大家會唔會每日同小朋友溫習呢?

魚兒小寶貝

請問大家會唔會每日同小朋友溫習呢? 有時間嗎? 有需要嗎?

小時了了

魚兒小寶貝 發表於 14-5-6 20:38
請問大家會唔會每日同小朋友溫習呢? 有時間嗎? 有需要嗎?

只係我與小囡這三年來的小小經驗及體會, 不喜勿插 !.

小一:
食飯後, 每晚只用十數分鐘, 只是溫中文或英文默書(因為隔星期默), 其餘時間捉棋, 傾計, 睡前講故事. 考試前1-2星期才溫,

成績: 中文及英文默書 100 分, 但英文考試只是C(剛剛合格)及 D (不合格). 中文有A

母女關係: 非常甜蜜及良好.



小二:
食飯後, 每晚用大約 1至1.5小時做書局買的英文文法+英文閱讀補充練習+英文默書, 星期六下午用大約三小時溫英文, (內容同上) 因為幼稚園及小一英文底弱, 平日我無俾阿囡睇書,（因為我唔知亦唔識閱讀這方法，係小二下學期好後期才開始上EK先知閱讀對中文及英文語文嘅重要。）我用了小二整整一年時間去追回小二程度. 因為每日都溫, 都無分考試測驗溫習了.

成績: 中文及英文默書 100 分, 英文考試改善至 B, 但英文 listending & Oral 持續只有 C - D, 中文仍有A

母女關係: 尚好



小三(現在)
係 EK 睇到好多帖有關閱讀對中文及英文的重要, 我真係嘗試實踐, 每晚用大約 30 分鐘聽及睇英文 Audio 故事書, 之後要阿囡讀 Audio 故事書的幾段及每句翻譯中文. 每晚15-30分鐘寫作大約 30 - 50字的短英文. 考試及測驗前大約一個月才溫習書本及不斷重做學校工作紙

成績: 中文及英文默書 80-95分之間 (因為只是阿囡自己溫, 我沒有同佢溫了) 英文考試改善至 A 並入了精英組, 英文 listending & Oral 亦改善好多有 B, 中文仍有A

母女關係: 非常一般


我依家仍在摸索平衡學習與親子關係, 仍在苦海中浮沉

natnatbaby

我囡記性ok,但好心散。很難坐着多於十分鐘，不准她離位，她自己坐着發夢，自言自語，儍笑。我坐在對面又不停同我傾計，激死！！

978212

真係睇小朋友嘅資質，記憶力好唔需要日日温，考前一星期巳足够主要係常識。冇記性加心散嘅日日温都效果麻麻。

tingting_mum

我返到屋企只係會同囡囡玩下， 睇下電視， 睇下故事書
關於温書， 我有請補習老師， 平時keep 住同佢温， 所以我唔會返到屋企再同佢温， 同佢玩下傾下計好過啦

Honey

唔會，功課日日都7-8樣。

小一、二，會叫佢默書前兩日温默書再幫佢默一次，小三佢自己温，最多週末問佢嗰個星期有冇默書，有就温20分鐘。

其他時間做完功課就玩，津校小學冇幾深(私校唔知)，唔洗成日温。

考試前兩星期的週末就可以温習再做練習，阿仔keep到全級頭30名內，有時頭10名内，總之小四入到精英班我就滿意！

yanyan6

回覆 魚兒小寶貝 的帖子

我個仔有好多時間,
放學3點半同佢食野,跟住返上樓
睇電視,睇卡通片
跟住5時半做功課,佢平時O係學校都自己做左D,慢慢做埋都OK
跟住7時半食飯
食飯睇完孫悟空再做
再做一陣都做完就溫習

星期六日就成日溫習
6月要考試快到了才日日缺補充/再做多一次D作業
考完我就做完功課就算,同溫默書,沒有做其他了

bartsimpson0317

每日父母 補習。車輛轉。

yanyan6

我就做完功課,就溫一頁英文作業,即係功課老師改左薄,我就叫阿仔用張白紙做多一次出來, 一編中文閱讀理解,跟文章有D填充同MC做的,有時就做5頁數學補充,如下一天沒有默書,都是選其中兩樣做下,我叫係溫習啦

洋蔥頭媽咪

原帖由 魚兒小寶貝 於 14-05-12 發表
係呢，做完功課再溫書驚佢會冇心機，但又想佢養成溫習既習慣，我諗都係睇情況啦，可能我要佢針對弱項溫吧! ...

如果留心上堂又識做功課，我覺得無須要日日再重覆温，反而如果當天有唔識/唔明白地方，就須要花少許時間教番小朋友，不過如果那一科較習/底子較差，我會讚成專科補習，始終針對弱項黎教效果會較為理想。

魚兒小寶貝

洋蔥頭媽咪 發表於 14-5-11 01:25
唔會，返左全日學加做功課已經好疲累，放學做完哂野又再温足佢温習仲點會有心機（除了默書我仔會平日分開黎 ...

係呢，做完功課再溫書驚佢會冇心機，但又想佢養成溫習既習慣，我諗都係睇情況啦，可能我要佢針對弱項溫吧!

lololala

無架, 我嗰個日日一做完功課, 就係FREE PLAY同睇課外書時間架啦...

童年時, 玩對小朋友嚟講都好重要架, 返完成日學, 返到屋企做功課, 之後應該俾返D自由時間佢地抽離一吓.

洋蔥頭媽咪

唔會，返左全日學加做功課已經好疲累，放學做完哂野又再温足佢温習仲點會有心機（除了默書我仔會平日分開黎温），我只要求呀仔平日上堂要留心，自律做功課，有問題主動問，其實已經睇倒佢識唔識，平日餘下時間都係玩同睇書多，so far 佢成績亦唔錯，小三起測考佢都已經自己温。我覺得谷得太行未必係好事，小朋友好易失去學習動力同興趣，就算小學谷到，上到中學父母一放手就好易失守，所以培養良好學習態度先係最重要。

Mini-mummy

冇日日溫呀！
噢！晚晚溫，我會

sumyau1012

我無溫。我比較著重睇書同俾時間佢自己玩下。而我女一聽溫書就無晒心機，所以都係考試前溫。

tws2010

回覆 魚兒小寶貝 的帖子

住 得 近 學校,  其實 每晚keep 住 溫(include weekends),  效果 好好,   其實 都 不 是晚晚,  考 完 試 後before 另 一考  試 前,  集中 看 書, 考  試前 一 個 月 才晚晚溫, so far,  我 個 仔 都OK,  成 績 雖然不 是 最top,  但 都 見 得 人,  我 自 細 同 仔 仔 講  讀  書 是  他 的 責任,  正 如 返 工是我責任.   他 功 課  多ka,   但  他  算  做  得  快

魚兒小寶貝

回覆 tws2010 的帖子

仲可以8：45瞓，你同你小朋友都幾叻喎，屋企距離學校近嗎? 功課量如何? 咁星期六、日會溫習或做練習嗎? 其實點解唔一星期溫一次呢? 你認為相隔太久還是為了培養每日溫書既習慣呢? 謝謝!

哈利媽

之前冇溫呀, 不過對上一次測驗平均分得8X, 所以決定大考前要開始溫吓啦....

aeiou_drm

平日唔會同小朋友溫習， 因爲做功課都已經好忙， 而且仲要每日練樂器。  weekend 就會快溫一次。