動物衫，節日服，民族服是必須嗎？

helenmail421

實在好有壓力，每到咩節咩表演，都要家長準備服裝，中國衫/草裙/到今次動物衫，每次都要花錢花心思為小孩預備，擔心小孩會被比下去，唔開心。但今次實在唔想為上台一陣，就買件無法再著的動物衫，請學校幫手轉第二款現有的出街衫代替，佢都話唔得，我大熱天時，抽時間行咗幾轉花園街都揾唔到合心水的衫，你而家用小孩會因為人人有動物衫佢無，小孩會唔開心來大我，我好嬲！

申完。

^GGmami^

但其實見到小朋友好比心機練歌, 好努力準備個表演, 我覺得好開心


  講真, 我好慶幸個女入咗間透明度咁高嘅學校, 每搞一次呢d表演, 老師都準備好多野, 我好欣賞佢地嘅熱誠

torunpoland

我兒學校可讓孩子穿或不穿。而我亦從來不會因此購買不能平時穿著的衣服。有，小朋友開心，又學到。冇，小朋友一樣開心，一樣學到。

fabsum

其實我覺得本意是好的 ,你令我想起上幾個禮拜前無意之中同阿女睇不知是pearl or world 的educational 英文卡通講萬勝節 , 小朋友一個扮演spider , 一個扮batman and pumpkin 之類 ,

跟首個卡通老師就逐樣講spider 係咩, cobwed 係咩 … 阿女就係到問問問!

遊戲中學習的教法 其實永遠快靚正!

但忙碌的都市人可能就會覺得吾環保 , 浪費時間及金錢搵衫等等

凡事有好有吾好 , 看好的一面law

poodlema

去淘啦, 乜都有, 我覺得小朋友扮得幾開心架喎, 係父母就煩D

JeanTUNG

我哋好可能係同一集團的幼稚園。上星期係文俗服，用他現有的衣服：穿牛仔褲及格子衫加帽做牛仔。二星期後扮鳥或parrot, 我係淘寶買動物服只須$75元。其實可以留起來與朋友的子女交換用，可環保及省💰

miumiu611

To be fair, school also suggest those who hardly find the costume to wear same color tone , if elephant, you can wear grey outfit. It is a drama show not a party..it would be better to follow the color tone.

小曳人

我細仔今日係party wear / sportswear / 中國服
我又覺得有教育意義

我係一個好hea嘅媽媽，我唔會因為小朋友會唔開心，而做d自己唔認同嘅嘢，我仔今日被編排穿sportswear，我諗過如泳衣，柔道衫之類，但諗起都熱，所以著咗學校PE衫！
其實，真係唔駛咁緊張！點解一定要俾小朋友"人有我有"呢？可以俾到幾時？ 我小朋友好慘，經常"人有我無"！但呢d就係我家長大嘅小朋友要經歷嘅嘢~
我認係一個唔太合作嘅家長

lewisfung

我本人就幾鐘意玩吓呢d活動，小朋友真的會非常投入這些活動，而且可以俾多些幻想同創作空間給他們，好似你扮獅子時你會點扮呀？等佢地去諗個過程都可以學到D嘢。
另外套衫你可以用係好多情況，好似我個仔咁，生日會時咪攪cosplay party,萬聖節又可以攞嚟玩，溜冰扮嘢比賽又用，喺屋企玩親子遊戲時又用，其實幾十元一套玩到咁多場合都幾扺玩。
最重要反而係家長願唔願意同小朋友安排。

vanessayan1107

原帖由 kkym 於 14-06-05 發表
我個囡又係扮象，你係唔係火炭區？

係呀，我女喺火炭區架

shing128

完全同意，我個女又是扮大🐘，waste $$ to buy ....

kkym

我個囡又係扮象，你係唔係火炭區？

bbcarrot

我個女啲特別服飾好多都是家姐或家姐同事比佢，佢小朋友著完再比我，既環保，小朋友有得著又開心
其實問下身邊啲有相近年紀的孩子的親戚朋友，可能佢哋都有衫揾人送，咁就唔使浪費

teambuilder

要玩要開當然要付出代價，當你睇番d相就會覺得值得！只要能夠令女兒開心，冇野係浪費架！

twllc

我囡果間都係可著可唔著，我覺得幾好，叫做試多d唔同野… 上次佢地扮廚師，我去石板街春園街睇，好貴（$250），後來上淘寶買平靚正，我女果日超興奮，係咁話好靚

後來睇番d相，佢果班得3個同學著左廚師服，其他都係便服

hoihoima

回覆 helenmail421 的帖子

我孩子幼稚園都有一日（係四年中有一日）要著動物衫。陶寶係平，幾十蚊套，但係我好怕多毛污糟，著完放係屋企又無用。我孩子都話著便服算，所以我無買。過咗一排我睇番學校當日影D相，又見到我孩子著咗套動物衫。可能係老師好體貼咁提供比D著便服的小朋友。

yubaba

monkitkit 發表於 14-6-5 11:24
我又幾鐘意呢d主題日，小朋友著下特別服飾返學，佢好開心。其實都係幼稚園呢幾年先有呢d機會，呢d童年回憶 ...

同意! 我自己在幼稚園的回憶大部分都是特別活動, 所以我都好珍惜個女學校的特別活動。可能在找服飾時有點煩, 又要花時間, 但想起個女開心同期待的樣子, 點都值得! 現在找服飾已經簡單, 將來要做PROJECT去找資料、影相、field trip仲煩, 但這就是學習的一部分!

dbchu

原帖由 monkitkit 於 14-06-05 發表
我又幾鐘意呢d主題日，小朋友著下特別服飾返學，佢好開心。其實都係幼稚園呢幾年先有呢d機會，呢d童年回憶 ...

Agree!!! 我都反而鐘意依啲活動，開心好多無咁悶，其實係咪一定要著曬成套？如果只係小小同主題有關服飾得唔得？例如動物頭cool之類.....

AJH

我反而覺得，如果我有能力有時間，咪盡量配合囉，呢個係出於家長自願性質，我個囡學校都有呢類，但不是compulsory. 至於小朋友想法就應該家長自己調教，不能總要人有我有嘛。唔通將來佢見同學有好多靚嘢，父母明明負擔唔到都要夾硬俾小朋友嚟令佢開心咩？