5級樂理 問題, 有冇JM可以比意見?

心雨

阿女小四, 下年要考6級鋼琴, 所以準備考10月的五級樂理.  係柏X琴行 單對單學左8堂了, 進度極慢, 老師說我個女好基本的都唔識, 所以教的好慢想她打好基礎, 但第7堂仍然先教第一本的3份之一都冇, 老師叫我唔好報考10月, 唔夠時間, 後來和鋼琴老師商量過, 一定要考10月, 唔係唔夠時間報6級琴, 最多係暑假加緊補堂學樂理.  第8堂柏X肯比我陪阿女一齊聽, 睇下問題出係邊度.  進去後, 老師檢查阿女功課時, 發現她兩題做錯左, 結果45分鐘的時間就講解了兩題再加唔夠5分鐘的高低音位置的音符, 期間老師幾次望表, 一到時間即停, 比左4條功課阿女, 我要求老師出多兩題頭先那兩題類似題目比阿女返去做, 老師答我下堂先就行左出去, 我諗住佢應該急住有學生接住教, 點知佢原來冇學生, 只不過同其他同事企係度傾計傾左好耐, 我吃完飯都仲見到係度傾緊.  甘得閒, 要求寫兩題功課比我個女都唔肯.  唉, 好煩, 到底係我個女有問題定係個個小朋友學都會遇到甘既困難呢? 甘學落去, 我好擔心唔知總要學多幾堂? 甘既老師我要轉嗎?  轉我又擔心見到面佢肯定黑面對我.  請問我要點先可以幫阿女學的快點, 阿女說學校冇咩教樂理的.一般學五級樂理要學幾堂? 請比意見, 謝謝!

EMMA.C

其實如果唔趕, 都無必要咁快考6級鋼琴, 打好個底先

EMMA.C

鋼琴老師無可能唔教樂理架喎, 我的學生個個未考五級已經識左好多,
樂理老師我都有介紹, 青苗有個阿sir超好, 無脾氣, 而又唔會令你覺得難!!

karbb1217

我指到六級以上又係要重頭學過，浪費老師心機同時間再教一次。
即食文化也只是求分數的手法。

karbb1217

音同拍子係基本一開頭就要識。
Grade 5 大致上要涉及到chord, keys, and intervals ... 呢啲係定要打好基礎就可以了。事實上，考樂理高分都唔等於明哂因為有方法去記同背；如果老師有教啲竅門！我有朋友學生五級考完，下堂問返佢考咗咩已經忘記得一乾二淨。
六級以上既aural係包括了五級樂理既知識，個啲一考完就忘記了，到齊級又係要重頭記過！速成法真係有用嘛？呢啲都係只求分數不求內容的學習！

ohmygosh

回覆 little_yolky 的帖子

'細個上音樂堂果啲豆豉、高低音譜號、拍子等等既嘢'也是音樂理論的初階，幫助學生認識音樂的元素（包括音高和節奏）和記譜手法。鋼琴老師給妳孩子課後做的練習，應該也是樂理那類；不過使用based on ABRSM theory exam syllabus的workbooks,就更能掌握孩子現在學習到哪個階段和make sure 全面涵蓋grades 1-5 的knowledge and skills. 如果學校音樂課程真的教授了上述的闊度和深度，而且一直以來也讓學生真正吸收和有充足的作業去練習（包括錯處有認真地改正），當然花幾個星期做做past paper便可以去考！

little_yolky

JustAParent 發表於 14-5-11 10:00
1. 不要再撞彩，找琴老師介紹，她自己不教，有責任幫你孩子找位好老師。
2. 自己不懂音樂，時間許可，和孩 ...

