甚麼世界？還有連坐法？

wingsma

這是甚麼世紀，居然還有連坐。友人仔仔因同班同學排隊時不守秩序，結果全班要罸企，問我可否投訴，我說一定要投訴，但她說不肯定連坐是否合理可行的！我講她又不很相信，大家請指教！

pandamommy

原帖由 傻太 於 14-03-17 發表
要有勇氣去表達果個係媽媽？

大人細路都要學有勇氣同埋用適當方法表達意見。至於咩事情咩時候係學生自己講定家長出手，視乎學生年齡，事情係咪超出嗰個應有嘅能力等。

pandamommy

原帖由 idy926 於 14-03-17 發表
本帖最後由 idy926 於 14-3-17 15:11 編輯

我個人認為，如果只係一次半次有人忘記關水喉，我唔會駡，大人有時唸緊嘢或好趕都會有甩漏啦，向全班提點下咪算囉，除非經常發生就要查下。執嘢執得慢，要睇下個學生咩原因，顧住玩?發緊夢?枱面和櫃太亂?組織／執行／肌肉活動能力弱？一味駡唔一定有用喎。譬如有d學生，你扮唔等佢照走，佢就自然快快趕上，但又能有d學生需要人指導下佢點樣管理自己嘅物品以致執得快d。

傻太

原帖由 pandamommy 於 14-03-03 發表
我反而覺得如遇不公平的事，能以平靜友善嘅態度，同有勇氣去表達不同嘅意見，都係一種教育。現今社 ...

要有勇氣去表達果個係媽媽？

idy926

pandamommy 發表於 14-3-14 12:29
或者我再仔細d講。我係先叫全班企響身，靜哂，先至話無份傾偈丶出位等坐低。咁真乖嘅會光明正大坐低。有份 ...

如果我女個老師有咁用心咪好囉

請問你如果發現有人無關水喉，無人認，會點處理？我女又全班罰啦，一至兩星期都因為吾同嘅野全班罰，成日因為有一兩個放學執書包慢d又罰，班主任往往因咁，鬧人鬧到變成全校最遲放學果班，勁無奈！鬧完再罰明日無小息或交剪報寫感想，仲講下次再係咁，又點點點罰，d小朋友開頭都好怕，但日子有功，而家麻林了，換黎只有不分氣，個個未出學校大門就同家長大吐苦水，我只好話，我明白佢乖就得啦！

hecabb

原帖由 Queenielam88 於 14-03-02 發表
罰下企就要俾人投訴，而家做老師真係好難做呀！唔怪得知而家啲老師係不被尊重囉！可悲！



  ...

wingsma

回覆 akys 的帖子

世界上確有很多不公平現像，但這並不表示我們可以對人不公平，大陸有很多小童失學，有些山區學校課室漏水，日曬雨淋，但你會接受貴子女接受這些學校嗎？我們不是還在追求名校神校嗎？

「某國家天天有女性被強姦，妳只系比人摩摩大肶，小事啫！算吧喇！！！」

有一些問題是值得多一點思考的︰

**“一人犯錯，全體受罰”這類手法沒有什麼感覺，主要是從什麼角度去看，是個人還是團隊，而個人與團隊管理經常是對立的。**

我們應從學生的角度看，不是為老師方便，而且，只罸犯錯者真的很困難嗎？

**例如為何要用我交的稅去養弱小或懶人，同學有人遺失了東西為何全班要留校。**

交稅是公民責任，不是懲罰；扶助弱小是文明社會的價值，養懶人只是政府走漏眼，正如警察捉不盡所有盜賊，但你不能說警察讓人偷東西！

同學有人遺失了東西要全班留校，是為了查出失物及犯事者，也不是懲罰，無辜者浪費了時間只是無奈，老師也不想，但有更好的方法嗎？

**一班同學會幫助或勸諭其他同學以免一同受罰。公平嗎？不公平！可以接受嗎？未至於不可接受。**

要同學協助勸諭其他(犯規)同學，絶對可以，但(犯規)同學不理，也不應處罰勸諭的同學，否則第一個應受處罰的便是管不好學生的老師！但只要老師有用心教導學生，總不能因為有學生不受教而說老師不盡責，要處分！

pandamommy

原帖由 pandamommy 於 14-03-13 發表
我以前教小學，如果一入課室，見全班好嘈，我會話:「轉堂時安靜嘅坐響度，有份傾計或玩嘅企響度。但如果你 ...

