預算金額近5,000元，約25%家長準備花費逾8,000元為子女報暑期班。調查機構又指，有6歲小女孩平常已經參加6項課外活動，在暑假其家長準備為她多報3項暑期活動，令小女孩有吃不消的感覺。

暑假本來應該讓孩子放假唞一唞，但現代父母有時間有金錢，對子女的暑假變得緊張，惟恐子女太hea等如白過了假期，忙於替其報讀各類活動，各大社區中心及興趣班的暑假課程，「手快有手慢無」，孩子一個暑假上5、6個興趣班是等閒事，暑假隨時忙過返學。

暑假是否一定要過得充實？美國兒童聯盟創辦人阿爾蒙（Joan Almon）曾於《紐約時報》撰文，稱小孩子的暑假都充斥着各種大人安排的活動，就算是夏令營的行程，也全由大人策劃，情況令人不樂見。

提升創意 「空白暑假」惹熱議

近日也有一篇網誌《2014，孩子的空白暑假》在網上有不少分享，撰文者是台灣師範大學的講師，本身也是母親，她指周遭不少人建議她，要為兒子安排緊湊又忙碌的暑假，如兩個月都去補習、參加英文夏令營等，但她卻決定，給孩子一個不補習、不參加課外活動的暑假。

她提到，孩子是要一個「空白的暑假」，空白不是甚麼都不做，而是讓孩子可以做自己的事。

不少專家曾談及「留白」的好處，她引述日本腦科學家茂木健一郎在其著作《感動腦》的說法，給孩子一些空白時間，才能激發內心的創造力。

若人無時無刻只想着讀書、工作，腦內滿是煩惱，就算面前有美好事物，也不會有情感觸動。不少好的想法，都是因為心裏有空白才可以產生。

其實，不少家長要花費大量金錢、心力為孩子安排活動，是怕孩子無事可做，認為是愛錫表現，又擔心暑假這麼長時間，孩子會把所學知識忘掉大半，令學業退步，故此在暑假期間補習、多上興趣班，讓孩子一直繼續學習。

不過《The Over-Scheduled Child》作者、美國學者羅森菲爾德（Alvin Rosenfeld）就曾指，給孩子保留足夠的空白時間，反而令他們有空間及機會找到及發展個人興趣。

「輕鬆看書 效果如上學習班」

閒著無事的時間，也是成長的一部分。悠長假期太hea，確實會令學童把部分所學到的知識「交回」給老師，即是被稱為暑假學習流失（Summer Learning Loss）現象，研究指學生在暑假後的數學水平，平均倒退兩個月，但要減少學習流失，卻不一定要填滿時間表。

美國田納西大學便有研究指，孩子若在暑假期間看12本書，效果已等同參加暑假學習班，若然如此的話，在暑假多帶孩子到圖書館，讓他們看自己有興趣的書本，豈不更好嗎？

現今孩子自由玩樂時間已較過往年代的小孩少得多。成年人整年忙於工作，也要放大假休息、去旅行充電，更何況是年幼孩子？讓小小的腦袋，多一點留白空間吧。

dabi34

現今孩子自由玩樂時間已較過往年代的小孩少得多。成年人整年忙於工作，也要放大假休息、去旅行充電，更何況是年幼孩子？讓小小的腦袋，多一點留白空間吧。

hadwinboy

原帖由 little_yolky 於 14-06-23 發表
無時間表, 佢可以同你畫畫畫足一個暑假。

哈哈! 原來如此

little_yolky

hadwinboy 發表於 14-6-23 15:01
暑假都要有時間表做人

無時間表, 佢可以同你畫畫畫足一個暑假。

hadwinboy

原帖由 little_yolky 於 14-06-23 發表
7:00-7:30      起床、梳洗
7:30-8:00      吃早餐
8:00-9:00      看中文書

暑假都要有時間表做人

little_yolky

hadwinboy 發表於 14-6-21 22:50
我個仔的情況差不多。上星期考完試只返了兩日學，有一曰水運會，另外兩天一早起身佢已經問我他有什麼可做。 ...

7:00-7:30      起床、梳洗
7:30-8:00      吃早餐
8:00-9:00      看中文書
9:00-10:00    練琴
10:00-11:00  看英文書
11:00-12:00  寫作練習
12:00-12:30  吃午飯
12:30-1:00    break
1:00-2:00      做練習/暑期作業
2:00-6:00      自由活動 (畫畫/圖工/拉筋/練功架/玩玩具/發夢......等等)
6:00-6:30      吃晚飯
6:30-7:00      TV
7:00-8:00      英文audio book / 普通話電視
8:00-9:00      沖涼/刷牙
9:00-9:30      故事時間
9:30              睡覺
以上係囡囡暑假time table, 囡囡話：點解free time咁少既？

cherrieshum

我覺得充實很重要，子女有寄託，我又可以鬆一鬆! 所以已一早安排了暑假活動! 惟一缺點就是用很多錢，兩個小孩差不多花費一萬元

hadwinboy

原帖由 iluvchun 於 14-06-21 發表
我囡係獨女，成日叫悶，親戚又住得遠，所以暑假安排了一星期五日興趣班和英文班，有些日子要一日走兩場。報 ...

