急問︰地利亞 VS 基真

yuiyui82

本人是2名小孩家長，現就讀地利亞小學，我很喜歡呢間學校教學模式，學校可以令到一年級小孩明白到學業係自己，小朋友每天回家功課量唔多，學習氣氛超濃厚，唔好諗住可以同小朋友溫書，因為係冇可能，英文超級深，測驗考試冇範圍，所以家長幫唔到手.唔好諗住補習，因為坊間練習同補習幫唔到，學校英文考gramma,但係唔係填充題，係要全句寫！英文冇教科書，因為全部用外國故事書，
中文由3年級開始作文要160字，英文要畫圖加作故事。
本人亦好喜歡老師因為每日放學都可以同老師傾訴，唔似一d津校咁見到家長當睇唔到同小朋友有問題係家長責任。
升中方便，因為大部分學生都一口流利英語所以itv.時有優勢，好多地小升中都派band1,頭3志願，當然要睇返小朋友成績及選中學問題
南亞裔小朋友好多家庭都好有錢，佢地家教好嚴，亦有好多外籍，日本人，韓國人，係聯合國。
學校對於跟唔上既學生亦會留校幫小朋友溫習
試過有一個家長向老師講小朋友成日遲起身，於是老師叫個位學生做小老師日日早半小時幫低年級學生，之後那位小朋友就好開心冇再遲到
因本人路經亦是家長見到好多唔係地小家長抱住有色眼鏡所以感不平於是留言（不喜勿插）
最後想同大家講地小都好難入，宜家愈來愈多人知佢係好，好多人報名

love_kari

polly.pocket 發表於 15-1-9 14:40
其實tsl。lmc都好多南亞裔學生。我覺得南亞裔小朋友都比較純真。老實講我怕大陸人多過南亞裔人。我反正無見 ...

同意，我都覺得南亞小朋友比大陸小朋友乖喎！以我所知地小冇教淺中文，有分不同程度，高程度同本地小學係一樣

polly.pocket

其實tsl。lmc都好多南亞裔學生。我覺得南亞裔小朋友都比較純真。老實講我怕大陸人多過南亞裔人。我反正無見過南亞裔大人細佬街大小便。大陸人大人細佬經常見到周街方便。even厠所係前面。超詭異。

小圓圓

請問地利亞(閩僑)英小(青衣)好嗎? 有興趣9月插班, 希望熟此校的家長指教.

newcomer550

回覆 gogogo2 的帖子

法文是給非語學生讀的, 華語學生要讀普通話.

gogogo2

地小好似有法文學的, 如果你認為學習知識係小朋友既責任, 你問小朋友想不想學多一種外語, 如果你覺得學習知識係父母既責任, 你咁怕英文就無謂要小朋友去讀.

利申: 我係地幼家長, 南亞小朋友有些是很可愛的.

jojoplanet

60後爸爸 發表於 14-6-19 14:35
很多人話最煩選小學，果然無錯。

中學可以由小朋友自己去選，萬一選錯小學，真怕佢一世埋怨。

這個年代就係咁，以前無得選擇大部份人讀津校只有好少部份人讀私校。。再加上有直資，出生率低好多家長資源好Ｄ多點選擇。。。有選擇就多煩惱。

vestzs

明白樓主一心對孩子好，但戴有色眼鏡睇任何野都係會有色慨，以樓主對英文慨重視，區內派B1中學超過50%慨幾間津校都無一間合乎到佢要求，樓主應該都係只叩直資同私校吧？

jojoplanet

60後爸爸 發表於 14-6-18 11:39
對！除你說2間學校，還有聖瑪加利，我不明白，這些學校也有很多南亞、印巴等學生。

點解很多人搶住入？地 ...

選學校係要要平衡小朋友能力.性格,父母資源同期望.唔會有一間所謂最好最適合所有小朋友的. 我身邊好多個案因為選錯咗結果受害的是小朋友. 讀名校的但讀唔上無晒自信, 讀國際學校的搞到好懶散. 無論你選那一間都有它們的不足的地方的話坊間總有些課程可以補救問題只係”錢”同”時間”. 好似我自己咁由KG我選間開心既KG比個仔目的當然想佢每日快快樂樂咁返學, 而到K3時我就比佢出面學野打定底上小學. 呢D我就要付出額外既金錢同時間. 如果你現在肯定無錢比佢去外國讀比著我我會選基真, 同時比佢出去補英文. 因為個人認為考DSE同到佢地出來做事中文程度好重要. 所以應該讀傳統學校. 雖然地利可能都有中文學但係程度到佢地讀返傳統中學一定唔夠. 不過如果你決定讀地利唯有就一路比佢係出面讀中文.但你要睇佢地中學派位好唔好. 唔好的話你要預入直資或私校. 但係都尾都係要睇中文程度, 全科科好中文唔得DSE衰咗考唔到大學又無錢去外國讀咪又係搞著個小朋友.

RUVSY

基真事件雖是個別事件，但我覺得學校的處理手法很有問題

RUVSY

識得一個人以前讀地小，之後入了b1英中，現在出來工作，他話以前的英文對他工作很有幫助。眼見現在很多人都有degree /master ,但能做到高級的只有能講流利英語的人，陳守仁/林文燦一樣有很多印巴同學，但就很多人想入。