大仔讀民小，細佬點選擇？

ckgoody

大仔讀民小三年班，細佬今年好好彩同時有民生(英粵am)和培正(am)既offer, 而家想問下大家既意見，特別係之前有類似情況既家長，請你地比d意見，謝謝， 以下係我自己既睇法：

首先講民生，雖然最近都好多負面新聞，不過我係用家，知道果d事唔會令到學校質素變差，每間學校總有好和不足既地方，我其實好鍾意民幼語文環境，而家大仔講英文有自信，英文成績都幾好，而民生係一間傳統學校，總會有一d比較守舊做法，呢一點相信間間學校都會，至於唔係100％直上問題，我唔擔心，大仔上到，細佬都冇問題，對於我自己，如果細佬讀民生，接送返學放學係方便d,因為我地住學校附近，而且已有大仔經驗，細佬既功課都會容易跟。

而對培正，因為唔係用家，只可以由其他家長知道學校既事，只知道培正好多方面都好好，學術，品德培養都好優勝，而且培正banding 比民生好，我唯一擔心既係中中，不過好多人都話培正英文唔差，我問過我身邊既家長，個個都叫我選培正。

其實我自己唔想因為大仔讀民生，就要細佬跟住佢，覺得咁樣對細佬唔公平，所以想大家比d意見我，有冇過來人可以分享下，謝謝各位。

DCMaMe

回覆 ckgoody 的帖子

我估樓主對這兩所幼稚園都有一定的認識，大仔是民幼出品，又多朋友小孩在培幼就讀，所得的Information應該都幾充裕。我的愚見係樓主的家庭教學理念又接近那所學校呢？


我自己小孩都係活潑型，但在學校算係乖乖學生，好聽話。亦係慢熱觀察型，但多發問多做事，有自己的要求。在MS返學返得好開心。我家小孩能說流利英語，在校有NET成日同佢地玩（其實係上堂，但好活動和互動），我覺得這可以Keep住佢對英語運用上的需求和習慣。而民幼真係好多嘢比佢試，所以佢覺得每日有好多嘢玩好開心。

我和他爸爸覺得這種教學模式比較合適我家小孩，而德育及行為上民幼亦非常著重，所以我們選擇了MS。


至於PC，我有朋友小孩就讀，而我妹妹亦認識一些學校重要的人物，綜合所知的資料，我只能說民幼比較接近我們所想，就此而已。

annienorman

既然兩小差不多，嘗試再比較兩中學行嗎？因小學會升上去

ckgoody

原帖由 DCMaMe 於 14-03-17 發表
其實樓主個心想D咩都好明顯，敢問樓主，大仔當年係咪考過PC，但唔好彩未獲Offer，有個情意結？

坦白講我真 ...

我大仔果陣考唔到培正，我諗唔係情意結既問題。

細佬响屋企比較活躍，但係學校好乖，好聽話，佢係慢熱型，小說話，多做事，所以佢d小肌肉發展好好，咁既性格適合培正or 民生呢？

DCMaMe

其實樓主個心想D咩都好明顯，敢問樓主，大仔當年係咪考過PC，但唔好彩未獲Offer，有個情意結？

坦白講我真係唔覺PC好過MS好多，尤其KG更加，我自己會Grade MS KG 好過 PC，呢個係我們覺得MS跟我們家庭學習理念和活潑開心的教學模式認同些而已（利申：我係民幼家長，上年亦可選擇PC），當然每個家都有自己的睇法，既然樓主又唔覺得民小有咩唔好，而只為了一些朋友的說話，或個人認為的 "名" 就做决定，我反而覺得樓主對細仔唔公平。

其實樓主有沒有想過兩兄弟在同一學校上課，其實係好開心的事，哥哥覺得自己在照顧細佬，而細佬又會好開心可以同哥哥一齊返學，當然作父母的我們，明知係兩碼子事，但在小朋友眼中就係咁。我小時候就係是這樣，所以我好明白。都係老生常談，為他們選擇一所最適合的學校，如果細佬適合PC就PC，適合MS就去MS，咁就係為細佬著想。

phoebewong123

原帖由 ckgoody 於 14-03-17 發表
可能响我心目中，或者大部份人既心目中，培正係好過民生，我自己唔想對細佬唔公平，如果只是因為接送方便， ...

其實你心係想入pc 就去pc
我都覺得兩間其實差不多

ckgoody

原帖由 PrettyPC 於 14-03-17 發表
咁其實你唔洗問人, 你自己已有答案

可能我覺得兩間學校既LEVEL差唔多, 唔係差別大到要分開兩間 ...