我個仔的情況差不多。上星期考完試只返了兩日學，有一曰水運會，另外兩天一早起身佢已經問我他有什麼可做。如果唔出去上暑期班，一日12小時清醒，練兩個樂器、看書、看電視、打機、做家務、吃飯如廁等等，都排不滿，真係會悶，也可能是男仔関係，點都要出外走走！問他停一樣興趣班好唔好，他即反對話，我已經冇乜嘢學了! 所以多定少，看孩子意願啦，好難一蓋而論。

iluvchun

我囡係獨女，成日叫悶，親戚又住得遠，所以暑假安排了一星期五日興趣班和英文班，有些日子要一日走兩場。報名前要考慮地點、學費和時間，其實家長都好難控制

S-Kwok

原帖由 wwsugar 於 14-06-21 發表
我係全職媽咪，打算幫他約多點play dates 又玩又學！唔係就好寂寞。

我都係全職媽媽，打算同小朋友周圍玩

S-Kwok

原帖由 王家爸爸 於 14-06-21 發表
也可以考慮去社區中心做義工，過一個有意義的暑假。

屋企樓下嘅義工咁比6歲嘅小朋友，我都想帶小朋友做義工，有冇好介紹?

王家爸爸

Olympian 發表於 14-6-21 16:11
讚成，係留白，唔係空白。

也可以考慮去社區中心做義工，過一個有意義的暑假。

wwsugar

我係全職媽咪，打算幫他約多點play dates 又玩又學！唔係就好寂寞。

Olympian

讚成，係留白，唔係空白。

zeno1213

細路係屋企一定悶爆左, 番社區中心或去暑期托管, 一定開心過係屋企HEA, 佢地可以同朋友仔玩, 我地番工既又放心, 又唔洗搵老人家睇自己個仔, 老人家悶時阿仔仲悶, 點解要係屋企HEA, 搵邊個同佢HEA?? 我仔去開托管, 都好開心..!!

小時了了

irischowys 發表於 14-6-20 23:16
上年暑假，我教個女補爛衫，縫補鈕扣， 去超級市場一起買餸煮飯，佢好開心。 今年考試後，我教佢整啫喱，踩 ...

呢個帖應改為：集思廣益如何放暑假？








您的"實用的東西"都好好，您令我想起以前我上司有帶佢初中嘅仔到區域法院旁聽，等小朋友見識真實法庭的案例，例如店舖盜竊，亂過馬路，海關充公貨物等輕微罪案，等佢地警惕下要做好市民。我要問問小學生可否入法庭旁聽先，我都想帶阿囡去區域法院聽下，學下野，見識下。

irischowys

上年暑假，我教個女補爛衫，縫補鈕扣， 去超級市場一起買餸煮飯，佢好開心。 今年考試後，我教佢整啫喱，踩單車，現在學緊彈frozen啲歌，佢想自彈自唱。 我很喜歡在暑假學些實用的東西，如今年會教佢去邊度交水電費，在銀行怎存款及提款，開GmaiI比佢，煮公仔麫等......

Jane1983

回覆 小時了了 的帖子

讀吓好，背就睇佢興趣，鍾意又無妨。
但看中英文書，就希望日日都做到。

小時了了

Jane1983 發表於 14-6-20 15:11
我想小朋友過暑假過得開心，太hea會悶，太多嘢會辛苦。而家度來度去，又要就外出旅行，又要就番上開請假無 ...

"正經野", 我目標希望阿囡同我一齊可以完成背誦我選擇範圍的 "三字經"及其白話文解釋 (唔背誦全部, 太多了, 係我能力不隸 )(之前農曆新年及復活節兩個長假期才開始背)

little_yolky

mimi1102 發表於 14-6-20 13:16
我自己細個時, 就係過著空白暑假, 但係回憶中, 空白暑假係超悶的, 被迫睇唔想睇的卡通片, 咁啱隔離有憐居同 ...

我哋細個得個半月暑假, 唔知點解依家暑假咁鬼長做乜。

我細時的個半月, 首先用兩個禮拜做晒暑期作業(當然一邊hea一邊做), 然後執舊書去丟, 再包新書(用包書膠, 唔係好似依家用書套), 跟住, 用兩個禮拜讀晒新學年所有課程, 餘下個零禮拜就準備新學期既嘢, 好充實。