唔好意思, 請問各位, 考樂理係考啲乜? 係咪即係細個上音樂堂果啲豆豉、高低音譜號、拍子等等既嘢呀? 我囡囡响「劏你」學緊琴, 見佢老師有本練習要佢做, 係咪即係樂理? 仲要另外搵老師學架? 係咪呀? 如果學校有教, 係咪只買pass paper操就可以啦? 謝謝。

karbb1217

仲有學理點解個鋼琴老師唔教埋理？我全部都係自己教返，仲有無可能一堂分啲時間出黎上，一定要regular一個星期上一小時既樂理課！唔可以用彈琴時間學學理，講真頭1-3本基本唔駛一個月就KO了。

karbb1217

其實，點解要咁急去考六級？仲有，睇個樂理老師咁講，你小朋友本身個底都打得唔好。其實第一至三本只是一啲平時上樂器課有教的東西，要學只是四五級一啲進階既理論。講真，底好既12堂一定掂。

TPL

另我覺自己小朋友，對鋼琴老師都吾驚，老師叫交功課求其彈，本人應為因可能由4歲跟到十歲，所以小朋友都吾驚，漸漸就吾認真

TPL

多謝你地回覆，我已即停了樂理堂，再搵了一個轉教學理老師上門單對單，亦開門見山講明要十月考，問他做吾做到，亦對自己小朋友講明要認真學習，吾好浪費時間

organicfans

birdbird 發表於 14-5-11 13:36
以你囝的情況來看, 我會趁著暑假比佢去上小組, 然後報考10月的樂理試.
再拖, 盞個小朋友愈讀愈悶.

同意 !  如果只係想 pass 5 級樂理, 真係唔難架, 小組都係不錯選擇 (我當時私人教係因為就唔到時間上堂咋), 加埋狂做 past papers (+ 對 model answers) 係好有效架 !

birdbird

TPL 發表於 14-5-10 18:04
我個今年小四，起碼學左九個月，仍仲未知可以考試，自己鋼琴ms 都係講學得慢，做家長可以點，係吾係即該停 ...

以你囝的情況來看, 我會趁著暑假比佢去上小組, 然後報考10月的樂理試.
再拖, 盞個小朋友愈讀愈悶.

我曾跟幾個同學仔的家長討論過學5級樂理以什麼形式學係最 cost effective.普遍都認為跟自己的琴老師學的效益係最低.
(尤其係每次上鋼琴課撥部分時間出來教樂理)


一來, 琴老師雖教琴好, 但未必教得到學生應付考5級樂理試的技巧與竅門.
二來, 每個星期只是短短30分鐘的樂理, 真的到喉唔到肺.

反而, 比小朋友上小組班, 一堂1.5hr - 2hr,
有個專門鑽研 past paper 的老師教,
小朋友好似平時返學上堂咁,
放學之後肯做功課, 唔多唔少點都會吸收得到,
考試合格係冇大問題.

家長要幫的, 就係要督促小朋友做好功課,
叫小朋友 mark 低唔識做的功課, 然後上堂問老師.
而且, 家長要預備 past paper,
買埋 model answer, 小朋友做完對個答案之後, 仍然不明白, 就要問老師.

JustAParent

原帖由 心雨 於 14-05-10 發表
多謝各JM 的意見！睇來很多媽媽為左仔女都下功夫學埋一份，再幫他們一把。我自己樂理一點都唔識，要自己摸 ...

1. 不要再撞彩，找琴老師介紹，她自己不教，有責任幫你孩子找位好老師。
2. 自己不懂音樂，時間許可，和孩子一起學。父母不懂，年紀小的小朋友難學得好。
3. 皇家樂理考試已形式化到極點，要合格，根本不用全懂五級整個課程，和老師說清楚你目標只為合格，五個月準備有餘有剩。
4. 合格是一回事，懂又是另一回事。假設你想小朋友學好音樂，打好樂理基礎是必要的，莫說五級，其實八級也是十分基礎理論。我不了解你趕著下年考琴的原因，個人意見，應酬五級樂理合格後，還是找時間重修打穩基礎好 ... 情況就如駕駛學院的學生合格後再補鐘。

daisy17772

Children don't need to be very fluent on the subject, they only need to pass, right?

心雨

多謝各JM 的意見！睇來很多媽媽為左仔女都下功夫學埋一份，再幫他們一把。我自己樂理一點都唔識，要自己摸索再幫阿女，真有點困難⋯• 另一方面，我諗住轉老師或者轉去通x, 唔知通利老師會唔會好點， 睇怕又要撞彩了。

TPL

我個今年小四，起碼學左九個月，仍仲未知可以考試，自己鋼琴ms 都係講學得慢，做家長可以點，係吾係即該停左，然後去joint 樂理班,大家可否比啲意見