多謝你

PrettyPC

ckgoody 發表於 14-3-17 12:22
可能响我心目中，或者大部份人既心目中，培正係好過民生，我自己唔想對細佬唔公平，如果只是因為接送方便， ...

咁其實你唔洗問人, 你自己已有答案

可能我覺得兩間學校既LEVEL差唔多, 唔係差別大到要分開兩間讀, 如果你話阿哥讀私校, 要細佬讀學券就話好似唔太FAIR, 而家大家都讀私校, 其實都冇咩大問題

其實人人睇法唔同, 最緊要自己心中有定案, 就隨心去做啦, 加油!

ckgoody

原帖由 PrettyPC 於 14-03-17 發表
字裡行間睇得出你想俾細仔讀PC, 但其實如果我係你, 大仔已經讀緊民小, 你對民生冇咩唔like, 樣樣都摸熟哂,  ...

可能响我心目中，或者大部份人既心目中，培正係好過民生，我自己唔想對細佬唔公平，如果只是因為接送方便，容易跟功課就要佢放棄呢個機會，我覺得對佢唔公平。

PrettyPC

字裡行間睇得出你想俾細仔讀PC, 但其實如果我係你, 大仔已經讀緊民小, 你對民生冇咩唔like, 樣樣都摸熟哂, 除非細仔考唔到民生, 又或者佢既性格同民生唔夾, 否則我先會俾佢讀其他學校

兩個小朋友讀同一間學校, 自已唔洗再適應過, 校服書本盡可能都用得番, 慳番少少錢, 遲d有咩家長日親子日都唔怕撞哂期, 唔知去邊個好, 考試期就更加啦, 大家一齊考哂唔洗時時刻刻都係忙住溫習

我個囡黎緊讀民生k1, 仲有個細仔跟尾, 我既理念都係, 細佬考到就首選民生, 衰左就睇下邊間收再諗

ajfamily

我個人覺得兩間學校唔差幾，可能有人覺得培小好D，亦有人覺得民小好D，但我睇法是兩間差距不遠，不值得為這小小的分別分開兩個孩子讀不同學校，除非你已對民小有不滿。兩個孩子能夠讀同一間學校是很好的安排。

Cheerglory

真心吾覺得培正好過民生。當年我只報了民生， 沒報培正。現時在讀民小覺得相當滿意。你大仔在民小已讀了三年，如滿意就不必讀其他學校了，畢竟每個人期望不一樣，轉其它學校畢竟要從新適應。況且人地覺得好可能讀了你覺得不好， 畢竟感覺是很個人的。挑學校是向自己負責， 不是向其它人交代， 自己想清楚才決定吧， 祝福你。

ckgoody

原帖由 chumiguan 於 14-03-16 發表
如果唔consider 阿哥已在民小, 一定揀PC. 但same as 小曵人所講, 返唔同學校有排煩唔同嘅schedule同埋家長 ...

其實到細佬讀小學，哥哥已經中一，佢地既schedule 一定唔同，都冇得就

chumiguan

如果唔consider 阿哥已在民小, 一定揀PC. 但same as 小曵人所講, 返唔同學校有排煩唔同嘅schedule同埋家長要適應過, 我一定揀民生。

bubuG

PC

小曳人

家長既然熟咗學校，應該揀返民生
你自己諗諗，兩個小朋友唔同測考時間，唔同家長日、旅行、返放學、課外活動等等安排... 真係人都癲！
除非，你覺得樣樣唔同仲方便啦！
雖然兩個小朋友係獨立個體，但係生活節奏規律，一樣會比較易安排

ckgoody

原帖由 mrschiang 於 14-03-14 發表
而家既民幼比你大仔時多好多功課，尤其親子類，培正功課量應該相對少好多，如果要跟大仔民小既功課測驗考試 ...

一日4—5樣，如果小朋友乖既，响學校肯做功課，其實都可以做左大部份，有d同學可以做晒潻，一年兩測兩考

meowymeowy

個人會選培正，身邊幾位朋友都送小朋友入培正，反而無人報讀民生，我估純粹個人喜好～ 自己就因為小時候接觸過兩間學校的學生，培正的學生比較投契。

wipebb

樓主滿唔滿意民小?

amy_0101

培正真係一所好好嘅幼稚園，有幸入到，真係要諗清楚先好去決定