考數學卷會否叫小朋友先做應用題？

fyhui

考數學卷會否叫小朋友先做應用題？小兒小三  上年試過唔夠時間做應用題 (因試卷有40條短答 8條應用題) 請給意見  thx

hugo2004

我一向都叫阿仔順序做，難果的就飛，唔好曬時間左想右想。做完份卷再去想難果的。

Mini-mummy

我小朋友（小二）順序做，暫冇話唔夠時間。佢份卷前面都有一兩題係比較難。

simonkawah

一定吾會，由我讀書時到現在小女讀。都是利用短題目來做開頭熱身，然後答應用題/長題目時會得心應手d

ballg

計數其實係需要warm up,做簡單嘅先，刺激腦部，之後先做難嘅會容易點。

qkhui

我仔現在小六, 他自己也有研究過做那一PART 先最好, 他認為做前`面比較淺的好些, 因較易取分及所用時間會較少`.

小豬嘜

個人覺得其實做後面文字題先反而唔好，因前面雖然分數佔小，但相對較淺，較易做完。但做後面先，如唔識得做，就會好緊張，盞越攪越衰。  如做完全份卷，可叫小朋友由後面開始先覆卷，從而減低文字題錯既機會。減少失分。

chanwendy

文字題通常放最後, 佔分最重, 亦最難最花時間.  相反前面的題目通常較易取分.  我只會叫佢前面做快啲, 唔好磨咁耐, 留返啲時間做文字題.  如果佢花咗大部分時間去做文字題, 最後前面的易題目明明識但冇時間, 咁仲唔抵.

littlehei2008

依我們以前會考，睇餸食飯。如後面題目佔分數多些便先做，否則，便先做前面的又較容易的短題目！

fyhui

多謝你寶貴意見 thx

selina1109

原帖由 fyhui 於 14-03-01 發表
考數學卷會否叫小朋友先做應用題？小兒小三  上年試過唔夠時間做應用題 (因試卷有40條短答 8條應用題) 請給 ...

我仔小三試過這樣，做前面用太多時間，後面勉強做完。暫未試過做晤完，但冇時間覆卷。之後，我叫他後面做起，但反而做晤哂。因為後頁佔30分為挑戰题加文字题，花時間多左。


計過成效，寧願前面有把握短答做好，錯少d，晤識跳做。反而夠時間做兼覆卷。