狂踩間學校，最後竟求位……

siufung

朋友事先狂踩小女間學校，話冇愛心、死板、英文差、師生比例多、太舊。唔使考必收都不去讀……
原來佢小朋友k1考左(今年9月K1)，考果時填識咩人讀緊填左我(我唔知)，而家waiting問我點寫求位信……
比你幫不幫？？

cwmicmic

Thanks.  你同囡囡都好好享受最後一年幼稚園生活。最後party day, 好感觸，我唔捨得。

Amymichelle

cwmicmic 發表於 14-7-4 14:36
KV咁多班, 個個親自接送的家長都同老師傾得埋, 如果下下美言2句就可以薦到人入, 就唔會咁多人爭啦, 有D同學 ...

Totally Agree with u!阿女黎緊將會升K3喇!KV師資真係好好!祝妳囝囝有一個愉快嘅小學生活!

cwmicmic

KV咁多班, 個個親自接送的家長都同老師傾得埋, 如果下下美言2句就可以薦到人入, 就唔會咁多人爭啦, 有D同學仔既細佬妹都唔收呀, 你朋友唔好咁天真啦.
我個仔今年畢業喇, KV真係一間好學校, 不過要英普的就唔好諗了.
好認同KV學生大大部分都教得好自律, 放學會自動自覺做功課, 老師好好, 我仔好鍾意, 至於谷唔谷, 我就覺得個小朋友慣咗每星期中英數都要做記憶遊戲(即係默書), 每日中英數都有功課(坐定定半個鐘一定做得晒), 久而久之, 佢哋只會覺得係自己責任嚟. 唔會同你呻多功課架.

bbqyou

人渣一名，俾我實唔幫

Amymichelle

回覆 siufung 的帖子

9月開左學實有一兩個位放出黎嘅,但輪唔輪到妳朋友就唔知喇!

siufung

原帖由 rbg2011 於 14-06-28 發表
幫下手寫信

我電話內幫了她喇……主要講番學校老師的教學方法和小朋友的得益及成果，以表示佢了解及景仰學校……其實佢唔係話唔識寫，因為已寫過幾封了，只係可能冇新input……

Bigtaoc123

原帖由 siufung 於 14-06-18 發表
朋友事先狂踩小女間學校，話冇愛心、死板、英文差、師生比例多、太舊。唔使考必收都不去讀……
原來佢小朋 ...

連信都唔識寫, 咁妳要幫下佢啦 !

siufung

但最後自己又報，好樣衰wor…………

ronlui

好多謝你嘅分享呀，了解左KV多好多

siufung

原帖由 ronlui 於 14-06-21 發表
其實大部份名幼都係會有商業味架喇！除左KV是比較特別的！所以迦南開始想擠身名幼路線，傾向商業化亦不出奇 ...