或者我再仔細d講。我係先叫全班企響身，靜哂，先至話無份傾偈丶出位等坐低。咁真乖嘅會光明正大坐低。有份曳嘅，響咁靜，咁多人見嘅情況好少夠膽坐，一坐都有人插。咁我再因情況罰呢d人。賞罰分明，被罰嘅都心服口服，先真正學到紀律。

sugarnana

雖然不大認同，但我會體諒老師用這種全班罰的方法，當一位老師對30-40位同學時，如想盡快安靜教書，唯有一失控就全班罰。當然，功力深厚的老師自然一出場會吸引全場，讓學生心悅誠服。

pandamommy

原帖由 apsm 於 14-03-13 發表
有好多好野蠻......

呢個方法OK嘅，始終小學生，有人唔認，chok幾chok，都認，或有人攻出嚟。當然考老師觀察力同技巧。所以，得罪講句，連坐只係老師懶或無料時係方法。都係果句，一次半次算數，成日連坐就唔好啦。唔好話以前係咁就得，以前體罰添啦。人有critical thinking，社會會不斷進步。

akys

回覆 wingsma 的帖子

討論啫。其實有沒有問題都是從那一個角度看，以管理者來看這是比較有效的方法，但以個人來看卻是不公。現實世界是原居民不能在自己的地上蓋房，美國為了自己可以量化寬鬆，影響全球，其他部門虧本令自己賺錢的部門沒有花紅，或者不能改變一些對自己階層不公的政策。
並不是支持這種制度，不過總覺得沒有什麼大不了，自己亦經過這個階段。如果不是太過份，反而可令孩子明白社會及團隊如何運作

wingsma

回覆 akys 的帖子

得罪講句，你覺得老師因為「黑狗偷食而罸白狗」都無問題，這就是問題！

木子

原帖由 Yanamami 於 14-03-02 發表
本帖最後由 Yanamami 於 14-3-2 13:05 編輯

好平常者！成日罰成班一齊無小息放啦！曳人成日連累同學。 ...

我仔學校都係咁，唔覺得有咩問題

akys

我對“一人犯錯，全體受罰”這類手法沒有什麼感覺，主要是從什麼角度去看，是個人還是團隊，而個人與團隊管理經常是對立的。例如為何要用我交的稅去養弱小或懶人，同學有人遺失了東西為何全班要留校。 。 。等等。阿仔學校經常採用這種辦法管理學生，我會用中性態度與孩子討論，了解他的看法。他會不滿但明白老師背後的用意， 正面的看，有時一班同學會幫助或勸諭其他同學以免一同受罰。公平嗎？不公平！可以接受嗎？未至於不可接受。老師用嗎，哦！不用？不知道。

akys

回覆 little_yolky 的帖子

又未至於天大的事，以自己為例，小學時成績還可以，連同幾個成績好的同學要輔導追不上的同學， 攪笑的是他們不合格我們都要受罰，要打手板。幾十年過去，對身心都沒有什麼影響，反而是Gathering時的親切話題。

little_yolky

雖然認同的家長認為罰下無小息或罰下抄好小事, 但這是我們成年人的角度。對於一個小小孩, 尤其係要响老師面前乖的小小孩, 被老師罰係天大的事。我們常常認為長大後職場更多不公平的事情。但是, 學校是教育的地方, 應該將最正確的一面反映給小朋友知, 這些什麼團體精神可以在體育運動上學習, 不是在連累受罰中體驗, 因為這是不公平的。學校應該教導我們正確的知識, 在不同場合教導包容, 集體負責, 而不需要在集體受罰中學習成年人及現今社會不公平的現象, 令他們從小就學習無奈的心態。這些無奈就讓我們年長的人去承受吧, 他們的心裡最好都是保持做得好可以受讚賞的心態會比較好。

pandamommy

我以前教小學，如果一入課室，見全班好嘈，我會話:「轉堂時安靜嘅坐響度，有份傾計或玩嘅企響度。但如果你有份嘈而又唔企起身嘅，其他同學會話我知，我罰雙倍!」。身為老師，我覺得響我限制中，我要盡量以公平方式處理，賞罰分明，呢個係老師嘅責任。我本人比較開明，家長善意而且有理嘅意見我會聽。

karen55407

是的