千祈唔好講請教，大家互相分享下集思廣益……
迦南其實我都好滿意，老師有愛心，課程又充實。我唔敢講Kv會好過迦南，只能講會比較适合小女。小女係超活潑好動型冇時停，迦南明顯食佢唔住，雖然PN一年老師都冇話投訴過佢，但我唔見得佢自律方面有大長進，可能係仲細啦，亦有可能係迦南自由度對於佢大左d。
喺未入讀Kv之前只能從口碑得到資料，其實眾說紛紜，但我好欣賞Kv有目有睹嘅教學形象，欣賞佢零商業味。個人認為一所有心教育的机構先決條件係不斂財。係金錢利益並唔放首要(當然都要賺錢，只係唔首要於賺錢，而係教育)嘅前提，學校先更有心著力培育學生。
kv十年多冇加學費，舊年先加(我女k1開始)，雖然一加加30%+比好多人抨擊，但咁耐冇加，加幅咁大先$3200，相信仍然係全九龍塘非學券中最平學費嘅幼稚園。加左之後仲要係有改革，引入左Net同埋phonics，除學費外每年明碼實价交一次書簿費之後就$0雜費，我覺得好務實均真。
Kv老師真係好有辦法教好小朋友，尤其紀律方面。我女係冇咩禮貌教極唔聽嘅人，好神奇返Kv半個學期佢真係自律有禮左。老師每日要每個小朋友同老師打招呼，聲線、語調、態度日日同你執，執一輪就改善左……最令人驚喜老師係"教"唔係"洗腦"，小朋友係心悅誠服地受教。好似做功課，老師教到佢地明白呢樣係學生責任義務，同埋係一件開心成功嘅事，所以Kv小朋友好多都能自動自覺做功課。
學術方面，講真我絕不認為好谷，相比好多其他幼稚園，Kv功課唔算多，課程內容亦唔係特別進取。令家長稱善嘅係，學校教嘅野小朋友真係會識，就算好似我咁懶以來冇同佢溫習，佢地課堂學左嘅野都根深蒂固，識應用番出黎。坊間好多學校課程進取到不得了，K1教十種八種恐龍英文學名，標榜深奧，但其實學校比個syllabus家長，咪又係要家長番到屋企自己跟番曬……
Kv係喺學校教左，就係學生學識左，呢下我好佩服……
英文其實一d都唔差，係比起有英普班的學校缺少左個語境，舊年開始引入Net，一星期先2次x40分鐘，聊勝於無。但撇開oral聽講方面，閱解同書寫能力絕不遜色。出面學英文比起出面學中數幾時都易好多，所以家長自行搞店應該難度不大……
另外我亦想講，Kv老師冰冷嚴肅係訛傳而已，我每日自行接送，睇得好清楚，老師超有愛心，我女個班主任成日攬住佢，又坐佢大脾一齊傾密偈。老師同時又做到恩威並重，适當時候嚴厲，教到小朋友對佢地又尊敬又喜愛……
仲有，有個好多人認為係缺點嘅，對於我反而係好處，就係好少大project，我好怕經常要我做親子作品，人人整到鬼火咁靚，講真小朋友參予得好少，反而令家長攪盡腦汁……
最後我想講嘅係，我相信所有學校都係有心培育小朋友嘅，其實間間學校都有其優劣之處，家長唯有取長補短……條條大路通羅馬，好好善用學校資源同環境，講邊間都差唔多架啫……
共勉之……

ronlui

其實大部份名幼都係會有商業味架喇！除左KV是比較特別的！所以迦南開始想擠身名幼路線，傾向商業化亦不出奇！
想請教你轉讀了KV ，又是否覺得真係比迦南更好呢？
KV 就出名令小朋友自律性高，同埋中，數很強！其實成日聽人講KV 英文唔夠強，係因為本地老師教，唔係NET 啫！我覺得其實佢英文都會高過普通幼稚園嘅水平，又唔可以話差囉！
我自己就覺得迦南兩文三語會平均D！而小朋友品德方面都教得好好！

siufung

原帖由 ronlui 於 14-06-19 發表
見到有家長講昨日KV 又再call waiting 喎！如果仍然係冇份，就叫她算了吧！應該已call 到尾聲了！學位名額 ...

佢仍未有call，可能知我舊年7月6日先收call，所以仍抱一線希望，想盡地一煲卦……

siufung

迦南我幾滿意架，講真有d唔捨得……課程充實、老師都好好……聞說想用5年時間趕上LH，想擠身做一線……
不過，希望你唔好介意，個人意見，集團式經營，開始有d商業味……但教學質素仍然是很好的！

siufung

原帖由 ronlui 於 14-06-19 發表
迦南金巴倫總校好D架咩？我住東九龍區，現讀麗港城分校，PN一年都好滿意！只不過如考到更加好的學校，梗係 ...

迦南窩打老K1開始只有全日班，$6K一個月
加埋校車雜費$7K+，頂不順……
所以轉去金巴倫總校……
但過程超痛苦……
申請緊(未批)原校唔比留位……到6月屬總校仍然話冇位比我(我已經有人識園長幫手)……
當時好徬徨，唯有註冊聖三一。後來多次揾校長，7月頭終於話有位比我……當時剛好Kv候補有位，即推左迦南。
佢咁遲先比位我都好嘅，慳番d註冊書薄費……

siufung

原帖由 ronlui 於 14-06-19 發表
迦南金巴倫總校好D架咩？我住東九龍區，現讀麗港城分校，PN一年都好滿意！只不過如考到更加好的學校，梗係 ...

我朋友個女讀藍田啟思……
佢嫌太happy……

ronlui

見到有家長講昨日KV 又再call waiting 喎！如果仍然係冇份，就叫她算了吧！應該已call 到尾聲了！學位名額已滿，寫信都沒用啦！